ອາຫານ 9 ຢ່າງ ທີ່ຄວນກິນຫຼັງອອກກໍາລັງກາຍ…

0
268

ຫຼາຍຄົນທີ່ຫຼຸດນ້ຳໜັກອາດຈະເຂົ້າໃຈຜິດວ່າ ຫຼັງອອກກຳລັງກາຍນັ້ນບໍ່ຄວນກິນອາຫານໃດໆ ທັ້ງສິ້ນເພາະຈະເຮັດໃຫ້ອ້ວນ ແຕ່ຫາກຮູ້ບໍ່ວ່າຊ່ວງຫຼັງອອກກຳລັງກາຍນີ່ແຫຼະ ເປັນຊ່ວງເວລາທີ່ຮ່າງກາຍຕ້ອງການອາຫານເຊັ່ນ: ນ້ຳ, ໂປຕີນ ແລະ ທາດແປ້ງ ທັ້ງນີ້ກໍ່ເພື່ອນຳເອົາໄປສ້ອມແຊມ, ເສີມສ້າງກ້າມຊີ້ນນັ້ນເອງ ເຮົາມາເບິ່ງອາຫານທີ່ຄວນຮັບປະທານ ຫຼັງອອກກຳລັງກາຍກັນດີກວ່າວ່າມີຫຍັງແດ່ກ່ອນຈະກິນຫຍັງເຂົ້າໄປກໍ່ຕ້ອງຂື້ນຢູ່ກັບປະລິມານຂອງແຄໂລຣີທີ່ທ່ານໄດ້ກິນເຂົ້າໄປແຕ່ລະມື້ນຳ ເອົາເປັນວ່າບໍ່ຫຼາຍບໍ່ນ້ອຍດີທີ່ສຸດ ທີ່ສຳຄັນຄວນກິນອາຫານຫຼັງອອກກຳລັງກາຍແລ້ວ 30 ນາທີ່ ຂື້ນໄປ.

1. ໄຂ່: ໂປຕີນ ແລະ carbohydrate ເປັນອາຫານທີ່ດີ ໂດຍສະເພາະກັບຜູ້ທີ່ມັກອອກກຳລັງກາຍ ເຊິ່ງໄຂ່ໃບນ້ອຍໆ ທີ່ເຮົາເຫັນຢູ່ນັ້ນອຸດົມໄປດ້ວຍໂປຕີນ 6.3 ກຼາມ ອີກທັ້ງ 1 ໜ່ວຍຍັງມີພຽງ 70 ແຄໂລຣີນັ້ນເອງ ເວົ້າໄດ້ວ່າໄຂ່ເປັນໜຶ່ງໃນອາຫານຈາກທຳມະຊາດ ທີ່ດີມີແຕ່ປະໂຫຍດລ້ວນໆ.

2. ນ້ຳໝາກກ້ຽງ: ນອກຈາກທ່ານຈະໄດ້ຮັບວິຕາມິນຊີໃນນ້ຳໝາກກ້ຽງຄັ້ນແລ້ວ ທ່ານຍັງໄດ້ຮັບ potassium ອີກ ເຊິ່ງສາມາດເຮັດໃຫ້ຮ່າງກາຍສົດຊື່ນຂື້ນໄດ້ ນ້ຳໝາກກ້ຽງຄັ້ນຈຶ່ງເປັນສິ່ງທີ່ຄວນດື່ມຫຼັງອອກກຳລັງກາຍເຊັ່ນກັນ.

3. ກ້ວຍ: ກ້ວຍຈັດເປັນອາຫານທີ່ມີຄຸນຄ່າທາງໂພຊະນາການສູງເພາະອຸດົມໄປດ້ວຍ ໂປຕິນ, ທາດເຫຼັກ, ວິຕາມິນເອ ອີກທັ້ງຍັງມີ ແມັກນີຊ່ຽມ ທີ່ສໍາຄັນນັ້ນ ຄາໂນໄຮເດຣດໃນກ້ວຍ ສາມາດດູດຊືມໄດ້ຢ່າງໄວເມື່ອກິນເຂົ້າໄປ ຫຼັງອອກກຳລັງກາຍ ຈຶ່ງສາມາດຟື້ນຟູຮ່າງກາຍໄດ້ດີ.

4. ປາແຊວມ່ອນ: ການຮັບປະທານປາແຊວມ່ອນນັ້ນ ຮ່າງກາຍບໍ່ພຽງແຕ່ຈະໄດ້ຮັບໂປຕີນເທົ່ານັ້ນ ຍັງໄດ້ຮັບສານ ໂອເມກາ 3 ອີກດ້ວຍ ເຊິ່ງໂອເມກາ 3 ທີ່ພົບໃນປາແຊວມ່ອນນັ້ນຍັງສາມາດຊ່ວຍສ້າງກ້າມຊີ້ນ ແລະ ເພີ່ມປະສິດທິພາບໃນການເຮັດວຽກຂອງກ້າມຊີ້ນໃຫ້ຫຼາຍຂື້ນອີກດ້ວຍ.

5. ຖົ້ວ ແລະ ໝາກໄມ້ອົບແຫ້ງ: ຫາກທ່ານເກີດຢາກກິນເຂົ້າໜົມຫຼັງອອກກຳລັງກາຍໃຫ້ນຶກເຖິງຖົ່ວ ແລະ ຜົນລະໄມ້ອົບແຫ້ງໄວ້ເປັນອັນດັບທຳອິດ ເພາະມີໂປຕີນ ແລະ ຄາໂບໄຮເດຣດ ທີ່ຮ່າງກາຍສາມາດດູດຊືມໄດ້ຢ່າງໄວ ດັ່ງນັ້ນ ຫຼັງອອກກຳລັງກາຍທ່ານຄວນຈະກິນສິ່ງເຫຼົ່ານີ້ຈັກໜຶ່ງຫຼືສອງກຳມື ເຊິ່ງຖົ່ວມີປະໂຫຍດຕໍ່ການສ້າງກ້າມຊີ້ນຫຼາຍທີ່ສຸດນັ້ນກໍ່ຄື: ຖົ່ວເຫຼືອງ ເພາະເຄິ່ງຖ້ວຍມີໂປຕີນເຖິງ 34 ກຼາມ.

6. ໝາກນັດ: ໝາກນັດຖືໄດ້ວ່າເປັນໝາກໄມ້ທີ່ມີວິຕາມິນສູງ ອີກທັ້ງໃນໝາກນັດຍັງມີສານ (bromelain) ເຊິ່ງສານນີ້ນອກຈາກຊ່ວຍຍ່ອຍໂປຕີນໄດ້ ແລ້ວຍັງສາມາດຊ່ວຍຕ້ານການອັກເສບ ທີ່ສຳຄັນວິຕາມິນຊີໃນໝາກນັດຍັງເປັນອົງປະກອບສຳຄັນໃນການຊ່ວຍສ້ອມແຊມ ເນື້ອເຍື່ອໄດ້ອີກ.

7. ມັນດ້າງ: ມັນດ້າງຖືວ່າເປັນອາຫານເພື່ອສຸຂະພາບ ໃນມັນດ້າງປະກອບດ້ວຍວິດຕາມິນຕ່າງໆ ຫຼາກຫຼາຍເຊັ່ນ: ວິຕາມິນ B6, ວິຕາມິນ C, ວິຕາມິນ D, ແມັກນີຊຽມ, ໂພເທັດສຊ່ຽມ ແລະທາດແປ້ງ ເໝາະສົມທີ່ຈະນຳມາກິນຫຼັງອອກກຳລັງກາຍ.

8. ກີວີ: ເປັນໝາກໄມ້ທີ່ເຕັມໄປດ້ວຍວິດຕາມິນຊີ ແລະ ໂພເທດສຊ່ຽມ ມີສ່ວຍຊ່ວຍຕ້ານoxidants ສາມາດຊ່ອມແຊມກ້າມຊີ້ນຫຼັງຈາກອອກກໍາລັງກາຍໄດ້ດີ.

9. ນ້ຳ: ຜິວສູນເສຍຄວາມຊຸ່ມຊື່ນ ອາດເກີດຂື້ນໄດ້ຫຼັງຈາກທີ່ເຮົາອອກກຳລັງກາຍ ດັ່ງນັ້ນເພື່ອດຶງເອົາຄວາມສົດຊື່ນກັບຄືນມາຫຼັງຈາກອອກກຳລັງກາຍ ໃຫ້ສັງເກດເບິ່ງວ່ານ້ຳໜັກໂຕເຮົານັ້ນຫຼຸດລົງເທົ່າໃດ ຫາກຫາຍໄປເທົ່າໃດກໍ່ດື່ມນ້ຳກັບໄປເທົ່ານັ້ນ ເຊິ່ງປະລິມານນ້ຳທີ່ແນະນຳໃຫ້ດື່ມ ຫຼັງອອກກຳລັງກາຍນັ້ນກໍ່ຄື 2-3 ຈອກນັ້ນເອງ.