ທິບພະຍະປະກັນໄພແຈກໂຊກ 5 ຊັ້ນໃນງານມໍເຕີເອັກໂປ 2018

0
87

ງານວາງສະແດງລົດນາໆຊາດຄັ້ງທີ3 ຫຼື ມໍເຕີເອັກໂປ ທີ່ຫາກໍ່ປິດລົງໃນວັນທີ 7 ຕຸລາ 2018 ນີ້ເວົ້າໄດ້ວ່າເປັນທີ່ສົນໃຈຂອງປະຊາຊົນຈຳນວນຫຼາຍໄດ້ຫຼັ່ງໄຫຼເຂົ້າງານໄປເບິ່ງລົດໃນຝັນ ແລະຜູ້ທີ່ມີລົດແລ້ວກໍ່ຊື້ສິ່ງຄຸ້ມກັນຕາມມານັ້ນກໍ່ຄືປະກັນໄພ ຊຶ່ງບໍສັດທິບພະຍະບັນລຸຍອດຂາຍເຖິງ 600 ກວ່າລາຍ ແລະຜູ້ຊື້ກໍ່ເຕັມອີ່ມກັບໂຊກ 5 ຊັ້ນຫຼຸດແລກແຈກແຖມທີ່ບໍລິສັດຈັດໃຫ້.

ຕາມການໃຫ້ສຳພາດຂອງ ທ່ານ ຫໍລະດີ ວໍລະຣາດ ຜູ້ອຳນວຍການໃຫຍ່ບໍລິສັດທິບພະຍະປະກັນໄພໃຫ້ຮູ້ວ່າ: ຂອງແຈກຂອງແຖມປີນີ້ແມ່ນໂຊກ 5 ຊັ້ນທີ່ທາງບໍລິສັດຕັ້ງໃຈຈັດມາໃນັ້ນ ໂຊກຊັ້ນທີ1 ແມ່ນຊື້ປະກັນໄພລາວໃຫ້ຄວາມຄຸ້ມຄອງທີ່ລາວ ແຖມການຄຸ້ມຄອງຢູ່ປະເທດໄທ, 2 ຊື້ປະກັນໄພໄດ້ຮັບສ່ວນຫຼຸດ 35%, 3 ຊື້ປະກັນໄພແຖມຄັນຮົ່ມ, ໝວກ, ໝອນ ແລະກະເປົາ, 4 ຊື້ປະກັນໄພແຈກສາຍຄໍຄຳນ້ຳໜັກ 1 ສະຫຼຶງທຸກໆມື້ລະສອງລາງວັນ ແລະໂຊກທີ 5 ມີແຈກລາງວັນສາຍຄໍຄຳ 4 ເສັ້ນໃນມື້ສຸດທ້າຍລວມແລ້ວທັງໝົດ 20 ເສັ້ນ ລວມເປັນມູນຄ່າ 30ກວ່າລ້ານກີບ.

ທ່ານຜູ້ອຳນວຍການກ່າວວ່າ ບໍລິສັດທິບພະຍະໄດ້ເຂົ້າຮ່ວມງາມວາງສະແດງລົດນາໆຊາດມາແລ້ວ 3 ປີຕິດຕໍ່ກັນນັບແຕ່ປີ 2016 ເປັນຕົ້ນມາ ແຕ່ລະປີຜູ້ໃຊ້ລົດທັງຫຼາຍກວ່າໄດ້ມາຊື້ປະກັນໄພໃນບຸດວາງສະແດງ ແຕ່ຍອດຂາຍໂດຍລວມໄດ້ພຽງ 300 ລາຍ. ສ່ວນປີນີ້ເຫັນວ່າຜູ້ໃຊ້ລົດທັງຫຼາຍເຫັນໄດ້ຄວາມສຳຄັນຂອງປະກັນໄພຫຼາຍຂຶ້ນ ມີຍອດຜູ້ຊື້ຕະຫຼອດງານ 600 ກວ່າລາຍ ເພີ່ມຂຶ້ນທົບເຄິ່ງເມື່ອທຽບໃສ່ປີຜ່ານມາ ທັ້ງນີ້ກໍ່ຍ້ອນບໍລິສັດມີໂຄງການຂາຍປະກັນໄພທິບເອອີຊີ ເປັນໜຶ່ງດຽວໃນລາວທີ່ສາມາດຄຸ້ມກັນລູກຄ້າທັງຢູ່ໄທ ແລະຢູ່ລາວໃນອັດຕາເທົ່າທຽມກັນ.

ທ່ານ ສະຫຍາມ ຣາມະສູດ ປະທານບໍລິສັດ ທິບພະຍະປະກັນໄພອະທິບາຍວ່າ ທິບພະຍະປະກັນໄພເປັນບໍລິສັດດຽວທີ່ມີລະບົບການຄຸ້ມຄອງຊື້ບ່ອນດຽວຄຸ້ມຄອງສອງປະເທດຄືໃນປະເທດລາວ ແລະໄທ ເທົ່າທຽມກັນໃນທຸກກໍລະນີ ຕົວຢ່າງລູກຄ້າທີ່ຊື້ປະກັນໄພນຳທິບພະຍະ ສຳລັບທິບເອອີຊີ ຖ້າມີບັນຫາຫາກເກີດອຸປະຕິເຫດຈະຢູ່ລາວ ຫຼື ໄທ ກໍ່ຈະໄດ້ຮັບການຄຸ້ມຄອງ.

ສຸດທ້າຍ ທ່ານ ຫໍລະດີ ວໍລະຣາດ ຍັງຝາກເຖິງສຳລັບສັງຄົມລາວທີ່ໃຊ້ລົດໃຊ້ຖະໜົນຢາກຮຽກຮ້ອງໃຫ້ມີປະກັນໄພ ຢ່າງໜ້ອຍໃຫ້ມີປະກັນໄພຂັ້ນຕ່ຳສຸດ ຕາມກົດໝາຍວ່າດ້ວຍການປະກັນໄພ ທີ່ວ່າພາຫະນະທຸກຄັນທີ່ແລ່ນດ້ວຍເຄື່ອງຈັກຕ້ອງມີປະກັນໄພຢ່າງໜ້ອຍຂັ້ນຕ່ຳສຸດ ເພື່ອປົກປ້ອງຄຸ້ມຄອງ ຊີວິດ ແລະຊັບສິນຂອງບຸກຄົນທີ 3 ເພາະຄົນເຮົາບໍ່ສາມາດຮູ້ໄດ້ວ່າຈະເກີດອຸປະຕິເຫດຂຶ້ນເມື່ອໃດ ສະນັ້ນຈິ່ງມີປະກັນໄພພາກບັງຄັບເປັນການຊ່ວຍເຈລະຈາແທນໂຕເຮົາຫາກມີອຸປະຕິເຫດເກີດຂຶ້ນ.