ຂ່າວບຸນຄົບຮອບ100ວັນ ພິທີເທ່ທອງຫຼໍ່ຮູບເໜືອນ ພຣະອາຈານໃຫ່ຍພົມມາວິຊານັນໂທ ທີ່ວັດມະຫາພຸດທະວົງສາປ່າຫຼວງ

0
108

ຂ່າວບຸນ 100 ວັນ ແລະ ພິທີເທທອງຫລໍ່ຮູບເຫມືອນ
ພຣະອາຈາຣຍ໌ໃຫຍ່ ພົມມາ ວິຊານັນໂທ
ທີ່ ວັດມະຫາພຸດທະວົງສາປ່າຫລວງ ໂສກປ່າຫລວງ
ບ້ານໂສກປ່າຫລວງ ເມືອງສີສັດຕະນາກ ນະຄອນຫລວງວຽງຈັນ

ວຸດທິທັມ ຝູງຂ້າທັງຫຼາຍໝາຍ ພາຍໃນມີພຣະສົງສາມະເນນວັດມະຫາພຸດທະວົງສາປ່າຫລວງເປັນເຄົ້າ ພາຍນອກມີເລຂາພັກບ້ານ, ນາຍບ້ານ, ເຖົ້າແກ່ແນວໂຮມຜູ້ຊົງຄຸນວຸດທິ, ຍິງ ຊາຍ, ຊາວໜຸ່ມ, ປ.ກ.ສ ທຸກໆອົງການຈັດຕັ້ງບ້ານ ຕະຫຼອດຮອດພໍ່ແມ່ປະຊາຊົນພາຍໃນບ້ານໂສກປ່າຫລວງ ແລະ ຍາດຕິພີ່ນ້ອງໃກ້ຊິດມິດສະຫາຍທາງໃກ້ແລະໄກ, ທັງພາຍໃນ ແລະ ຕ່າງປະເທດທີ່ໃຈບຸນທັງຫຼາຍ ໄດ້ພ້ອມພຽງກັນຕົກລົງເຫັນດີຈັດງານບຸນ 100 ວັນ ແລະ ພິທີເທທອງຫລໍ່ຮູບເຫມືອນ ເພື່ອອຸທິດບູຊາຄຸນ ພຣະອາຈາຣຍ໌ໃຫຍ່ ພົມມາ ວິຊານັນໂທ ທີ່ ວັດມະຫາພຸດທະວົງສາປ່າຫລວງ ໂສກປ່າຫລວງ ບ້ານໂສກປ່າຫລວງ ເມືອງສີສັດຕະນາກ ນະຄອນຫລວງວຽງຈັນ ເພື່ອສຶບສ້າງທາງບາຣະມີ ທີ່ ພຣະອາຈາຣຍ໌ໃຫຍ່ ພົມມາ ວິຊານັນໂທ ໄດ້ຝາກໄວ້ກັບສິດສານຸສິດແລະພຸດທະສາສະນິກກະຊົນລູກຫລານ ໃຫ້ໄດ້ຮຸ່ງເຮືອງຕະຫລອດໄປ

ກຳນົດວັນຕັ້ງບຸນດັ່ງນີ້
ວັນເສົາຂຶ້ນ 10 ຄໍ່າ ເດືອນ 12 ລາວ ພ.ສ 2561 ກົງກັບວັນທີ 17 ພະຈິກ 2018 ເປັນມື້ຕັ້ງກອງບວດ, ກອງອັດຖະແລະຮັບໂມທະນາທານໄປຕະຫລອດວັນ, ເວລາ 13:00 ນ. ແຫ່ບວດນາກ, ເວລາ 18:00 ນ. ໄຫວ້ພຣະຮັບສິລ, ຟັງສູດປະລິດຕະມຸງຄຸນ ແລະ ຮັບຟັງທຳມະເທສະນາ 1 ກັນ (ຄົບງັນຕາມປະເພນີຕະຫລອດຄືນ)

ວັນທິດຂຶ້ນ 11 ຄໍ່າ ເດືອນ 12 ລາວ ພ.ສ 2561 ກົງກັບວັນທີ 18 ພະຈິກ 2018 ຕອນເຊົ້າ ເວລາ 7:00 ນ. ໄຫວ້ພຣະ ຮັບສິລ, ຖວາຍກອງບວດ, ກອງອັດຖະ ຖວາຍອາຫານ ບິນທະບາດ ( 86 ອົງ) ພ້ອມປັຈຈັຍເຄື່ອງທານຕ່າງໆ ອຸທິດບູຊາຄຸນພຣະອາຈາຣຍ໌ໃຫຍ່ ພົມມາ ວິຊານັນໂທ ແລະ ຮັບຟັງທຳມະເທສະນາ 1 ກັນ ເຄນເຄື່ອງທານຕ່າງໆ ເຄນກັນເທດ, ຄາລະວະ ຮັບພອນຢາດນໍ້າ , ຄະນະສົງສັນພັດຕາຫານ ແລະ ຍາດໂຍມຮັບປະທານອາຫານ.

ເວລາ 09:09 ນ. ພິທີເທທອງຫລໍ່ຮູບເຫມືອນ ພຣະອາຈາຣຍ໌ໃຫຍ່ ພົມມາ ວິຊານັນໂທ ອະດີດເຈົ້າອະທິການວັດມະຫາພຸດທະວົງສາປ່າຫລວງ ຖວາຍປັຈຈັຍເຄື່ອງທານຕ່າງໆ ຄາລະວະຮັບພອນ ຢາດນ້ຳ ສຳເລັດພິທີ

ສະນັ້ນ, ຈຶ່ງໄດ້ແຈ້ງຂ່າວບຸນນີ້ ມາຍັງພຸດທະບໍລິສັດທັງຫຼາຍ ພ້ອມພຽງກັນເຂົ້າມາຮ່ວມບຸນ 100 ວັນ ແລະ ພິທີເທທອງຫລໍ່ຮູບເຫມືອນ ແລະ ອະນຸໂມທະນາບຸນກຸສົນນໍາຝູງຂ້າທັງຫຼາຍດ້ວຍເທີ້ນ…. ທ້າຍສຸດນີ້ທາງຄະນະສົງຂໍອວຍໄຊໃຫ້ພອນແດ່ທຸກທ່ານ ທີ່ມີສ່ວນຮ່ວມທໍາບຸນໃນຄັ້ງນີ້ ຈົ່ງຫາຍທຸກ ຫາຍໂສກ ຫາຍໂລກຫາຍໄພ ມີພະລະນາໄມສົມບູນດ້ວຍ ອາຍຸ ວັນນະ ສຸຂະ ພະລະ ທະນະສານສົມບັດ ຫມົດທຸກຕົນ ທຸກຄົນ ດ້ວຍເທີ້ນ.