ປະຊານິຍົມ ຮ້ານກາເຟຄູ່ແທ້ຫລວງພະບາງ! ຊິມລົດຊາດຕົ້ນສະບັບເມືອງຫລວງ ຄັກແທ້ໂອ້

ທີມງານ ພາທ່ຽວ ໄປຫລວງພຣະບາງ ໄດ້ນໍາເອົາຂໍ້ມູນ ຮ້ານກາເຟທີ່ລືຊື່, ສັນຍາລັກ ແລະ ເປັນຕໍານານ ທີ່ນັກທ່ອງທ່ຽວ ທຸກຄົນຕ້ອງບໍ່ພາດທີ່ຈະແວະ ໄປຊີມກາເຟແຊບໆ ແບບຕົ້ນສະບັບຫລວງພຣະບາງ.

ຮ້ານກາແຟນີ້ ແມ່ນດຳເນີນການຂາຍກາແຟ ມາແຕ່ລຸ້ນຂອງພໍ່ ຫລັງຈາກນັ້ນຫລາຍປີ ຜູ້ເປັນພໍ່ໄດ້ຫມົດບຸນໄປແລ້ວ ແມ່ນໃຫ້ລູກຊາຍແລະລູກໄພ້ ດຳເນີນກິດຈະການຮ້ານນີ້ມາຈົນເຖິງທຸກມື້ນີ້ ( ຜູ້ຍິງໃນຮ້ານນັ້ນແມ່ນລູກໄພ້ )

ຮ້ານກາເຟປະຊານິຍົມ ເລີ່ມທຸລະກິດ ປະມານປີ 1991 ຊື່ເຈົ້າຂອງຮ້ານຜູ້ເລີ້ມຕົ້ນແມ່ນລູງບົວສີ. ປະຈຸບັນແມ່ນນາງສົມຈິດເປັນຜູ້ດຳເນີນກິດຈະການ. ຮ້ານນີ້ຂາຍກາເຟເຂົ້າຈີ່ເຂົ້າໜົມຄູ່ເຂົ້າປຽກ ເປີດຮ້ານເວລາ 05:00-12:000 ທຸກໆມື້.

ຮ້ານນີ້ໂດ່ງດັງຫລາຍ ໂດຍສະເພາະຂອງໄທ ທີ່ຈະມັກນິຍົມມານັ່ງກິນໃນຕອນເຊົ້າ . ນອກຈາກນັ້ນ ຍັງມີການຂາຍເຂົ້າປຽກ ເຂົ້າຫມົນຄູ່ ພ້ອມ

ຖ້າຮອດຫລວງພຣະບາງ ຢາກໄປຊີມ ຖາມໃຜກໍ່ຮູ້, ຮ້ານຕັ້ງຢູ່ສາມແຍກ ທ່າເຮືອເມ. ຍ່າງລົງຈາກ ສີ່ແຍກໂຮງແຊກ ໄປຫາແມ່ນໍ້າຂອງ ແລ້ວຢູ່ກໍ້າຊ້າຍມືໂລດ.

ທັງອຸດໜູນທຸລະກິດທ້ອງຖິ່ນ ແລະ ດຶ່ມກາເຟແບບຫລວງພຣະບາງ, ຢ່າລືມໄປອຸດໜູນເດີ.

ພາບແລະເລື່ອງໂດຍ: Houmphet Manisouk