ແຈ້ງການ: ການເຂົ້າຮ່ວມການແຂ່ງຂັນບານເຕະ ເຍົາວະຊົນຊາຍລຸ້ນອາຍຸບໍ່ເກີນ 18 ປີ

0
76

ແຈ້ງການເຖິງ: ທ່ານ ປະທານ ສະໂມສອນບານເຕະທີ່ເຂົ້າຮ່ວມແຂ່ງຂັນໃນລາຍການ ເປບຊີ ລາວ ພຣີເມຍລີກ 2018.

ເລື່ອງ: ການເຂົ້າຮ່ວມການແຂ່ງຂັນບານເຕະ ເຍົາວະຊົນຊາຍລຸ້ນອາຍຸບໍ່ເກີນ 18 ປີ.

ສະຫະພັນບານເຕະແຫ່ງຊາດລາວ ມີຄວາມຍິນດີແຈ້ງມາຍັງ ທ່ານ ປະທານ ສະໂມສອນບານເຕະ ທີ່ເຂົ້າຮ່ວມແຂ່ງຂັນໃນລາຍການ ເປບຊີ ລາວ ພຣີເມຍລີກ 2018 ຊາບວ່າ: ເພື່ອເປັນການພັດທະນາກິລາບານເຕະໃຫ້ມີການເຄື່ອນໄຫວຢ່າງຕໍ່ເນື່ອງເປັນປົກກະຕິ ແລະ ເພື່ອພັດທະນານັກເຕະເຍົາວະຊົນຂອງບັນດາສະໂມສອນ. ສະຫະພັນບານເຕະແຫ່ງຊາດລາວ ຈະໄດ້ເປີດການແຂ່ງຂັນບານເຕະ ເຍົາວະຊົນຊາຍລຸ້ນອາຍຸບໍ່ເກີນ 18 ປີ ລາຍການ (LFF U-18 League 2018), ໂດຍຄາດຄະເນວ່າຈະເປີດການແຂ່ງຂັນພາຍໃນທ້າຍເດືອນ ຕຸລາ (10) ປີ 2018 ນີ້. ສ່ວນຂໍ້ມູນທີ່ເປັນເອກະສານຕ່າງໆຂອງການແຂ່ງຂັນດັ່ງກ່າວ ໃຫ້ຕົວແທນຂອງສະໂມສອນມາພົວພັນເອົາທີ່ ພະແນກຈັດການແຂ່ງຂັນ ສຕລ ໂດຍມີລາຍລະອຽດດັ່ງລຸ່ມນີ້:

– ໃບແຈ້ງຕອບຮັບການເຂົ້າຮ່ວມການແຂ່ງຂັນ ໂດຍຕ້ອງເຊັນ ແລະ ປະທັບກາໃຫ້ຄົບຖ້ວນ ແລ້ວນຳສົ່ງພະແນກຈັດການແຂ່ງຂັນ ສຕລ ພາຍໃນວັນທີ 19/10/2018.

– ໃບລົງທະບຽນ ຄະນະນຳ ແລະ ນັກກິລາ ໃຫ້ສົ່ງທີ່ ພະແນກຈັດການແຂ່ງຂັນ ສຕລ ຕາມໄລຍະເວລາທີ່ກຳນົດພາຍໃນວັນທີ 23/10/2018.

ດັ່ງນັ້ນ, ຈື່ງຖືເປັນກຽດແຈ້ງມາຍັງ ທ່ານ ປະທານ ສະໂມສອນ ຮັບຊາບ ແລະ ເປີດຮັບສະໝັກນັບຕັ້ງແຕ່ມື້ອອກແຈ້ງການເປັນຕົ້ນໄປ.

ສອບຖາມຂໍ້ມູນໂທຕິດຕໍ່ ແລະ Whatapp: 020 5835 1616, 020 9718 0867

Like ✔ Comment ✔ Share ✔