ພາບບັນຍາກາດການຮັບສະໝັກ ນາງສາວລາວ ທີ່ນະຄອນຫຼວງວຽງຈັນ

ພາຍຫຼັງທີ່ມີພິທີເປີດໂຕໂຄງການປະກວດນາງສາວລາວ 2018 ຢ່າງເປັນທາງການ ດ້ວຍຮູບແບບການຈັດງານແບບໃໝ່, ຂອງລາງວັນທີ່ມູນຄ່າສູງກວ່າຜ່ານມາ, ມົງກຸດທີ່ອອກແບບພິເສດ ແລະ ປະກາດຮັບສະໝັກນ້ອງນາງສາວລາວກວມເອົາທັງ 18 ແຂວງທົ່ວປະເທດ ເຮັດໃຫ້ກອງປະກວດ ນາງສາວລາວ 2018 ຄຶກຄັກ ແລະ ຍິ່ງໃຫຍ່ກວ່າຜ່ານມາ.

ມື້ນີ້ທີມງານພາມາສ່ອງ ພາບບັນຍາກາດ Road Show ຮັບສະໝັກ ນາງສາວລາວ ທີ່ວິທະຍາໄລລັດຕະນາ ນະຄອນຫຼວງວຽງຈັນ ເຊິ່ງໄດ້ພີທິ Road Show ດັ່ງກ່າວຈັດຂື້ນໃນບວັນທີ 21 ກັນຍາ ຜ່ານມາ  ແລະ ກໍາລັງຈະເດີນສາຍໄປທັງ 18 ແຂວງ ເພື່ອເຝັ້ນຫານ້ອງນາງສາວ ທີ່ມີຄວາມງາມ, ຄວາມສະຫງ່າ, ຄວາມສາມາດ, ຄວາມມີໄມຕຣິຈິດ, ຄວາມໜ້າຮັກ ແລະ ຄວາມງາມທີ່ສະທ້ອນຄວາມເປັນລາວ ເພື່ອເຜີຍແຜ່ວັດທະນາທໍາລາວ, ປະເທດລາວ ແລະ ຄວາມງາມຂອງແມ່ຍິງລາວສູ່ສາຍຕາຊາວໂລກ  ເພາະນີ້ແມ່ນ “ເວທີແຫ່ງກຽດຕິຍົດ ແລະ ຄວາມພູມໃຈຂອງແມ່ຍິງລາວ”.