ກະບະຮຸ່ນໄດຕໍາລົດຈັກ ລາກໄປ 50 ແມັດ ເສຍຊີວິດຄາທີ 1 ຄົນ ທີ່ ອັດຕະປື

0
305

ອັດຕະປື: ໃນຕອນເຊົ້າ ເວລາ ປະມານ 8:00 ຂອງວັນທີ 26/09/2018 ເກີດອຸບັດຕິເຫດ ລົດກະບະຮຸນໄດຕໍາກົ້ນລົດຈັກ ເສຍຊີວິດຄາທີ່

ຂໍ່ມູນໃຫ້ຮູ້ວ່າ ໃນມື້ເກີດເຫດ ນາງ ນ້ອຍ ບັນໂຮມ ແກ້ວມະນີ ໄດ້ຂັບລົດຈັກໄປໂຮງຮຽນຕາມປົກກະຕິ ແຕ່ເກີດເຫດບໍ່ຄາດຄິດເກີດຂຶ້ນ ໃນຂະນະທີ່ນາງນ້ອຍຂັບລົດຢູ່ນັ້ນໄດ້ມີລົດກະບະຮຸນໄດ້ມາຕຳເຂົ້າທາງຫລັງຢ່າງຈັງແລະແກ່ໄປໄລຍະທາງເກືອບ50ແມັດ ເຮັດໃຫ້ນາງນ້ອຍເສຍຊີວິດຄາທີ່.

ພີ່ນ້ອງຂອງຜູ່ເສຍຊີວິດ ເລົ່າສູ່ຟັງອີກວ່າ: “ກ່ອນເສຍຊີວິດນາງນ້ອຍໄດ້ຝັນບໍ່ດີມາຫລາຍມື້ແລະກ່ອນເຂົ້ານອນໃນຕອນກາງຄືນກໍ່ໄດ້ຍິນສຽງຄົນເອີ້ນຊື່ໂຕເອງແບບແປກໆ.,”

ທາງພີ່ນ້ອງນາງນ້ອຍໄດ້ເອົາສົບໄປທີ່ ວັດປ່າຫລັກສາມ ແຂວງອັດຕະປື. ວັນພະຫັດ ທີ 27/09/2018 ແມ່ນວັນຈະສະປະນາກິດສົບ ດັ່ງນັ້ນຈັ່ງແຈ້ງມາເຖິງຍາດຕິພີ່ນ້ອງແລະຫມູ່ເພື່ອນທັງຫລາຍຮັບຮູ້ທົ່ວເຖິງກັນວ່າ ນາງນ້ອຍ ບັນໂຮມ ແກ້ວມະນີ ລວມອາຍຸໄດ້23ປີໄດ້ເສຍຊີວິດລົງແລ້ວ.

ແລະຂໍຝາກເຖິງຜູ້ທີ່ຂັບຂີ່ທັງຫລາຍຈົ່ງມີສະຕິລະວັງຕົວໃນການຂັບຂີ່ ເພາະສູ່ມື້ນີ້ເຮົາບໍ່ຕຳເຂົາ ເຂົາກໍ່ຈະມາຕຳເຮົາ, ເຮັດດີກັບຄົນໃກ້ຊິດທ່ານກ່ອນທີ່ມັນຈະສາຍເກີນໄປ.