ເຫດຜົນທີ່ເຮັດໃຫ້ສາວໆຢາກກິນຕະຫຼອດ!!!

0
57

ເຫດຜົນທີ່ເຮັດໃຫ້ສາວໆ ຢາກກິນທັງທີ່ບໍ່ຢາກ…ກິນຊໍາໃດກໍ່ບໍ່ຮູ້ຈັກອີມມື້ນີ້ເຮົາມີຄໍາຕອບມາຝາກ…

1. ຂາດນ້ຳ: ດື່ມນ້ຳຫລາຍໆ ບໍ່ເຄີຍເຮັດໃຫ້ໃຜນ້ຳໜັກຂຶ້ນ ຫລື ຕຸ້ຍຂຶ້ນ ມີແຕ່ຈະດີຂຶ້ນ ແລະ ດີຂຶ້ນ ຖ້າສາວໆດື່ມນ້ຳໜ້ອຍ ຜົນຮ້າຍນໍາມາມີແນ່ນອນ ເພາະເມື່ອຮ່າງກາຍຂາດນ້ຳຈະເຮັດໃຫ້ຮ່າງກາຍສັບສົນວ່າ ສະຫລຸບນີ້ຂ້ອຍຢາກນ້ຳ ຫລື ຢາກເຂົ້າ, ຢາກເຂົ້າໜົມ ນີ້ແຫລະຈະເຮັດໃຫ້ສາວໆລຸກໄປຫາຫຍັງກິນແບບງົງໆ.

2. ເບິ່ງຮູບຂອງກິນ: ຫລີກລ້ຽງບໍ່ໄດ້ແທ້ໆກັບສາວໆທີ່ຫລົງໄຫຼໂຊຊຽວເນັດເວີກ ບໍ່ວ່າຈະເປັນ ເຟດສບຸກ, ອິນຕາແກຣມ ນີ້ເປັນຊ່ອງທາງທີ່ເຮັດໃຫ້ເຮົາໄດ້ເບິ່ງຮູບຂອງກິນເກືອບຈະ 24 ຊົ່ວໂມງ ແຖມແຕ່ລະຮູບກໍ່ຖ່າຍອອກມາໄດ້ໃຈ ຈາກການວິໄຈຂອງ Journal of Neuroscience ໃຫ້ຜູ້ເຂົ້າທົດສອບເບິ່ງຮູບອາຫານທີ່ງາມໆເປັນຕາກິນປາກົດວ່າ ຮູບຂອງອາຫານສາມາດກະຕຸ້ນສະຫມອງສ່ວນກາງເຮັດໃຫ້ກິນຫລາຍຂຶ້ນ!! ໃຜທີ່ມັກເບິ່ງກໍ່ເຊົາໄດ້ແລ້ວ.

3. ນອນບໍ່ພຽງພໍ: ເພາະຮໍໂມນຈະກະຕຸ້ນຄວາມຢາກອາຫານຂອງເຮົາໃຫ້ຮຸນແຮງຂຶ້ນຫລາຍກວ່າປົກກະຕິ ຖ້າສາວໆນອນຫລັບເຕັມອີ່ມ ບອກເລີຍວ່າບໍ່ມີຢາກລະຫວ່າງມື້ແນ່ນອນ.

4. ເບິ່ງໂທລະພາບກິນໄປເບິ່ງໄປ: ຖ້າຄືນໃດຢາກຜ່ອນຄາຍດ້ວຍການເບິ່ງໂທລະພາບ, ລະຄອນຕ່າງໆ ຢ່າໄດ້ຊື້ເຂົ້າໜົມມາໄວ້ເລີຍ ບໍ່ວ່າຈະເປັນເຂົ້າໜົມ, ນໍ້າອັດລົມ ເພາະການເບິ່ງລະຄອນຈະເຮັດໃຫ້ເຮົາບໍ່ຮູ້ປະລິມານການກິນ ເພາະເຮົາຈະດຶງດູດຄວາມສົນໃຈໄປທີ່ການຈ້ອງໜ້າໂທລະພາບ ເຮັດໃຫ້ສາວໆບໍ່ຮູ້ເລີຍວ່າ ກິນໄປແລ້ວເທົ່າໃດ ອັນສົ່ງຜົນໃຫ້ນ້ຳໜັກຂຶ້ນໄດ້ຢ່າງວ່ອງໄວ ແລະ ຮຸນແຮງ.

5. ແອວກໍຮໍ: ເພາະຈະໄປຊະລໍການຜະລິດຮໍໂມນ leptin ນັ້ນເອງ ເຊິ່ງມີລາຍງານບອກວ່າຄົົນທີ່ດື່ມຫລາຍໆມີຜົນເຮັດໃຫ້ກິນຫລາຍຍິ່ງຂຶ້ນ.

6. ຄຽດ: ຄວາມຄຽດ, ຄວາມປະມາດ ຫລື ຄາດຫວັງກັບສິ່ງທີ່ຍັງບໍ່ເກີດຫລາຍເກີນໄປ ຈະເຮັດໃຫ້ຮ່າງກາຍຜະລິດ Gherlin ທີ່ເຮັດໃຫ້ເຮົາຢາກຢ່າງຮຸນແຮງຫລາຍຍິ່ງຂຶ້ນ ຖ້າເປັນໄປໄດ້ແນະນຳວ່າ ເລື່ອງທີ່ບໍ່ຈຳເປັນຕ້ອງຄຽດກໍ່ປ່ອຍວາງມັນກະໄດ້.

7. ກິນນ້ຳຕານຫລາຍ: ຈາກການສຶກສາໃນປີ 2016 ພົບວ່າການກິນອາຫານທີ່ມີນ້ຳຕານເຂົ້າສູ່ຮ່າງກາຍຫລາຍເກີນໄປ ຈະເຮັດໃຫ້ຮໍໂມນໃນລຳໄສ້ຂອງເຮົາບໍ່ປົກກະຕິ ຄື ການເຮັດໃຫ້ຮໍໂມນ leptin ທີ່ເປັນໂຕຍັບຍັ້ງຄວາມຢາກຜະລິດໄດ້ຊ້າລົງ ຫລາຍໄປກວ່ານັ້ນ ຍັງໄປເລັ່ງໃຫ້ຜະລິດຮໍໂມນ Gherlin ເຊິ່ງເປັນຮໍໂມນໄປສັ່ງງານສະຫມອງ ບອກວ່າເຮົາກຳລັງຢາກຢູ່ນໍາ