ໄຊຍະບູລີ ຈະສົ່ງ 16 ປະເພດກິລາເຂົ້າຮ່ວມງານ ກິລາແຫ່ງຊາດ ຄັ້ງທີ XI

0
130


ຕາມການເປີດເຜີຍຂອງ ທ່ານ ພັນ ດວງຕາ ຮອງຫົວໜ້າພະແນກສຶກສາທິການ ແລະ ກິລາແຂວງໄຊຍະບູລີ ທີ່ໄດ້ຂຶ້ນຜ່ານຂໍ້ຕົກລົງໃນກອງປະຊຸມປອຶກສາຫາລື ກະກຽມຄວາມພ້ອມເຂົ້າຮ່ວມງານມະຫາກໍາກິລາແຫ່ງຊາດ ຄັ້ງທີ XI ເມື່ອວັນທີ 24 ເມສາ ທີ່ຜ່ານມາວ່າ: ແຂວງໄຊຍະບູລີ ຈະສົ່ງ 16 ປະເພດກິລາເຂົ້າຮ່ວມງານດັ່ງກ່າວປະກອບດ້ວຍ: ບານເຕະ, ບານສົ່ງ, ກະຕໍ້, ສະນຸກເກີ, ດອກປີກໄກ່, ໝາກແລ້, ເປຕັງ, ແລ່ນ-ລານ, ລົດຖີບ, ຊ່ວງເຮືອ, ໝາກຂ່າງ, ໜ້າເກັກ, ກ໊ອຟ, ປິ່ງປ່ອງ, ມວຍສາກົນ ແລະ ເທຄວັນໂດ.


ສ່ວນແຜນການຝຶກຊ້ອມ, ການຄັດເລືອກນັກກີລາ ແຕ່ລະປະເພດ ແລະ ປະຕິບັດຕາມກອງທຶນສົ່ງເສີມການພັດທະນາກິລາ-ກາຍະກໍາຂອງແຂວງ, ເຊິ່ງຈະນໍາໃຊ້ງົບປະມານໃນການສົ່ງນັກກິລາເຂົ້າຮ່ວມງານມະຫາກໍາກິລາແຫ່ງຊາດ ຄັ້ງທີ 11 ຄາດຢູ່ທີ 4 ຕື້ກວ່າກີບ.