ຖວທ ນວ ສ້າງຂະບວນການອອກແຮງງານພ້ອມຮຽກຮ້ອງມວນເປັນເຈົ້າການຮັກສາຄວາມສະອາດ

0
136

ພະແນກຖະແຫລງຂ່າວ ວັດທະນະທຳແລະທ່ອງທ່ຽວນະຄອນ ຫຼວງວຽງຈັນ ຮ່ວມກັບ ບໍລິສັດ ຜູ້ສໍາປະທານອ້ອມຮອບກົມມະລຽນພະທາດຫຼວງ ສືບຕໍ່ສ້າງຂະບວນການອອກແຮງງານວັນເສົາແດງຢູ່ເດີນສະໜາມຫຼວງ ເພື່ອສ້າງຄວາມສະອາດຈົບງາມ ກຽມ ພ້ອມຈັດງານບຸນນະມັດສະການພະທາດຫຼວງ ປີ 2018 ພ້ອມຮຽກຮ້ອງມວນຊົນເປັນເຈົ້າການຮັກສາຄວາມສະອາດ.

ການສ້າງຂະບວນການຕ້ອນຮັບກອງປະຊຸມໃຫຍ່ສາມອົງການຈັດຕັ້ງ ກຳມະບານ ຊາວໜຸ່ມ ແມ່ຍິງທີ່ຈະຈັດຂຶ້ນໃນມໍ່ໆນີ້ທັງເປັນການຮັກສາຄວາມສະອາດ ກໍ່ຄື ສ.ສະອາດ.

ທ່ານ ພູວຽງ ໂພທິສານ ອຳນວຍການຫໍພິພິຕະພັນຮູບານສະຖານ ນວ ໄດ້ກ່າວວ່າ: ການອອກແຮງງານຄັ້ງນີ້ໄດ້ພ້ອມພາກັນຕັດຫຍ້າ ປັດກວາດເດີນສະຫນາມຫຼວງໂດຍສະເພາະ ບໍລິເວນເດີນດ້ານ ໜ້າພະທາດຫຼວງເພື່ອແນໃສ່ຮັກສາຄວາມສະອາດຈົບງາມ ກໍ່ຄື ຮັກສາໃຫ້ໄດ້ ສ.ສະອາດ ເພາະສະຖານທີ່ແຫ່ງນີ້ເປັນບູຮານສະ ຖານທີ່ເກົ່າແກ່ເປັນໃບໜ້າສຳຄັນໃນການຕ້ອນຮັບນັກທ່ອງທ່ຽວ.

ສະນັ້ນຈຶ່ງຮຽກຮ້ອງມາຍັງມວນຊົນ ກໍ່ຄື ນັກທ່ອງທ່ຽວທີ່ມາໃຊ້ບໍລິການສະໜາມຫຼວງກໍ່ຄືເດີນພະທາດຫຼວງຈົ່ງພ້ອມກັນມີສ່ວນ ຮ່ວມໃນການຮັກສາອະນາໄມໂດຍສະເພາະເກັບມ້ຽນຂີ້ເຫຍື້ອ ນັ້ນກໍ່ເພື່ອຮັກສາຄວາມສະອາດ ກໍ່ຄື ຮັກສາສິ່ງແວລ້ອມ.

ພາບ-ຂ່າວ ໂດຍ: ເພັດສະໝອນ