ນັກກິລາຕີດອກ ເຍົາວະຊົນລາວ ຍາດໄດ້ຫຼາຍລາງວັນ ລາຍການ Jorakay International Junior Championship 2018

0
141

ໃນອາທິດທີ່ຜ່ານມາ ສະຫະພັນກິລາດອກປີກໄກ່ແຫ່ງຊາດລາວ ໄດ້ສົ່ງນັກກິລາເຂົ້າຮ່ວມແຂ່ງຂັນກິລາດອກປີກໄກ່ສາກົນລຸ້ນເຍົາວະຊົນ ອາຍຸບໍ່ເກີນ 12 ປີ, 14 ປີ ແລະ 16 ປີ ໃນລາຍການ Jorakay International Junior championship 2018 ທີ່ຈັງຫວັດອຸດອນທານີ ປະເທດໄທ ເຊິ່ງລາຍການດັ່ງກ່າວ ເປັນລາຍການຂອງສະມາຄົມເເບດມິນຕັນແຫ່ງປະເທດໄທເປັນຄົນຈັດຂຶ້ນ ເຊິ່ງທາງ ສປປ ລາວ ໄດ້ສົ່ງນັກກິລາເຂົ້າຮ່ວມທັງຫມົດ 10 ນ້ອງ

ເຊິ່ງຜ່ານການແຂ່ງຂັນ 3 ວັນ ລະຫວ່າງວັນທີ 31 ສິງຫາ ຫາ 02 ກັນຍາ 2018 ສາມາດຍາດໄດ້ຜົນສຳເລັດດັ່ງລຸ່ມນີ້:

1. ນາງ ພຸດສະຫວັນ ດາວປະສິດ ໄດ້ຮອງຊະນະເລີດ ດ່ຽວເຍົາວະຊົນຍິງ 12 ປີ

2. ນາງ ພຸດສະຫວັນ ດາວປະສິດ+ນາງ ອັດຈິມາ ພິຈິດ ໄດ້ຮອງຊະນະເລີດ ຄູ່ເຍົາວະຊົນຍິງ 12 ປີ

3. ນາງ ພຸດສະຫວັນ ດາວປະສິດ ໄດ້ຊະນະເລີດ ດ່ຽວເຍົາວະຊົນຍິງ 14 ປີ

4. ນາງ ວິລະກອນ ກົມມະນີວັນ+ນາງ ສຸດທິດາ ສອນນະລາດ ໄດ້ອັນດັບ 3 ຄູ່ເຍົາວະຊົນຍິງ 16 ປີ

5. ທ້າວ ມານັດ ເພຍສຸລິນ ໄດ້ຊະນະເລີດ ດ່ຽວເຍົາວະຊົນຊາຍ 14 ປີ

6. ທ້າວ ໄຊຍະລາດ ສຸກສະຫວັດ ໄດ້ອັນດັບ 3 ດ່ຽວເຍົາວະຊົນຊາຍ 14 ປີ

7. ທ້າວ ມານັດ ເພຍສຸລິນ+ທ້າວ ໄຊຍະສອນ ແກ້ວໄຊ ໄດ້ຊະນະເລີດ ຄູ່ເຍົາວະຊົນຊາຍ 14 ປີ

8. ທ້າວ ໂພທິພອນ ບຸນມີໄຊ+ທ້າວ ໄຊຍະລາດ ສຸກສະຫວັດ ໄດ້ຮອງຊະນະເລີດ ຄູ່ເຍົາວະຊົນຊາຍ 14 ປີ

9. ທ້າວ ມານັດ ເພຍສຸລິນ ໄດ້ອັນດັບ 3 ດ່ຽວເຍົາວະຊົນຊາຍ 16 ປີ

10. ທ້າວ ສີປະເສີດ ອາລຸນສະຫວາດ+ທ້າວ ສຸກສາຄອນ ສິງວິໄລ ໄດ້ຮອງຊະນະເລີດ ຄູ່ເຍົາວະຊົນຊາຍ 16 ປີ

ຂໍສະແດງຄວາມຊົມເຊີຍກັບນັກກິລາດອກປີກໄກ່ເຍົາວະຊົນລາວ ທັງ 10 ນ້ອງທີ່ເຂົ້າຮ່ວມແຂ່ງຂັນ ແລະ ຍາດໄດ້ຜົນງານໃນຄັ້ງນີ້

ຂໍຝາກພີ່ນ້ອງ ແຟນແຟນດອກປີກໄກ່ລາວທຸກຄົນໃຫ້ກຳລັງໃຈ ແລະຊຸກຍູ້ສົ່ງເສີມຂະເຈົ້າໃນລາຍການຕໍ່ໆໄປດ້ວຍ