ສາລະວັນ ທໍາລາຍສິນຄ້າໝົດອາຍຸ-ສິນຄ້າຜິດກົດໝາຍ

ແຂວງສາລະວັນ ກວດພົບບັນດາຫ້າງຮ້ານ, ຮ້ານຂາຍເຄື່ອງ ແລະ ຜູ້ປະກອບການ ລວມທັງໝົດມີ 38 ຮ້ານ, ໃນນັ້ນມີ ຮ້ານຄົນລາວ 27 ຮ້ານ, ຮ້ານຄົນຈີນ 5 ຮ້ານ ແລະ ຮ້ານຂອງຄົນຫວຽດນາມມີ 6 ຮ້ານ, ເຊິ່ງສາມາດຢຶດສິນຄ້າໄດ້ທັງໝົດ 5 ລາຍການໃຫຍ່: ເຄື່ອງສໍາອ່າງ, ຈັກສະຕິ້ນ, ຊິ້ນສ່ວນອາໄລ່ຈັກສະຕິ້ນ, ເຂົ້າໝົມ, ເຄື່ອງດື່ມ ແລະ ຢາສູບ, ລວມມູນຄ່າຂອງສິນຄ້າທັງໝົດ 18 ລ້ານກວ່າກີບ.

ໃນນວັນທີ 19 ກັນຍາ ປີ 2018 ນີ້, ພະແນກອຸດສາຫະກໍາ ແລະ ການຄ້າແຂວງ ຮ່ວມກັບ ຄະນະກຳມະການປົກປ້ອງຜູ້ຊົມໃຊ້ ໄດ້ຈັດພິທີຈູດທໍາລາຍສິນຄ້າໝົດອາຍຸ ແລະ ອຸປະກອນຜິດກົດໝາຍ (ອາວຸດລ່າສັດ) ຢູ່ເດີ່ນບິນຂອງແຂວງ, ໂດຍມີ ທ່ານ ຄໍາຜ່ານ ສີລາວີ ຫົວໜ້າພະແນກອຸດສາຫະກຳ ແລະ ການຄ້າແຂວງ, ມີບັນດາຄະນະການນໍາຈາກພະແນກການອ້ອມຂ້າງແຂວງ, ເມືອງ ແລະ ພາກສ່ວນກ່ຽວຂ້ອງເຂົ້າຮ່ວມ.

 

ທີ່ມາ: ຂປລ