ອາລິຍາ ກັບບົດບາດ ນາເດຍ ໃນລະຄອນສັ້ນ ພອນຮັກ! ຜູ່ກໍາກັບບອກ ຍົກໂປ້ໃຫ້ເລີຍ!

0
186

“OMG” ຄຳຈຳກັດຄວາມນີ້ ຂໍມອບໃຫ້ ນາງເອກ ຄົນນີ້ເລີຍ “ອາລິຍາ ສຸທຳມະວົງ” ນານ່າ ຮັບບົດ ເປັນ ນາເດຍ ນາງເອກຂອງເລື່ອງ.. ອາລິຍາ ນັກສະແດງໜ້າໃໝ່ ແຕ່ໄຟໃນການເຮັດວຽກ ໂຄດດດດດຫລາຍ ເດັກນ້ອຍຄົນນີ້ ຄວາມສາມາດໃນໂຕນ້ອງຫລາຍອີຫລີ.. ລຸງໜວດເຫັນແວວຈາກ ວິດີໂອ ເຕັ້ນ ກິກີ ຂອງນ້ອງ, ລຸງໜວດທາບທາມໄປທັນທີ່ ນ້ອງບອກວ່າ “ສົນໃຈ ແຕ່ຢ້ານເຮັດບໍ່ໄດ້” ແຕ່ ອາລິຍາກໍ່ມາແຄັສຕີ້ງຈົນໄດ້.

ຄັ້ງທຳອິດທີ່ໄດ້ພົບໂຕຈີ່ງນ້ອງ ລຸງໜວດຮູ້ສຶກເລີຍວ່ານ້ອງມີພະລັງແຜງຢູ່ໃນໂຕຫລາຍ.. ແຕ່ນ້ອງເປັນຄົນທີ່ບໍ່ໝັ້ນໃຈເລີຍ ແຕ່ສີ່ງທິ່ປະທັບໃຈຫລາຍແມ່ນນ້ອງ ນົບມາຕັ້ງແຕ່ໜ້າປະຕູຫ້ອງແຄັສຕີ້ງ ຈົນຮອດຕອນນັ່ງສຳພາດ ນ້ອງຍັງນົບຢູ່.. ເວົ້າຫຍັງໄປນ້ອງກໍ່ນົບຢູ່ຫັ້ນລະ.. ນັ້ນລະ ຄວາມມີສຳມາຄາລະວະ ແລະຄວາມມີສະເນ່ຂອງນ້ອງ ຈົນຮອດທຸກມື້ນີ້ ນ້ອງກໍ່ຍັງນົບທຸກໆຄົນ ທຸກໆຄັ້ງ ບໍ່ວ່າຄົນໆນັ້ນຈະແມ່ນໃຜ ຕຳແໜ່ງໃດ.. ເອີ້!! ນັ້ນລະຄັກສຸດອີຫລ້າ..

ສີ່ງທີລຸງໜວດ ເຊື່ອໃນໂຕນ້ອງຢ່າງໜື່ງກໍ່ຄື.. ຄວາມຕັ້ງໃຈ ແລະຄວາມຮັບຜິດຊອບຕໍ່ໜ້າທີ່.. ອາລິຍາ ເປັນນັກສະແດງທີ່ຕ້ອງຢູ່ໃນທຸກສາກ ແລະທຸກຄີວການຖ່າຍ ອາລິຍາ ຕ້ອງຕື່ນແຕ່ 4-5ໂມງເຊົ້າເພື່ອໃຫ້ຮອດສະຖານທີ່ຖ່າຍທຳ 6ໂມງເຊົ້າ ເພື່ອແຕ່ງໜ້າກຽມໂຕເຂົ້າສາກ.. ນ້ອງມາຕົງເວລາຕະຫລອດ ລຸງໜວດຂໍຄາລະວະ.. ໃນທຸກໆມື້ ອາລິຍາບໍ່ເຄີຍຈົ່ມເລີຍ ມາກອງກໍ່ຈັກເອົາແຮງມາແຕ່ໃສ ແລ່ນມ່ວນຊື່ນປານລີງ.. ຮ່າຮ່າ ລຸງໜວດຈົນຕັ້ງສາຍາວ່າ “ລີງນ້ອຍອາລິຍາ”.

ອີກເລື່ອງທີ່ຕ້ອງຈົ່ມຂັວນ ອາລິຍາ ຄື: ທຸກສາກທີ່ຍາກໆ ສາກອາລົມທີ່ຕ້ອງໃຊ້ອາລົມຂັ້ນສູງ ມີນ້ຳຕາ ດລາມ່າໜັກໆ ຄຳເວົ້າທຳອິດ ທີ່ອາລິຍາຈະເວົ້າຕະຫລອດຄື “ເຮົາເຮັດບໍ່ໄດ້” ແລ້ວຄວາມຕືງຄຽດ ກໍ່ຈະວົນວຽນໃນກອງຖ່າຍ.. ແຕ່.. ລຸງໜວດຂໍບອກ ອາລິຍາ ເຮັດໄດ້ທຸກຄັ້ງ.. ແລະເຮັດໄດ້ດີຫລາຍໆ.. ອາລິຍາ ຄອງສະຖິຕິ ເທັກດຽວຜ່ານຫລາຍທີ່ສຸດ ໂດຍສະເພາະສາກອາລົມທຸກສາກ.. ບໍ່ມີເລີຍວ່າອາລິຍາ ຈະເຮັດບໍ່ໄດ້.. ລຸງໜວດແທບຈະບໍ່ຢາກເຊື່ອ ວ່ານີ້ຄື ການສະແດງ ຄັ້ງທຳອິດຂອງ ອາລິຍາ.. ຄວາມຮັບຜິດຊອບ ຄວາມຕັ້ງໃຈ ການສ້າງອາລົມໃນສາກ ທຸກຢ່າງ ນ້ອງມາເຕັມ.. ລຸງໜວດບໍ່ມີຄຳບັນຍາຍ.. ບອກໄດ້ຄຳດຽວວ່າ “OMG”

ຈົ່ມຂັວນຫລາຍແລ້ວ.. ເອົາເປັນວ່າພໍຫອມປາກຫອມຄໍເນາະ.. ສຸດທ້າຍຕ້ອງຂໍຂອບໃຈ ພໍ່ແມ່ ແລະ ຄອບຄົວຂອງ ອາລິຍາ ທີ່ໃຫ້ຄວາມສຳຄັນ ແລະ ພັກດັນ ໃນການເຮັດວຽກຂອງນ້ອງ ລຸກແຕ່ເຊົ້າມາສົ່ງນ້ອງທຸກໆເຊົ້າ ແລະໄວ້ໃຈທີມງານລຸງໜວດໃນການຮ່ວມວຽກກັບນ້ອງ.. ແລະລຸງໜວດຂໍຂອບໃຈ “ນານ່າ ອາລິຍາ ສຸທຳມະວົງ” ທີ່ຍອມມາແຄັສຕີ້ງໃນມື້ນັ້ນ.. ແລະຕັ້ງໃຈສະແດງເຕັມທີ່ ທຸກສາກ ທຸກແອັກຊັ້ນ ແລະທຸກໆວັນ.. ອາລິຍາ ມັກຈະຂອບໃຈ ລຸງໜວດຕະຫລອດທີ່ໃຫ້ໂອກາດ.. ແຕ່ຄວາມຈີ່ງ ອາລິຍາ ເປັນຄົນທີ່ໃຫ້ໂອກາດ ໂຕເອງ ລຸງໜວດເປັນພຽງຂົວຕໍ່ ບົນເສັ້ນທາງນີ້ຂອງທຸກຄົນ.. ແລະຕ້ອງກ່າວຄຳຂອບໃຈ ” OMG Girl ນານ່າ ອາລິຍາ ສຸທຳມະວົງ ” ນັກສະແດງ ທີ່ມີພະລັງໃນໂຕເອງໂຄດດຫລາຍ.

ຕິດຕາມຜົນງານຂອງນ້ອງໄດ້ທີ່ #ພອນຮັກ #ເດີຊີຣີ ວິດຝົນນີ້