ລົດໃຫຍ່ເສຍຫລັກປີ້ນຫງາຍທ້ອງ ເຈັບ 1 ກາງເດິກ ເຂດທາງບ້ານດົງບອງ

ນະຄອນຫຼວງວຽງຈັນ: ວັນທີ 11/10/2018 ເວລາ 23:45 ໂມງ ຫນ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປ ລາວ ໄດ້ຮັບແຈ້ງເຫດຜ່ານເບີ 1623 ວ່າມີ ເຫດລົດໃຫຍ່ເສຍຫລັກປີ້ນລົງຂ້າງທາງ

ຈຸດເກີດເຫດແມ່ນ ບ້ານດົງບອງ ເມືອງ ໄຊທານີ ນະຄອນຫລວງວຽງຈັນ. ຫນ່ວຍກູ້ໄພມູນນິທິ ອອກກວດສອບ ໄດ້ພົບ ຜູ້ບາດເຈັບ 1 ຄົນ ເພດຊາຍ ອາຍຸ 28 ປີ ບ້ານ ໜອງຄັນຄູ ເມືອງ ນາຊາຍທອງ ນະຄອນຫລວງວຽງຈັນ

ອາການເບື້ອງຕົ້ນແມ່ນ ມີບາດເປີດໃຫຍ່ຍູ່ຫົວເສຍເລືອດຫລາຍ,ມີບາດແຜຕາມຕົນໂຕ,ມີສະຕີດີ

ດັ່ງນັ້ນ ຫນ່ວຍກູ້ໄພມູນນິທິຈື່ງປະຖົມພະຍາບານຂັ້ນຕົ້ນ ແລ້ວນຳສົ່ງ ໂຮງຫມໍ ມິດຕະພາບ 150 ຕຽງ

—————————————

ບາດເຈັບສຸກເສີນໂທ 1623 ຕະຫລອດ 24ຊົ່ວໂມງ