ສາລະວັນ ບູລະນະສ້ອມແປງເສັ້ນທາງພາຍໃນເທດສະບານ

ທ່ານ ສີສຸວັນ ວົງຈອມສີ ເຈົ້າແຂວງໆສາລະວັນ ພ້ອມຄະນະ, ມີ ທ່ານ ບົວແພງເພັດ ໂພໄຊ ຫົວໜ້າພະແນກໂຍທາທິການ ແລະຂົນສົ່ງແຂວງ ແລະພາກສ່ວນທີ່ກ່ຽວຂ້ອງ ລົງຕິດຕາມ-ກວດກາ ເສັ້ນທາງເລກທີ 20 ໃນເທດສະບານແຂວງ. ໃນຄັ້ງວັນທີ 5 ພະຈິກ 2018ນີ້.
ຈາກການປະຕິບັດສ້ອມແປງເສັ້ນທາງ ຫຼື ປູອັດສະຟານຄອນກຮີດ ແມ່ນລົງມືຈັດຕັ້ງປະຕິບັດແຕ່ວັນທີ 4/11/2018 ຫາວັນທີ 29 ພະຈິກ 2018 ຈຶ່ງສໍາເລັດ. ໂດຍມີຄວາມຍາວທັງໝົດ 2.128 ກິໂລແມັດ, ຄວາມກ້ວາງ 12.60 ແມັດ, ຄວາມໜາ 6 ຊມ ປູດ້ວຍອັດສະຟານຄອນກຮີດ, ມີມູນຄ່າທັງໝົດ 5 ຕື້ກວ່າກີບ ໂດຍແມ່ນງົບປະມານຂອງລັດ.

ເຊິ່ງຮັບເໜົາໂດຍ ບໍລິສັດ ສົມໄຊ ຈະເລີນການກໍ່ສ້າງ ແລະ ສ້ອມແປງຂົວທາງຈໍາກັດຜູ້ດຽວ, ໃນນັ້ນໜ້າວຽກທີ່ຈັດຕັ້ງປະຕິບັດໃນໄລຍະຜ່ານມາແມ່ນ ປັບປຸງໜ້າທາງ (ອະນາໄມ) ເນື້ອທີ່ 30,870 ແມັດກະເລ, ມູນຄ່າ 38 ລ້ານກວ່າກີບ, ວຽກຕາບຂຸມໜ້າທາງເກົ່າ (ບ່ອນຫຼຸບໂນນ) ບໍລິມາດ 5.11 ແມັດກ້ອນ, ມູນຄ່າ 13 ລ້ານກວ່າກີບ, ສີດຢາງຕິດເກາະ ເນື້ອທີ່ 30,870 ແມັດກະເລ, ມູນຄ່າ 565 ລ້ານກວ່າກີບ, ປູຢາງຂົວທີ່ມີຄວາມໜາ 6 ຊມ, ບໍລິມາດ 1,852 ແມັດກ້ອນ, ມູນຄ່າ 4 ລ້ານກວ່າກີບ, ທາສີເສັ້ນແບ່ງເລນທາງ, ມີເນື້ອທີ່ 228.55 ແມັດກ້ອນ, ມູນຄ່າ 4 ລ້ານກວ່າກີບ, ທາສີຂອບທາງຍ່າງ, ເນື້ອທີ່ 1,143 ແມັດກ້ອນ, ມູນຄ່າ 29 ລ້ານກວ່າກີບ.