ໜ້າສົງສານ! ໄຟໄໝ້ເຮືອນປະຊາຊົນກ້ຽງ 40 ຫຼັງ ທີ່ບ້ານສັນແຟນ ເມືອງຄຳ 7/5/2018 ຕ້ອງການຄວາມຊ່ວຍເຫຼືອ

0
1122

ຊຽງຂວາງ: ລາຍງານຈາກປະຊາຊົນໃຫ້ຮູ້ວ່າເກີດເຫດການໄຟໄຫມ້ ທີບ້ານສັນແຟນ ເມືອງຄຳ ແຂວງຊຽງຂວາງ. ໄຟໄຫມ້ ປະມານ 16:00 ໂມງ ຂອງວັນທີ 7  ພຶດສະພາ 2018. ເຊິ່ງມີຄວາມເສຍຫາຍແຈ້ງມາເບື້ອງຕົ້ນ ແມ່ນ 40 ຫຼັງຄາເຮືອນ. ປະຈຸບັນ ປະຊາຊົນ ຈຳນວນ 300 ກວ່າຄົນທີ່ອາໄສຢູ່ບ້ານນີ້ ແມ່ນໄດ້ຮັບຜົນກະທົບຈາກອັກຄີໄພຄັ້ງນີ້.

ບ້ານສັນແຟນ ເປັນບ້ານຊົນເຜົ່າລາວຜ້ອງ ຂື້ນກັບກຸ່ມ ນໍ້າລ້ຽງ ເມືອງຄໍາ ແຂວງຊຽງຂວາງ ຈາກຕົວເມືອງຄໍາຮອດກຸ່ມນໍ້າລ້ຽງທາງຢາງ 44 km, ຈາກກຸ່ມນໍ້າລ້ຽງຫາບ້ານສັນແຟນທາງດິນແດງ 24 km

 

ກົດອ່ານລາຍລະອຽດໂປຣພິເສດຂອງ KIA

ເຊິ່ງພາກສ່ວນກ່ຽວຂ້ອງແມ່ນໄດ້ລົງກວດສອບ ແລະ ຫາທາງຊ່ວຍປະຊາຊົນ ເພື່ອການບັນເທົາທຸກ ແລະ ຊ່ວຍຟື້ນຟູເຮືອນຊານບ້ານຊ່ອງ. ບ້ານສັນແຟນ ເມືອງຄຳ ແມ່ນຫ່າງຈາກຕົວເມືອງແປກ ແຂວງຊຽງຂວາງປະມານ 100 ກວ່າກິໂລແມັດ. ທາງເຂົ້າບ້ານເປັນທາງດິນແດງ ບໍ່ສະດວກສະບາຍປານໃດ.

ຫາກທ່ານໃດ ປະສົງຢາກຈະຊ່ວຍ ເຫຼືອປະຊາຊົນທີ່ໄດ້ຮັບຜົນກະທົບ ສາມາດແຈ້ງເຈດຈຳນົງໄປທີ່ ເບີ 02028287198 ທ້າວຜ່າຍ ຜູ່ປະສານງານ ຫຼື ເບີ 0304627383 ພໍ່ຕູ້ ທີ່ບ້ານສັນແຟນ.ມື້ອື່ນທີມງານໂທລະໂຄ່ງ ຈະເກັບກັບຂໍ້ມູນສະພາບເສຍຫາຍ ແລະ ຈະແຈ້ງໃຫ້ຊາບອີກຕື່ມ.ລາຍງານໂດຍ: ທ້າວຜາຍ

ກົດອ່ານລາຍລະອຽດໂປຣພິເສດຂອງ Hyundai

——–

ແນະນຳຄລິບຊີວິດຈິງ ຈາກນັກປັ່ນແຂນດຽວ ທີ່ຈະຊ່ວຍປຸກແຮງບັນດານໃຈແກ່ທ່ານ

ລາຍການ ດິບ EP:1 ວິລະພອນ ພຸດທະວົງໄຊ ,ນັກກິລາປັ່ນລົດຖີບທີມຊາດລາວ

ສາລະຄະດີ ຊີວິດ ເຕັມຮູບແບບ ລາຍການທຳອິດຂອງ ທີມງານໂທລະໂຄ່ງ ທີ່ ດິບ ບໍ່ຕ້ອງປຸງແຕ່ງ ເຊິ່ງທ່ານຈະຮູ້ຈັກບົດຮຽນຊີວິດຂອງຄົນທຳມະດາ ແຕ່ຟັງດີໆ ເຂົາເຫລົ່ານັ້ນມີບົດຮຽນອັນມີຄ່າ ທີ່ເຮົາເອົາໄປໃຊໄດ້ໃນການດຳລົງຊີວິດEP:1 ນີ້ ນຳສະເຫນີເລື່ອງຊີວີດ ດິບໆຂອງວິລະພອນ ພຸດທະວົງໄຊ ນັກກິລາປັ່ນລົດຖີບ ພິການແຂນ ທີມຊາດລາວຄົນທີ່ເກີດມາດ້ວຍຄວາມພິການກໍເປັນສິ່ງທີ່ບັນທອນໃຈໃນການດຳລົງຊີວິດພໍສົມຄວນ ແຕ່ຫາກເກີດມາຄົບສົມບູນຮ່າງກາຍແຂງແຮງເປັນນັກກິລາ ແລ້ວຊໍ້າພັດມາພົບຊະຕາພາໃຫ້ເສຍສ່ວນສຳຄັນໄປ ທ່ານລອງຄິດເບິ່ງວ່າຈະຕ້ອງໃຊ້ແຮງໃຈສໍ່າໃດເພື່ອລຸກຂຶ້ນມາໃຊ້ຊິວິດຢ່າງມີຄວາມສຸກຄັດດິບໆຈາກການສົນທະນາ2ຊົ່ວໂມງກັບບຸກຄົນທີ່ມີຄວາມສຸກຢູ່ກັບປັນຫາຢ່າງເຂົ້າໃຈ ແລະບໍ່ຍອມແພ້ໃນອຸປະສັກທີ່ເກີດຂຶ້ນກັບຕົນເອງສະໜັບສະໜູນ ແຮງບັນດານໃຈໂດຍ: ຕະຫລາດໄຮ່ຄຳ ຕະຫລາດສິນຄ້າກະສິກຳລາຄາຖືກ#ແຊລ໌ສູ່ສັງຄົມເພື່ອແບ່ງປັນບົດຮຽນ #ປັ່ນລີດຖີບ#ດິບ #ລູກຫລານຜູ້ຂີ່ລົດໄວຄວນເບິ່ງ #ເດັກຕິດເກມ #ບານບ້ວງ #ໂທລະໂຄ່ງ #ຕັດສຸດຍາກ #ຢາກໃຫ້ເບິ່ງ #ສົ່ງເສີມສັງຄົມ#ແຮງບັນດານໃຈ #ສາລະຄະດີຊີວິດຂອງຄົນລາວ#ຕະຫລາດໄຮ່ຄຳ

Posted by ດິບ on Tuesday, May 1, 2018

——————————————
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com