ບໍລິສັດໄຟຟ້າຫົງສາ ພາວເວີ ຈຳກັດ ມອບເງິນ ແລະ ຊຸດກິລາສີພາຍໃຫ້ເມືອງເງິນ ມູນຄ່າ 42 ລ້ານກີບ

ໄຊຍະບູລີ: ເພື່ອເປັນການສົ່ງເສີມ ແລະ ອານຸລັກຮີດຄອງປະເພນີ ທີ່ປະຕິບັດກັນມາແຕ່ດົນນານນັ້ນ ມາໃນຕອນເຊົ້າຂອງວັນທີ 8 ພະຈີກ 2018 ນີ້ ຢູ່ທີ່ຫ້ອງປະຊຸມຫ້ອງວ່າການເມືອງ ເມືອງເງິນ ແຂວງໄຊຍະບູລີ ທາງບໍລິສັດໄຟຟ້າຫົງສາ ພາວເວີຈຳກັດ ໄດ້ນຳເອົາເຄື່ອງນັກກິລາສີພາຍເພດຍິງ ແລະ ເພດຊາຍ ຈຳນວນ 500 ຊຸດ ພ້ອມກັບເງິນສະໜັບສະໜູນລາງວັນ ຊ່ວງເຮືອ 17.000.0000ກີບລວມເປັນມູນຄ່າທັງໝົດ: 42.000,000 ກີບ ມາມອບໃຫ້ອົງການປົກຄອງເມືອງ ເພື່ອນຳໄປໃຊ້ໃນງານແຂ່ງຂັນຊວງເຮືອ ໃນວັນທີ 18-19 ພະຈິກ 2018ນີ້. ເຊີ່ງໃຫ້ກຽດມອບ ໂດຍແມ່ນທ່ານ ນາງອໍໄທ ເຂມະບຸນກູນ ຕ່າງໜ້າຄະນະຜູ້ບໍລິຫານບໍລິສັດໄຟຟ້າຫົງສາ ພາວເວີຈຳກັດ ໃຫ້ກຽດຮັບໂດຍແມ່ນທ່ານ ສອນສຸກ ພວງແກ້ວ ຮອງເລຂາພັກເມືອງ ໂດຍຊ່ອງໜ້າເລຂາໜ່ວຍພັກ, ນາຍບ້ານ, ຫົວໜ້າຫ້ອງການ ເຂົ້າຮ່ວມເປັນສັກຂີພິຍານ.

ເຄື່ອງທີ່ນຳມາມອບໃນຄັ້ງນີ້ ມີເສື້ອແຂນສັ້ນ, ໂສ້ງຂາສັ້ນ ໃຫ້ນັກກິລາສີພາຍ ຈຳນວນ 10 ບ້ານ. ບ້ານລະ 50 ຊຸດ
ຕອນທ້າຍທ່ານ ສອນສຸກ ພວງແກ້ວ ຮອງເລຂາພັກເມືອງຕາງໜ້າອົງການປົກຄອງເມືອງ ແລະ ພໍ່ແມ່ປະຊາຊົນຊາວເມືອງເງິນກ່າວສະແດງຄວາມຍ້ອງຍໍຊົມເຊີຍ ຂອບອົກຂອບໃຈຕໍ່່ບໍລິສັດໄຟຟ້າຫົງສາ ພາວເວີຈຳກັດ ທີ່ໄດ້ນຳເອົາວັດຖຸດັ່ງກ່າວມາມອບ ຂໍອວຍພອນໃຫ້ທ່ານ ນາງ ອໍລະໄທ ເຂມະບຸນກູນ ພ້ອມດ້ວຍທີມງານຕະຫຼອດຮອດພະນັກງານທີ່ປະຈຳຢູ່ບໍລິສັດໄຟຟ້າຫົງສາ ພາວເວີຈຳກັດ ມີສຸຂະພາບແຂງແຮງມີຄວາມພາສຸກໃນຄອບຄົວ ແລະ ສ່ວນຕົວຕະຫຼອດໄປ ຫວັງຢ່າງຍິ່ງວ່າທາງບໍລິສັດໄຟຟ້າຫົງສາ ພາວເວີຈຳກັດຈະໃຫ້ການອູ້ມຊູຊ່ວຍເຫຼືອເມືອງເງິນອີກຕື່ມ.

ໂດຍ: ສຸລິຍາ ແສງເດືອນ