ລຸດນ້ຳໜັກບໍ້ຖືກວິທີ ຈົນຕ້ອງຫາມສົ່ງໂຮງໝໍ…

0
352

ເວັບໄຊຕ່າງປະເທດນຳສະເໜີເລື່ອງລາວອຸທາຫອນຂອງເດັກສາວອາຍຸ 17 ປີ ຄົນໜຶ່ງຊື່ອິນເດຍເອັດມອນ ຜູ້ຊຶ່ງລົງທຶນອົດອາຫານຈົນຮ່າງກາຍຈ່ອຍແບບໜ້າຢ້ານ ແລະ ເກືອບເອົາຊີວິດບໍ່ລອດດ້ວຍເຫດຜົນຄື: ຮຽນແບບພາບເທິງອິນສະຕາແກມຂອງເຫລົ່າເຊເລບສາວງາມຫຸ່ນດີທັງຫລາຍ ຊຶ່ງທັງໝົດນີ້ມີຕົ້ນຕໍມາຈາກການທີ່ເວັບໄຊມິລເລີຄົ້ນພົບວ່າມີເດັກອາຍຸເລກ 10 ຈໍານວນຫລາຍແອບຕິດຕໍ່ມາທາງເວັບໄຊແນະນຳວິທີລຸດນ້ຳໜັກອົດເຂົ້າເພື່ອຄວາມຈ່ອຍ ໂດຍທີ່ຜູ້ປົກຄອງບໍ່ຮັບຮູ້ສ່ວນຕົວ ”ອິນເດຍ”

ເອງເລີ່ມຫລິ້ນອິນສະຕາແກມເມື່ອ 3 ປີກ່ອນ ຫລັງຈາກນັ້ນກໍ່ໃຊ້ມັນຫາຮູບຂອງສາວໆຫຸ່ນດີທັງຫລາຍເພື່ອໃຊ້ເປັນແຮງບັນດານໃຈໃນການລຸດນ້ຳໜັກ ໃຜໆກໍ່ມີອິນຕາສະແກມເປັນຂອງຕົວເອງອັບຮູບກັນ ແລະ ກໍ່ຄິດວ່າທຸກຄົນເບິ່ງຈ່ອຍ ແລະ ໜ້າຮັກກວ່າຕົນເອງ ອິນເດຍກ່າວວ່າ: ເທື່ອໜຶ່ງຂ້ອຍຈື່ໄດ້ວ່າໃສ່ໂສ້ງຂາສັ້ນຍ່າງຫລິ້ນແລ້ວບໍລິເວນຕົ້ນຂາມັນຮຸກຖູກັນຂ້ອຍບໍ່ມັກຫລາຍພວກຜູ້ຊາຍມັກກວນວ່າ ຂາຂອງຂ້ອຍທັງສັ້ນ ແລະ ຕຸ້ຍ, ຂ້ອຍເລີຍບໍ່ໂພດຮູບຂອງຕົວເອງລົງອິນເຕີເນັດເລີຍເກັບໄວ້ເບິ່ງເອງຢ່າງດຽວພໍເພາະອັບອາຍຮູບຮ່າງຂອງຕົວເອງຫລາຍ.

ເມື່ອໄດ້ແຮງບັນດານໃຈມາແລ້ວອິນເດຍກໍ່ເລີ່ມຕົ້ນປະຕິບັດການໄດເອັດແບບຫັກໂຫມທັນທີ ເລີ່ມຕັ້ງແຕ່ໄປອອກກຳລັງກາຍ ແລະ ລອຍນ້ຳມື້ລະກວ່າ 3 ຊົ່ວໂມງ ຈົນກະທັ້ງເວລາຜ່ານໄປປະມານ 6 ເດືອນ ໃນທີ່ສຸດນ້ຳໜັກຂອງນາງກໍ່ລຸດຮວບຮາບເຫລືອແຕ່ກະດູກຈົນໝົດສະຕິໄປໃນມື້ໜຶ່ງ ແມ່ຂອງນາງຈຶ່ງຕ້ອງຮີບນຳສົ່ງໂຮງໝໍທັນທີ ອຸດສາຄິດວ່າພໍຖ່າຍຮູບແລ້ວຈະໜ້າຮັກແຕ່ຂ້ອຍກັບເບິ່ງຄືໂຄງກະດູກຄືຄົນໃກ້ຕາຍ ອິນເດຍກ່າວອິນເດີຍຕ້ອງປິ່ນປົວຕົວໃນໂຮງໝໍກວ່າ 7 ເດືອນ ໂດຍໃນ 3 ເດືອນທຳອິດນາງຕ້ອງຮັບອາຫານຜ່ານທາງສາຍຢາງຈົນປະຈຸບັນນາງມີສຸຂະພາບທີ່ແຂງແຮງຂຶ້ນ ແລະ ມີນ້ຳໜັກປະມານ 47 ກິໂລກຣາມ

ຈາກກໍລະນີດັ່ງກ່າວເຮັດໃຫ້ລູຊີ່ລັດເຊນຜູ້ອຳນວຍການຂອງອົງກອນການກຸສົນຊື່ ຍັງມາຍ ທີ່ອຸທິດຕົນເພື່ອສະໜັບສະໜູນເດັກໃຫ້ມີສຸຂະພາບຈິດທີ່ດີອອກສື່ກ່າວວ່າ: ການໃຊ້ໂຊຊ່ຽວນັ້ນ ຜູ້ໃຊ້ງານຄວນຈະມີອາຍຸທີ່ເຖິງເກນເສຍກ່ອນ, ສ່ວນອິນສະຕາແກມເອງກໍ່ຄວນຈະມີທີມງານມາຄອຍເບິ່ງແຍງເວັບໄຊ ແລະ ລົບຮູບທີ່ບໍ່ເໝາະສົມອອກໄປດ້ວຍ.