ຫົງນາວາ 2 ເປັນແຊ້ມງານແຂ່ງຂັນຊວ່ງເຮືອປະຈຳປີ ຂອງກຸ່ມບ້ານນໍ້າງາ, ເມືອງນໍ້າບາກ

0
200

ວັນທີ່ 3 ກັນຍາ 2018 ທີ່ສາຍນໍ້າງາ ບ້ານນຊ້າງາ ເມືອງນໍ້າບາກ ແຂວງຫຼວງພະບາງ ໄດ້ຈັດງານບຸນແຂ່ງຂັນຊ່ວງເຮືອປະຈໍາປີ 2018 ໂດຍການເປັນປະທານຂອງທ່ານ ສີສະອາດ ມົນສະຫວັດ ນາຍບ້ານ-ບ້ານນໍ້າງາ,ໃຫ້ກຽດຮັບຊົມມີທ່ານ ສົມພອນ ສີອຸດົມພັນ ເຈົ້າເມືອງນໍ້າບາກ, ທ່ານ ຄຳວອນ ແກ້ວລຸນໜູນ ຮອງເຈົ້າເມືອງນໍ້າບາກ, ມີການນຳຂອງເມືອງ, ແຂກຖືກເຊີນ ອອ້ມຂ້າງເມືອງ ແລະ ບ້ານໃກ້ຄຽງມວນຊົນພາຍໃນເມືອງເຂົ້າຮວ່ມ.

ໃນພິທີທ່ານນາຍບ້ານໄດ້ກ່າວເປີດງານຢ່າງເປັນທາງການ ສໍາລັບເຮືອຊ່ວງທີ່ເຂົ້າແຂ່ງຂັນໃນປີນີ້ມີທັງໝົດ 8 ລໍາ, ເປັນປະເພດເຮືອສູດ ບັນຈຸ 17 ຫາ 20 ສີພາຍ. ແບ່ງອອກເປັນ 2 ສາຍຄື: ສາຍ A ແລະ ສາຍ B ໂດຍຈະແຂ່ງຂັນກັນແບບເສຍ 2 ເທື່ອຄັດອອກພາຍໃນສາຍ ເພື່ອເຂົ້າຊິງໄຊ ແລະ ມີຮອບການແຂ່ງຂັນທັງໝົດ 16 ຫາ 20 ລ່ອງ.ສໍາລັບເຮືອທີ່ເຂົ້າມາຮ່ວມແຂ່ງຂັນປະກອບມີ: ສາຍ A ມີ: ເຮືອຊວ່ງຫົງນາວາ 2, ເຮືອຊວ່ງ ນາງໄກ່ແກ້ວ, ເຮືອຊວ່ງຂວັນໃຈນໍ້າງາ 2, ເຮືອຊວ່ງຫົງນາວາ 1;ສາຍ B ມີ: ເຮືອຊວ່ງສີມຸງຄຸນ1, ເຮືອຊວ່ງຂວັນໃຈນໍ້າງາ1, ເຮືອຊວ່ງຫົງມີໄຊ, ເຮືອຊວ່ງສີມຸງຄຸນ2.

ຜ່ານການແຂ່ງຂັນດ້ວຍຄວາມເບິກບານມ່ວນຊື່ນປະກົດວ່າເຮືອຊ່ວງທີ່ໄດ້ເປັນແຊ້ມເຈົ້າຄອງສາຍນໍ້າງາ ໃນປີ 2018 ແມ່ນເຮືອຊ່ວງຫົງນາວາ2 ໄດ້ຮັບເງິນສົດ 1.200.000 ກີບ ພ້ອມຂັນແຊ້ມ 1 ໜ່ວຍ, ທີ່ 2 ແມ່ນເຮືອຊວ່ງຂວັນໃຈນໍ້າງາ1 ຮັບເງິນສົດ 1.000.000 ກີບ, ທີ່ 3 ເຮືອຊວ່ງບ້ານສີມຸງຄຸນ1 ໄດ້ຮັບເງິນສົດ 900.000 ກີບ, ທີ່ 4 ເຮືອຊວ່ງນາງໄກ່ແກ້ວ ໄດ້ຮັບເງິນ 800.000 ກີບ,ທີ່ 5 ເຮືອຊວ່ງບ້ານສີມຸງຄຸນ2 ໄດ້ຮັບເງິນ 700.000 ກີບ,ທີ່ 6 ເຮືອຊວ່ງຫົງນາວາ1 ໄດ້ຮັບເງິນ 600.000 ກີບ, ທີ່ 7 ເຮືອຊວ່ງຫົງມີໄຊ ໄດ້ຮັບເງິນ 550.000ກີບ ແລະ ທີ່ 8 ແມ່ນເຮືອຊວ່ງຂວັນໃຈນ້ຳງາ2 ໄດ້ຮັບເງິນ 500.000 ກີບ

ໃຫ້ກຽດມອບລາງວັນທີ່1, ທີ່ 2 ແມ່ນທ່ານ ສົມພອນ ສີອຸດົມພັນ ເຈົ້າເມືອງນ້ຳບາກ, ມອບລາງວັນທີ 3, ທີ່ 4 ແມ່ນ ທ່ານ ຄຳວອນ ແກ້ວລຸນໜູນ ຮອງເຈົ້າເມືອງນ້ຳບາກ ແລະ ລາງວັນອື່ນຯຕາມລຳດັບ. ການຈັດງານໃນຄັງນີ້ ເພື່ອເປັນການປົກປັກຮັກສາ, ເສີມຂະຫຍາຍມູນເຊື້ອວັດທະນະທຳ, ຮີດຄອງປະເພນີອັນດີງາມຂອງເມືອງ ກໍ່ຄືຂອງກຸ່ມບ້ານ ທີ່ໄດ້ສືບທອດກັນມາແຕ່ດົນນານ.

ຂ່າວ:ສັກ ສິງດາລັກ