ໝາກເຂົ້າ ອຸດົມໄປດ້ວຍໄລໂຄປີນ

0
201

ໝາກເຂົ້າເປັນຜັກທີ່ຊາວບ້ານນິຍົມນຳໝາກອ່ອນ ຫລື ຍອດອ່ອນມາລວກ ຫລື ຕົ້ມເປັນຜັກກັບ ທີ່ກິນກັບແຈ່ວ, ປົ່ນ ສັບພະຄຸນທາງຢາ, ຮາກ ແລະ ໃບ ໃຊ້ຖອນພິດ, ຫລຸດໄຂ້ ແກ່ນດິບ ມີລິດເປັນຢາເບື່ອຫ້າມກິນ.

ໜ່ວຍຂອງໝາກເຂົ້າ ມີສານອາຫານຫລາຍຢ່າງ ເຊັ່ນ: ເບຕາແຄໂລທີນ, ໄລໂຄປີນ, ຊີແຊນທີນ, ລູທີນ, ວິຕາມິນອີ, ກົດໄຂມັນທີ່ຈຳເປັນ ເຊິ່ງສານຕ້ານອານຸມູນອິດສະຫລະສ່ວນໃຫຍ່ ມີປະລິມານຫລາຍໃນໝາກເຂົ້າ ທີ່ຍັງບໍ່ສຸກ (ໜ່ວຍສີຂຽວ) ໄລໂຄປີນ ຂອງເຍື່ອຫຸ້ມແກ່ນໝາກເຂົ້າ ມີປະມານສູງຫລາຍ ປະມານ 10 ເທົ່າຂອງໜ່ວຍ ແລະ ຫມາກໄມ້ຊະນິດອື່ນໆທີ່ມີໄລໂຄປີນສູງ ເຊັ່ນ: ໝາກຮຸ່ງ,ໝາກໂມ, ໝາກເລັ່ນ.

ເຊິ່ງໄລໂຄປີນນີ້ ມີການສຶກສາພົບວ່າ ໜ່ວຍຊ່ວຍຫລຸດຄວາມສ່ຽງຂອງການເກີດພະຍາດຫລອດເລືອດຫົວໃຈ ຈາກການທີ່ມີຜົນຫລຸດລະດັບໄຂມັນໃນເລືອດ ແລະ ຍັງປ້ອງກັນເບົາຫວານ, ມະເຮັງອັນທະ, ມະເຮັງປອດ, ມະເຮັງຕັບ, ມະເຮັງຜິວໜັງ, ມະເຮັງເຕົ້ານົມ, ມະເຮັງໃນລະບົບທາງເດີນອາຫານ ອີກທັງຍັງຊ່ວຍຫລຸດຄ່າ prostate specific antigen (PSA) ເຊິ່ງເປັນຄ່າບົ່ງຊີ້ສຸຂະພາບຂອງອັນທະ ທີ່ອາດເພີ່ມຂຶ້ນໃນຄົົນທີ່ເປັນມະເຮັງອັນທະ (ບາງຄົົນທີ່ເປັນມະເຮັງອັນທະ ກໍ່ອາດບໍ່ມີການເພີ່ມຂຶ້ນຂອງຄ່າ PSA) ຫລື ໃນຄົນທີ່ມີພາວະການອັກເສບຂອງອັນທະ, ຕິດເຊື້ອໃນທາງຍ່ຽວ ກໍ່ອາດສົ່ງຜົນໃນຄ່າ PSA ເພີ່ມຂຶ້ນ ໝາກເຂົ້າຈຶ່ງມີປະໂຫຍດຕໍ່ຜູ້ຊາຍ ເຊິ່ງມັກຈະມີບັນຫາອັນທະ ເມື່ອສູງໄວຂຶ້ນ.

ສ່ວນເບຕ້າແຄໂລທີນ ເປັນສານຕັ້ງຕົ້ນຂອງວິຕາມິນເອ ເຊິ່ງມີຄວາມສຳຄັນຕໍ່ສຸຂະພາບຂອງເຍື່ອຈຸລັງທົ່ວຮ່າງກາຍ ມີປະໂຫຍດຕໍ່ສຸຂະພາບຂອງດວງຕາ ແລະ ຜິວໜັງ ໂດຍຊ່ວຍປ້ອງກັນ, ຍັບຍັ້ງຈໍປະສາດຕາເສື່ອມ, ຊ່ວຍປ້ອງກັນອາການຕາບອດກາງຄືນ ແລະ ຖອກທ້ອງຈາກການຂາດວິຕາມິນເອ ປົກປ້ອງຜິວຈາກແສງແດດ, ປ້ອງກັນຜິວໄໝ້ແດດ, ຫລຸດຄວາມສ່ຽງຂອງການເກີດມະເຮັງເຕົ້ານົມ, ມະເຮັງຮວຍໄຂ່ ແລະ ປ້ອງກັນຫອບຫືດຈາກການອອກກຳລັງກາຍ ໃນໝາກເຂົ້າ ຍັງມີຊີແຊນທີນ ແລະ ລູທີນ ທີ່ເປັນສານສຳຄັນທີ່ເປັນປະໂຫຍດຕໍ່ສຸຂະພາບຂອງດວງຕາ.