ກອງປະຊຸມແມ່ນໍ້າຂອງ-ຍີ່ປຸ່ນຄັ້ງທີ 10 ເປີດຂຶ້ນຢ່າງເປັນທາງການ

0
90

ຂປລ.ກອງປະຊຸມແມ່ນໍ້າຂອງ-ຍີ່ປຸ່ນຄັ້ງທີ 10 ເປີດຂຶ້ນຢ່າງເປັນທາງການ.ໃນວັນທີ 9ຕຸລາ 2018ນີ້ທີ່ເຮືອນຮັບແຂກລັດຖະບານປະເທດຍີ່ປຸ່ນ.

ໂດຍການເປັນປະທານຂອງທ່ານ ຊິນໂຊ ອາເບະ ນາຍົກລັດຖະມົນຕີ ແຫ່ງປະເທດຍີ່ປຸ່ນ. ມີບັນດາຜູ້ນໍາ ແລະ ຄະນະຜູ້ແທນ 5 ປະເທດຈາກແມ່ນໍ້າຂອງ ເຂົ້າຮ່ວມ.

ກອງປະຊຸມດັ່ງກ່າວ ໄດ້ມີການຕີລາຄາຄືນຄວາມຄືບໜ້າຂອງການຈັດຕັ້ງປະຕິບັດບັນດາໂຄງການ ແລະ ແຜນວຽກຕ່າງໆ ພາຍໃຕ້ຍຸດທະສາດໂຕກຽວ 2015 ແລະ ແຜນປະຕິບັດງານ ສໍາລັບ ປີ 2016-2018 ຂອງຂອບການຮ່ວມມື ແມ່ນໍ້າຂອງ-ຍີ່ປຸ່ນ ໃນໄລຍະຜ່ານມາ ພ້ອມນັ້ນຍັງຮ່ວມກັນປຶກສາຫາລື ກ່ຽວກັບທິດທາງເສີມຂະຫຍາຍການຮ່ວມມືໃນຕໍ່ໜ້າ ໂດຍສະເພາະ ແມ່ນການຮັບຮອງເອົາຍຸດທະສາດໂຕກຽວ 2018

ເພື່ອສືບຕໍ່ເສີມຂະຫຍາຍການຮ່ວມມື ລະຫວ່າງບັນດາປະເທດແມ່ນໍ້າຂອງ ແລະ ຍີ່ປຸ່ນ ຂຶ້ນສູ່ລະດັບຄູ່ຮ່ວມຍຸດທະສາດ ແລະ ຮັບປະກັນຜົນປະໂຫຍດລວມ ແຫ່ງສັນຕິພາບ, ການພັດທະນາເສດ ຖະກິດ-ສັງຄົມ ແລະ ຍົກສູງຄຸນນະພາບຊີວິດການເປັນຢູ່ ຂອງປະຊາຊົນ ໃນພາກພື້ນແມ່ນໍ້າຂອງ ໃຫ້ນັບມື້ນັບດີຂຶ້ນ, ທັງເປັນການສືບຕໍ່ເສີມຂະຫຍາຍ ສາຍພົວ ພັນມິດຕະພາບ ແລະ ການຮ່ວມມື ລະຫວ່າງ ປະເທດແມ່ນໍ້າຂອງ ໃຫ້ແໜ້ນແຟ້ນຍິ່ງຂຶ້ນເລື້ອຍໆ.