ລົດໃຫຍ່ຕົກລົງຂ້າງທາງ ເຈັບ 3 ຄົນ ທາງເມືອງສັງທອງ

ນະຄອນຫຼວງວຽງຈັນ: ລາຍງານຈາກ 1623 ໃຫ້ຮູ້ວ່າ ວັນທີ 27 ຕຸລາ 2018 ເວລາ 23:50 ທາງໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກ ແຫ່ງ ສ.ປ.ປ ລາວ ໄດ້ຮັບແຈ້ງຈາກປະຊາຊົນຜ່ານເບີໂທສຸກເສີນ1623 ວ່າມີອຸບັດຕິເຫດ ລົດໃຫຍ່ເສຍຫລັກຕົກລົງຂ້າງທາງ ຈຸດເກີດເຫດແມ່ນ: ບ້ານໂຄກເພິງ ເມືອງສັງທອງ

ລົດສຸກເສີນໄປຮອດຈຸດເກິດເຫດກໍພົບວ່າມີຜູ້ບາດເຈັບ3ຄົນ (1ຄົນຕິດພາຍໃນລົດອອກບໍ່ໄດ້) ທີມອາສາທີ່ຢູ່ຈຸດເກີດເຫດຈຶ່ງໄດ້ປະສານງານຫາສູນສັ່ງການເພື່ອນຳເອົາ ອຸປະກອນຕັດ-ຖ່າງ ມາຊ່ວຍເຫລືອຜູ້ບາດເຈັບທີ່ຍັງຕິດພາຍໃນລົດອອກມາໃຫ້ໄດ້ ພໍອຸປະກອນ ຕັດ-ຖ່າງ ຮອດຈຸດເກີດເຫດທາງທີມອາສາກໍ່ໄດ້ໃຊ້ຄວາມຮູ້ແລະຄວາມສາມາດທີ່ໄດ້ຮ່ຳຮຽນມານຳໃຊ້ ຈົນສາມາດນຳເອົາຄົນເຈັບອອກມາຈາກລົດໄດ້ແລະໃຫ້ການປະຖົມພະຍາບານຂັ້ນຕົ້ນໃຫ້ຜູ້ບາດເຈັບທັງໝົດກ່ອນນຳສົ່ງໂຮງໝໍ

ຂໍ້ມູນຜູ້ບາດເຈັບຜູ້ທີ 1: ເພດຊາຍ ອາຍຸ54ປີ ບ້ານເມືອງຫມໍ ເມືອງແກ່ນທ້າວ ແຂວງໄຊຍະບູລີ. ອາການ: ຂາຫັກ(ຂ້າງຂວາ)ແລະມີບາດແຜຕາມຕົນຕົວ

ຂໍ້ມູນຜູ້ບາດເຈັບຜູ້ທີ 2: ເພດຊາຍ ອາຍຸ38ປີ ບ້ານເມືອງຫມໍ ເມືອງແກ່ນທ້າວ ແຂວງໄຊຍະບູລີ. ອາການ: ມີບາດແຜທີ່ແຂນແລະໃບໜ້າ

ຂໍ້ມູນຜູ້ບາດເຈັບຜູ້ທີ 3 :ເພດຊາຍ ອາຍຸ29ປີ ບ້ານເມືອງຫມໍ ເມືອງແກ່ນທ້າວ ແຂວງໄຊຍະບູລີ. ອາການ: ເຈັບຂາ(ຂ້າງຊ້າຍ),ມີບາດແຜຕາມຂາແລະໃບໜ້າ

ທາງໜ່ວຍກູ້ໄພໄດ້ນຳສົ່ງຜູ້ບາດເຈັບທັງ3ຄົນໄປທີ່ ໂຮງໝໍມິດຕະພາບ(150ຕຽງ)

#ຈຸດນາເລົ່າ

#ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກ

#ເຫດສຸກເສີນໂທ1623

#24ຊົ່ວໂມງ