ລົດໃຫຍ່ປະທະລົດຈັກ ເສຍຊີວິດຄາທີ 1 ຄົນ ທາງບ້ານຊໍາເຄ້ 23/9/2018 (ມີຄລິບ)

0
280

ນະຄອນຫຼວງວຽງຈັນ: ລາຍງານຈາກ ກູ້ໄພນາຄາ ໃຫ້ຮູ້ວ່າ ໃນວັນທີ 23/9/2018 ເວລາ 20:35 ໄດ້ມີເຫດລົດໃຫຍ່ຕຳກັບລົດຈັກ ຢູ່ເຂດບ້ານຊຳເຄ້ , ນະຄອນຫຼວງວຽງຈັນ.

ທີ່ເກີດເຫດ ມີລົດສອງຄັນ ຄືລົດໃຫຍ່ທະບຽນ ກໍາແພງນະຄອນ ກຣ 8218 ສະພາບແມ່ນແຕກເສຍຫາຍ ດ້ານໜ້າເບື້ອງຊ້າຍ, ແລະ ລົດຈັກ ທະບຽນ ກຳແພງນະຄອນ ດທ 4849, ແລະ ມີຜູ່ເສຍຊີວິດ 1​ ຄົນທີ່ຟົ້ງໄກຈາກ ລົດຈັກສົມຄວນ.

 

ເຫດດັ່ງກ່າວເຮັດໃຫ້ມີຜູ້ເສຍຊີວິດ 1 ຄົນ ເປັນເພດຊາຍ ຜູ່ຂີ່ລົດຈັກ ແມ່ນປະຊາຊົນ ບ້ານໂຊກນ້ອຍ ເມືອງໄຊເສດຖາ ນະຄອນຫຼວງວຽງຈັນ. ອາການເບື້ອງຕົ້ນແມ່ນ ຂາຊ້າຍຫັກ ແລະ ກະທົບຫົວຮຸນແຮງເຮັດໃຫ້ຜູ້ບາດເຈັບໄດ້ເສຍຊີວິດຄາທີ່
ຂໍສະແດງຄວາມເສຍໃຈນຳຄວບຄົວຜູ້ເສຍຊີວິດໃນຄັ້ງນີ້ດ້ວຍ

ສາເຫດຂອງອຸບັດຕິເຫດ ທາງເຈົ້າໜ້າທີ່ກ່ຽວຂ້ອງຈະດຳເນີນການຕໍ່ໄປ, ສ່ວນສົບຜູ່ເສຍຊີວິດ ແມ່ນໄດ້ນຳສົ່ງໃຫ້ຍາດພີ່ນ້ອງໄປດຳເນີນການບຳເພັນກຸສົນແລ້ວ.


_____________________________________________
ແຈ້ງເຫດສຸກເສີນໂທ 020 2345 6784 ຕະຫລອດ 24 ຊົ່ວໂມງ