ທ່ານ ບົວສອນ ບຸບຜາວັນ ນຳພາທິມ ໄປຊ່ວຍໄພພິບັດ ນໍ້າຖ້ວມ ເມືອງສະຫນາມໄຊ ແຂວງ ອັດຕະປື

0
396

ໃນວັນທີ 28/8/2018 ຜ່ານມາ ທ່ານບົວສອນ ບຸບຜາວັນ ອະດີດ ນາຍຍົກລັດຖະມົນຕີ ແຫ່ງ ສປປລາວ ປະຈຸບັນ ເປັນຫົວຫນ້າ ສະຖາບັນ ຄົ້ນຄວ້າ ເສດຖະກິດແຫ່ງຊາດ, ສູນກາງແນວລາວສ້າງຊາດ, ອົງການ ພຸດທະສາດສະໜາ ສຳພັນລາວ, ທ່ານ ພຣະອາຈານໃຫ່ຍ ພົງສະຫັວນ ອານຸສິນ ປະທານ ມູນຖິທິຊ່ວຍເຫລືອຄົນທຸກຍາກແຫ່ງ ສປປລາວ, ທ່ານ ອູສະຫັວນ ທ່ຽງເທບວົງສາ ພ້ອມດ້ວຍທິມງານສະຖາບັນ ຄົ້ນຄົວເສດຖະກິດ ແຫ່ງຊາດ ຕະຫລອດຮອດ ໂຮງໝໍ-ລາວອາຊຽນ ທີ່ຢູ່ຄຽງຂ້າງໃນການເດີນທາງ ພ້ອມໃຫ້ ສຸກຂະພາບທາງທິມງານ ແລະ ປະຊາຊົນ ຫນ່ວຍສັງຄົມສັງເຄາະ,ພ້ອມດ້ວຍ ບໍລິສັດ ຫ້າງຮ້ານ ທາງພາຍໃນແລະຕ່າງປະເທດ ແລະພາກສ່ວນອື່ນໆທີ່ຍັງບໍ່ໄດ້ ກ່າວເຖິງ

ພວກເຮົາເດີນທາງອອກຈາກນະຄອນວຽງຈັນແຕ່ 3 ໂມງເຊົ້າ ໄປເຕົ້າລວມ ຢູ່ວັດ ຫລັກ 29

ເລີ່ມການເດີນທາງແມ່ນ 04:00 Am ເປັນຂະບວນໃນການເດີນທາງທັງໝົດປະມານ ຊາວກວ່າຄັນລົດລົດກະບະ ແລະ ລົດຈິບ ໃນນັ້ນ ມີລົດລາກ 18 ລໍ້1ຄັນ (ບໍລິສັດ ໂສພາ ຂົນສົ່ງ ຊ່ວຍເຫລືອການທຸກການເດີນທາງ) ແລະລົດບັນທຸກເຄື່ອງ1ຄັນ (ລົດຂອງມູນຖິທິ ຊ່ວຍເຫລືອຄົນທຸກຍາກ ແຫ່ງ ສປປລາວ ) ເດີນທາງຮອດເມືອງປາກເຊ ແຂວງຈຳປາສັກໃນຊ່ວງເວລາ 19:00-20:00

ໃນຕອນເຊົ້າ ຂອງວັນຖັດມາ ພວກເຮົາທັງໝົດ ແມ່ນແມ່ນກິນເຂົ້າເຊົ້າ,ໄດ້ປະຊຸມກັນ ແລະ ວາງແຜນກັນຢູ່ທີ່ ໂຮງແຮມ ຈຳປາສັກແກນ ຫລັງຈາກເລິກປະມານເວລາປະມານ 07:45ນາທີ ແມ່ນຕົກລົງກັນເປັນ 2 ທິມ ຄື:

ທີມທີ່ 1: ແມ່ນ ຈັດໃຫ້ ທິມແພດໝໍ ກັບ ອ້າຍນ້ອງທະຫານ ຂົນສົ່ງຢາ ແລະ ເຄື່ອງຊ່ວຍເຫລືອໄປ ເຂົ້າສູ່ ບ້ານຕະມໍຢອດ ເມືອງສະຫນາມໄຊ ແຂວງ ອັດຕະປື

ທີມທີ 2 :ແມ່ນ ໄປຊ່ວຍເຫລືອ 4 ໝູ່ບ້ານທີ່ຖືກກະທົບ ໃນ ເມືອງ ປາກຊ່ອງ ແຂວງຈຳປາສັກ

ການເດີນທາງ ແຕ່ ປາກເຊ ຂຶ້ນໄປປາກຊ່ອງ ແມ່ນມືດແລະມີມອກ ຈຳນວນຫລວງຫລາຍ,ເສັ້ນທາງເຮັດໃຫ່ມ ແມ່ນແລ່ນໄປໄວບໍ່ໄດ້,ຫລັງຈາກການເດີນທາງ ພົບບັນຫາຫລາຍຍາກ ລົດບາງຄັນຂອງທິມງານຈົນແມັກແຕກແຕ່ໂຊກດີທີ່ ຄົນຂອງພວກເຮົາບໍ່ໄດ້ຮັບບາດເຈັບ,ການເດີນທາງແຕ່ເມືອງ ປາກຊ່ອງ ແຂວງຈຳປາສັກ ຜ່ານໄປທາງ ໄຊດອນໂຂງ ເຂົ້າສູ່ ບ້ານຕະມໍຢອດ ເມືອງສະຫນາມໄຊ ແຂວງ ອັດຕະປື ປະມານ 30-40 ກິໂລແມັດ ໄຊ້ໄລຍະເວລາບໍ່ຕ່ຳກວ່າ 6-8 ຊົ່ວໂມງ

https://www.facebook.com/LaoFoundation/videos/309651972919298/

ການເດີນທາງແມ່ນສຸດທິຂອງຄວາມລຳບາກ

ລົດທີ່ຂົນເຄື່ອງ ແລະ ທີມ ແພດໝໍ ພ້ອມດ້ວຍອຸປະກອນ ແລະ ຢາປົວພະຍາດ ແມ່ນລົດ ອູລານ ຂອງກອງ ພັນໃຫ່ຍ 608 ຫລັກ 73 ,ພ້ອມດ້ວຍທະຫານ ຊ່າງແສງ ທີ່ເບີກທາງໃຫ້ພວກເຮົາເຂົ້າໄປເຖິງຈຸດຫມາຍໄດ້ຄືທະຫານແຂວງ ຈຳປາສັກ ແລະ ທະຫານເມືອງ ເມືອງປາກຊ່ອງ(ທາງເສັ້ນເຂົ້າທີ່ເຂົ້າຖືກຕັດຂາດດ້ວຍສາຍນ້ຳກາຍເປັນສາຍນ້ຳເສັ້ນໃຫ່ມ) ໃນຊ່ວງຂອງການເດີນທາງ ແມ່ນມີຝົນຕົກຫລາຍ ເສັ້ນທາງມື່ນ,ເປັນຕົມ,ຫລົ່ມ,ມີນ້ຳຂຶ້ນບາງຈຸດ ຕ້ອງໄດ້ໄຊ້ລົດໄຖນາລຸ້ນໄຫ່ຍ ຢູ່ຄຽງຂ້າງ ຕ້ອງຂອບໃຈ ບໍລິສັດ ພຣະເມືອງກໍ່ສ້າງ ແລະຂົວທາງ ຂອງ ທ່ານ ວົງວິໄລ ໄຊຍະສອນ

ທີ່ພວກເຮົາເຂົ້າມາເຖິງປະຊາຊົນ ດ້ວຍເສັ້ນທາງແມ່ນຄັ້ງທີ່ 2 (ທີ່ເຫັນແມ່ນເຂົ້າໄດ້ມີແຕ່ທາງຍົນ)

ຜົນການກວດ ສຸຂະພາບ ຕົວຈິງ ຂອງ ປະຊາຊົນ ໃນຄັ້ງນີ້ແມ່ນຄັ້ງທີ່ 2, ສາມາດສະຫລຸບ ພະຍາດທີ່ພົບຫລາຍ ຈະບໍ່ຂໍສະແດງຕົວເລກ (ສຳລັບຕົວເລກແມ່ນເຮົາຈະຂຽນລາຍງານໃຫ້ ກະຊວງສາທາລະນະສຸກ ອີກຄັ້ງຫນຶ່ງ) ສ່ວນທີ່ກວດພົບເຫັນແມ່ນ : ເປັນໄຂ້,ເປັນຫວັດ,ເປັນໄອ,ເຈັບຄໍ,ອັກເສບຮູຄໍ,ແພ້,ເປັນຕູ່ມ,ຕາແດງ,ຖອກທ້ອງ ແລະ ພະຍາດອື່ນໆອີກ ທີ່ຍັງບໍ່ໄດ້ກ່າວເຖິງ(ຈຳນວນນ້ອຍ) ແລະ ກໍ່ໄດ້ວາງແຜນຂ້າແມ່ທ້ອງ ທັງຜູ້ໃຫ່ຍ ແລະ ເດັກນ້ອຍ ເກືອບທົ່ວເຖິງ

ແລະ ອີກຫນຶ່ງຢ່າງ ທີ່ເຮົາໄດ້ ປິ່ນປົວ ແລະ ໄຊ້ເວລາຫລາຍທີ່ສຸດກໍ່ຄື ສຸຂະພາບຈິດ ຂອງ ປະຊາຊົນຜູ້ທີ່ຖືກກະທົບແລ້ວ ຍັງສູນເສຍຄອບຄົວຜູ້ທີ່ຮັກອີກ

ທ່ານ ບົວສອນ ບຸບຜາວັນ ໄດ້ລົງຢ້ຽມປະຊາຊົນ ທີ່ເຈັບປ່ວຍ ມາເຊີດຊູໄສ່ນ້ຳໄສ່ຢາ,ມາກວດ ແລະເອົາຢານຳ ແພດໝໍ ຂອງພວກເຮົາທີ່ຈັດຕຽມມາທີ່ຊ່ວຍເຫລືອລ້າ(ສະຖານທີ່ໄສ່ຢາແມ່ນມີຄວາມຄັບແຄບຫລາຍ),ປະຊາຊົນທີ່ຖືກໄພນ້ຳຖ້ວມ ແມ່ນ ປະຊາຊົນ ບ້ານຫີນລາດ ແລະ ບ້ານຕະມໍຢອດ ສາມາດສະຫລຸບ ໄດ້ດັ່ງນີ້ : ປະຊາຊົນບ້ານຫີນລາດ ແມ່ນມີ ທັງໝົດ 97 ຄອບຄົວ ແລະ ບ້ານຕະມໍຢອດ ແມ່ນມີ 87 ຫລັງຄາ 98ຄອບຄົວ ມີປະຊາກອນ ແມ່ນ 498 ຄົນ ໃນນັ້ນເປັນຍິງແມ່ນ 217 ຄົນ (ສະເພາະບ້ານຕະມໍຢອດ ສ່ວນບ້ານ ຫີນລາດ ແມ່ນມີການເຄື່ອນໄຫວໄປມາ

ແລະທ່ານບົວສອນ ບຸບຜາວັນ ພ້ອມດ້ວຍທີມງານ ແມ່ນໄດ້ມອບເຄື່ອງຊ່ວຍເຫລືອໃຫ້ປະຊາຊົນ ທີ່ເປັນ ເຄື່ອງ ອຸປະໂພກ ແລະ ບໍລິໂພກ ໃຫ້ທຸກຄອບຄົວ ທີ່ເຮົາຈັດເປັນຊຸດໄວ້ແລ້ວນັ້ນ ພ້ອມທັງ ຕິດຕັ້ງ ໂຮງງານນ້ຳດື່ມ ເພື່ອໃຫ້ປະຊາຊົນໄດ້ມີນ້ຳກິນຕະຫລອດປີ ມູນຄ່າການຊ່ວຍເຫລືອຄັ້ງນີ້ແມ່ນ

550,000,000 ກີບ (ຕົວຫນັງສື: ຫ້າຮ້ອຍຫ້າສິບລ້ານກີບ )

ສະພາບປະຊາຊົນ ທີ່ພັກອາໄສແມ່ນ ໄດ້ຢູ່ຕາມເຕັ້ນຕາມເສັ້ນທາງ ແລະເດີນທີ່ມີບ່ອນວ່າງ ການຟື້ນຕົວຂອງປະຊາຊົນ ບ້ານຫີນລາດ ແມ່ນຍັງມີຄວາມຍຸງຍາກຫລາຍ ແລະ ອາຫານ ການກິນ ແມ່ນຍັງຂາດຫລາຍ (ມີຍົນມາສົ່ງເຄືອງ ພ້ອມ ຂົນສົ່ງ ປະຊາຊົນ ໄປມາ ຕາມທີ່ເຫັນແມ່ນ ມື້ລະ 2 ຖ້ຽວ,ສ່ວນອາຫານແຫ້ງ ແລະ ເຂົ້າສານຈຳນວນຫນຶ່ງ ທີ່ມາສົ່ງກໍ່ຍັງບໍ່ພຽງພໍກັບຄວາມຕ້ອງການຂອງ ປະຊາຊົນໄດ້ ແລະ ປະຊາຊົນຍັງຂາດໄຟຟ້າ ຕ້ອງໄດ້ອາໄສໄຟຈາກຈັກມື້ລະ1-2ຊົ່ວໂມງ ເພາະນ້ຳມັນທີ່ຈະໄສ່ຈັກ ກັບ ນ້ຳມັນ ໄສ່ລົດຂອງປະຊາຊົນ ກໍ່ບໍ່ພຽງພໍ

ຫລັງຈາກໄດ້ມອບເຄື່ອງເປັນທີ່ຮຽບຮ້ອຍແລ້ວ ທ່ານບົວສອນ ບຸບຜາວັນ ແລະ ພຣະອາຈານໃຫ່ຍ ພົງສະຫັວນ ອານຸສິນ ຍັງໃຫ້ທີມ ແພດໝໍ ແມ່ນສຶບຕໍ່ການປິ່ນປົວຢູ່ຄືເກົ່າ,ແລ້ວທິມທັງຫມົດແມ່ນເຄື່ອນໃຫວການເດີນທາງກັບແຕ່ ບ້ານຕະມໍຢອດ ມາສູ່ປາກຊ່ອງ ເລີ່ມອອກເດີນທາງແມ່ 17:00 ອອກມາຮອດປາກຊ່ອງແມ່ນ 05:00 ເຊົ້າໃນມື້ຖັດມາໃຊ້ເວລາ 12 Hr ຈຶ່ງອອກໄດ້ ເພາະເສັ້ນທາງລຳບາກຫລາຍ

ສຸດທ້າຍນີ້ຂໍອວຍພອນໃຫ້ປະຊາຊົນຊາວເມືອງ ສະຫນາມໄຊ ຈົ່ງເຂັ້ມແຂງ ແລະ ມີສຸຂະພາບທີ່ດີ ພ້ອມດ້ວຍທີມງານທຸກໆຄົນທີ່ມີສ່ວນຮ່ວມໃນການທຳບຸນໃນຄັ້ງນີ້ ຈົ່ງມີແຕ່ຄວາມສຸກຄວາມຈະເລີນ ປາສະຈາກໂລກໄພໄຂ້ເຈັບ ຂໍໃຫ້ຜູ້ມີຈິດໃຈສັດທາທຸກໆຄົນ ທຸກໆພາກສ່ວນ ທີ່ປະກອບສ່ວນຈົ່ງເປັນທີ່ຮັກທີ່ເຄົາລົບຂອງປະເທດຊາດຕໍ່ໆໄປ ຂໍຂອບໃຈ

ທີ່ມາ : Saiy Vilayvong