ຮອງປະທານສູນກາງແນວລາວສ້າງຊາດມອບເຄື່ອງຊ່ວຍເຫຼືອມູນຄ່າ 15 ລ້ານກີບ ໃຫ້ຜູ້ທີ່ຖືກຜົນກະທົບ ໄພພິບັດທີ່ເມືອງປາກອູ 

ວັນທີ 21 ສິງຫາ 2018ນີ້ ທ່ານ ນາງ ແກ້ວຍອດມະນີ ສຸພານຸວົງ ຮອງປະທານສູນກາງແຮງລາວສ້າງຊາດ ພ້ອມດ້ວຍຄະນະ ໄດ້ມອບເຄື່ອງຊ່ວຍເຫຼືອໃຫ້ແກ່ພໍ່ແມ່ປະຊາຊົນບັນດາເຜົ່າຜູ້ທີ່ຖືກຜົນກະທົບ ຈາກໄພພິບັດທໍາມະຊາດ ຢູ່ທີ່ເດີ່ນໜ້າ ຫ້ອງວ່າປົກຄອງເມືອງປາກອູ ເຄື່ອງທີ່ນຳມາມອບໃນຄັ້ງນີ້ເປັນເຄື່ອງອຸປະໂພກ ແລະບໍລິໂພກ ປະກອບມີ ເຂົ້າສານ, ອາຫານແຫ້ງ, ນ້ຳດື່ມ ແລະ ເຄື່ອງນຸ່ງຮົ່ມ ລວມມູນຄ່າທັງໝົດ 15.000.000ກີບ,ຊຶ່ງໄດ້ຮັບໂດຍທ່ານ ບຸນທັນ ບໍລະວົງ ຮອງເຈົ້າເມືອງ,ປະທານແນວລາວສ້າງຊາດເມືອງປາກອູ ໂດຍມີທ່ານ ຄໍາຫຼ້າ ທະສິນິພອນ ປະທານແນວລາວສ້າງຊາດ ແຂວງຫຼວງພະບາງ ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມເປັນສັກຂີພະຍານເຊິ່ງເຄື່ອງທີ່ໄດ້ຮັບບໍລິຈາກຄັ້ງນີ້ທາງອົງການປົກຄອງເມືອງປາກອູ ຈະນໍາໄປແຈກຍາຍໃຫ້ຜູ້ທີ່ຖືກຜົນກະທົບ ຈາກໄພພິບັດນ້ຳຖ້ວມພາຍໃນເມືອງ ໃນໄລຍະຜ່ານມາ.


ຂ່າວ: ສົມລິດ ນັກຂ່າວເມືອງປາກອູ