ທົ່ວປະເທດ ໄດ້ຮັບຜົນກະທົບຈາກໄພທໍາມະຊາດ ຫຼາຍກວ່າ 1 ແສນຄອບຄົວ

    0
    118

    ໄພທໍາມະຊາດທີ່ໄດ້ເກີດຂຶ້ນໃນໄລຍະ 2-3 ເດືອນ ຜ່ານມາສ້າງຄວາມເສຍຫາຍ ແກ່ຊັບສິນ ແລະ ຊີວິດຂອງປະຊາຊົນ ຜ່ານການປະເມີນຜົນປະທົບຕົວຈິງ ໄພທໍາມະຊາດທີ່ເກີດຂຶ້ນໄດ້ສົ່ງຜົນກະທົບໂດຍກົງຕໍ່ປະຊາ ຊົນ 16 ແຂວງ 1 ນະຄອນຫຼວງວຽງຈັນ (ນວ).

    ໃນນັ້ນມີ 110 ເມືອງ 2.099 ບ້ານ 113.538 ຄອບຄົວ 541.674 ຄົນ ເສຍ ຊີວິດ 54 ຄົນ (ສະເພາະແຂວງອັດຕະປື 40 ຄົນ) ບາດເຈັບ 2 ຄົນ ແລະ ຍັງ ຊອກບໍ່ເຫັນ 100 ຄົນ (ອັດຕະປື 97 ຄົນ ຫຼວງພະບາງ 3 ຄົນ).

    ນອກນັ້ນຍັງໄດ້ຍົກຍ້າຍປະຊາຊົນໄປບ່ອນພັກເຊົາຊົ່ວຄາວ 4.890 ຄອບຄົວ 20.516 ຄົນ ໃນນີ້ຢູ່ ນະຄອນຫຼວງວຽງຈັນ ມີການຍົກຍ້າຍ 1.925 ຄອບຄົວ 9.304 ຄົນ ແຂວງ ອັດຕະປື 1.611 ຄອບຄົວ 7.095 ຄົນ.

    ປັດຈຸບັນ ອົງການປົກຄອງແຂວງ ທ້ອງຖິ່ນຕ່າງໆ ກໍາລັງຂຸ້ນຂ້ຽວ ໃນການຟື້ນ ຟູຊີວິດການເປັນຢູ່ຂອງປະຊາຊົນ ໃຫ້ກັບຄືນສູ່ສະພາບປົກກະຕິໂດຍໄວ.

    ລາຍງານໂດຍ: ວຽງຈັນໃໝ່