ເມນູບັນເທົາອາການໄຂ້ຫວັດ…ທີ່ຄວນຮູ້ໄວ້!!!

0
301

ເມື່ອເລີ່ມເຂົ້າສູ້ໜ້າຝົນ ສຳລັບຄົນທີ່ຮ່າງກາຍບໍ່ຄ່ອຍແຂງແຮງ ຫລື ພັກຜ່ອນບໍ່ພຽງພໍກໍ່ຄົງມີອາການເປັນຫວັດກັນເປັນທຳມະດາ ມື້ນີ້້ເຮົາຈຶ່ງຂໍແນະນຳ 7 ເມນູເດັດທີ່ຊ່ວຍບັນເທົາອາການໄຂ້ຫວັດ ມາຝາກກັນໂດຍເລີ່ມຈາກ.

1. ນ້ຳຜັກ ແລະ ໝາກໄມ້ສົດ: ອຸດົມໄປດ້ວຍສານຕໍ່ຕ້ານອະນຸມູນອິດສະລະທັງວິຕາມິນເອ, ວິຕາມິນຊີ, ວິຕາມິນອີ ປ້ອງກັນການຕິດເຊື້ອ ແລະ ຊ່ວຍກຳຈັດສິ່ງແປກປອມໄດ້ເປັນຢ່າງດີ.

2. ແກງໄກ່: ເພາະມີສານນິວໂຊຟິນ ມີລິດຢັບຢັ້ງການເຄື່ອນທີ່ຂອງເມັດເລືອດຂາວ ຈຶ່ງຊ່ວຍຢັບຢັ້ງການອັກເສບໃນປອດ, ຊ່ວຍຫຼຸດອາການໄອໄດ້.

3. ຊາຮ້ອນ: ດ້ວຍສານໂພລິຟີນນໍ ທີ່ພົບໃນຊາຮ້ອນທຸກຈອກ ຊຶ່ງຊ່ວຍຫຼຸດອາການຕິດເຊື້ອ, ເຮັດໃຫ້ຫາຍໃຈສະດວກ.

4. ກະທຽມ: ນຳເອົາກະທຽມ 1 ກີບນ້ອຍມາຊອນເປັນຕ່ອນບາງໆ ແລ້ວໃຊ້ບີ້ບີ້ໃຫ້ແຕກ ຕື່ມນ້ຳຮ້ອນລົງໄປ 1ຈອກ ພ້ອມນ້ຳໝາກນາວອີກໜ້ອຍໜື່ງ ດື່ມມື້ລະ 2 ຈອກ ພຽງເທົ່ານີ້ອາການຫວັດກໍ່ຈະບັນເທົາລົງ.

5. ໂຍເກິດ: ຊ່ວຍເພີ່ມລະດັບການເຮັດວຽກງານຂອງເມັດເລືອດຂາວ ແລະ ການຮັບປະທານຢ່າງຕໍ່ເນື່ອງ ຈະຊ່ວຍຫຼຸດອາການຈາກຫວັດ ແລະ ພູມແພ້ໄດ້ອີກດ້ວຍ.

6. ນ້ຳຂິງ: ມີລິດຊ່ວຍຂັບເຫື່ອ, ແກ້ຫວັດເຢັນ (ຮູ້ສຶກໜາວ, ມີໄຂ້ຕ່ຳ, ບໍ່ຄ່ອຍມີເຫື່ອອອກ) ແລະ ຍັງຊ່ວຍບັນເທົາອາການເຈັບທ້ອງ, ອືດທ້ອງ.

7. ອາຫານເຜັດຮ້ອນ: ອາຫານທີ່ຊ່ວຍໃຫ້ດັງໂລ່ງ, ເຊົາຄັດດັງ ກໍ່ຄືອາຫານລົດເຜັດຮ້ອນທີ່ມີໝາກເຜັດເປັນສ່ວນປະກອບ ບໍ່ວ່າຈະເປັນໝາກເຜັດຂີ້ໜູ, ໝາກເຜັດຊີ້ຟ້າ, ໝາກເຜັດແຫ້ງ ລວມໄປເຖິງພິກໄທ ແລະ ສະໝຸນໄພລົດເຜັດຮ້ອນອື່ນໆ.

ພຽງເທົ່ານີ້ອາການໄຂ້ຫວັດຂອງທ່ານກໍ່ຈະບັນເທົາລົງແລ້ວ…