ຊາວບ້ານສວນຫຼວງຮ່ວມກັນສ້າງທາງເບຕົງພາຍໃນບ້ານ

ລະຫວ່າງທ້າຍເດືອນຕຸລາ ຫາ ຕົ້ນເດືອນພະຈິກນີ້, ປະຊາຊົນບ້ານສວນຫຼວງຈຳນວນໜື່ງ,ໄດ້ຈັດຕັ້ງການອອກແຮງງານຂຸດແລະສ້ອມແປງທາງຊອຍດ້ວຍເບຕົງ ຢູ່ພາຍໃນບ້ານສຳເລັດ1ເສັ້ນ ມີຄວາມຍາວ 12 ແມັດ,ກວ້າງ 3 ແມັດ. ທ່ານເພັງ ຄຳມະວົງ ຮອງເຈົ້າເມືອງຊຽງເງິນ-ຜູ້ຊີ້ນຳທິມງານກໍ່ສ້າງຮາກຖານການເມືອງ ປະຈຳບ້ານສວນຫຼວງໄດ້ໃຫ້ຮູ້ວ່າ:

ການສ້ອມແປງທາງຊອຍແຕ່ລະເສັ້ນຢູ່ພາຍໃນບ້ານສວນຫຼວງ ,ແມ່ນເປັນຂະບວນການພັດທະນາໂດຍການມີສ່ວນຮ່ວມ ຂອງບ້ານ ກໍ່ຄືປະຊາຊົນ 70% ແລະ ລັດ 30%,ໃນນັ້ນປະຊາຊົນປະກອບສ່ວນທາງດ້ານແຮງງານ ແລະຫຍັບຍ້າຍສີ່ງປຸກສ້າງທີ່ກີດຂວາງການພັດທະນາບ້ານ,ສ່ວນທີມງານລົງຮາກຖານ ກໍ່ຄືພາກລັດແມ່ນປຸກລະດົມການປະກອບສ່ວນວັດສະດຸກໍ່ສ້າງ ເຊັ່ນ: ແຮ່-ຊາຍແລະຊີມັງ ຈາກບັນດາບໍລິສັດຫ້າງຮ້ານ, ແລະ ບຸກຄົນຜູ້ປະກອບການທຸລະກິດຕ່າງໆ.ທັງນີ້ກໍ່ເພື່ອເປັນການພັດທະນາພື້ນຖານໂຄງລ່າງເສັ້ນທາງຮ່ອມ-ທາງຊອຍພາຍໃນບ້ານ,ໃຫ້ແໜ້ນໜາຖາວອນຕາມມາດຕະຖານຂອງບ້ານພັດທະນາ,ທັງເປັນການປະກອບສ່ວນເຮັດໃຫ້ບ້ານສວນຫຼວງເປັນບ້ານສີສັນຕົວເມືອງໃນເຂດຊົນນະບົດ ໃຫ້ບັນລຸຜົນເປັນຈີງໃນເວລາອັນໃກ້ໆນີ້.
ຂ່າວ: ເມືອງຊຽງເງິນ