ປາໂທ! 2 ມື້ 200 ລ້ານກີບ ແລ້ວ! ຄົນລາວແຫ່ຊົມໜັງເລື່ອງ ”ສຽງສຸດທ້າຍ”

ສົມກັບການລໍຄອຍ ຂອງຫຼາຍຄົນ ກັບການເປີດໂຕຢ່າງເປັນທາງໃນວັນທີ 22/11/2018 ກັບຮູບເງົາສຽງ “ສຽງສຸດທ້າຍ” ສ້າງ ແລະ ກໍາກັບໂດຍ ໂຈໂຈ້ ມິຣາໂຄ ເຊິ່ງໄດ້ຜົນຕອບຮັບທີ່ດີເກີນຄາດ ໃນສາມແຂວງຄື ນະຄອນຫຼວງວຽງຈັນ, ສະຫວັນນະເຂດ ແລະ ຈໍາປາສັກ.

ບັນຍາກາດການເບິ່ງຮູບເງົາ ສຽງສຸດທ້າຍ 22/11/2018

ບັນຍາກາດມື້ສາຍຫນັງມື້ທໍາອິດຢູ່ນະຄອນຫຼວງວຽງຈັນ .. 22/11/2018

Posted by JoJo Miracle on Thursday, November 22, 2018

ຈາກການໄດ້ມີໂອກາດສອບຖາມຂໍ້ມູນຈາກ ເມເຈີ ໄດ້ໃຫ້ຮູ້ວ່າ. ຮູບເງົາ ສຽງສຸດທ້າຍ ໄດ້ຮັບການຕອບຮັບຈາກຄົນລາວຢ່າງເກີນຄາດ ເພາະຍອດຄົນເຂົ້າເບິ່ງພຽງເຂົ້າຫຼາຍກ່ວາ 4000 ຄົນ ໃນການເປີດຕົວພຽງ 2 ມື້ຜ່ານມາ ຄື ວັນທີ 22-23 ພະຈິກ 2018 ເປັນຍອດເງິນຫຼາຍກ່ວາ 200 ລ້ານກີບ ຈົນເຮັດໃຫ້ໂຮງຫນັງແຕ່ລະຈຸດທົ່ວປະເທດມີຄົນແຫນ້ນໄປໝົດ.

ທາງໂຮງສາຍໜັງເລື່ອງຍັງບອກວ່າ ປະຈຸບັນ ທຸກໂຮງແມ່ນສາຍເລື່ອງ ສຽງສຸດທ້າຍຢ່າງດຽວ. ເພື່ອໃຫ້ທຸກຄົນທີ່ຈະໄປຊົມ ບໍ່ພາດໂອກາດ ແລະ ສາຍທຸກຮອບ. ເພິ່ນຍັງບອກຢໍ້າວ່າ ດີໃຈທີ່ ຮູບເງົາທີ່ ສະແດງ ແລະ ກໍາກັບໂດຍຄົນລາວ ແມ່ນກໍາລັງຈະສ້າງໂສມໜ້າ ແລະ ສະຖິຕິອັນໃໝ່ ບໍ່ວ່າທາງດ້ານຄຸນນະພາບຂອງເລື່ອງ ແລະ ຄວາມສົນໃຈຈາກສັງຄົມ.

ເບິ່ງຈາກການລີວິວຕາມເຟສບຸກ ຫຼາຍໆຄົນປະທັບໃຈໃນຮູບເງົາເລື່ອງນີ້ເພາະໄດ້ສໍາພັດຂອງອັດທະລົດຂອງການເບິ່ງຫນັງແບບຄົບຖ້ວນ ທັງຄວາມມ່ວນ ຕະຫຼົກ ຄວາມຮັກ ແລະ ຄວາມຊຶ້ງ ເສຍນໍ້າຕາ ທີ່ປະທັບໃຈຄົນທີ່ເຂົ້າໄປເບິ່ງໃນໂຮງຫນັງ
ຜູ້ສ້າງ ແລະ ຜູ້ກໍາກັບ ຫນຸ່ມໂຈໂຈ້ ມິລາໂຄລ ຮູ້ສຶກດີໃຈນໍາຜົນຕອບຮັບທີ່ຄົນລາວມີຕໍ່ຫນັງລາວ ແຕ່ທີ່ເຮັດໃຫ້ຜູ່ກໍາກັບສຸດຫຼໍ່ ພູມໃຈຫຼາຍໄປກວ່າຍອດລາຍຮັບ ແມ່ນຄວາມຮູ້ສຶກດີໃຈທີ່ທຸກຄົນຫຼັງຈາກເບິ່ງຮູບເງົາອອກມາແລ້ວ ຮູ້ສຶກປະທັບໃຈກັບຮູບເງົາເລື່ອງນີ້ທີ່ສຸດ.

ພິເສດ ສຳລັບທ່ານທີ່ໄປຊົມໜັງເລື່ອງ ສຽງສຸດທ້າຍ ແລ້ວ ຢ່າລື່ມຖ່າຍຮູບ ຖ່າຍກັບ ປີ້ທີ່ທ່ານຊື້ເດີ. ບ່າວ ໂຈໂຈ້ ຝາກບອກວ່າ ເພິ່ນມີແນວມາໃຫ້ລຸ້ນ ເປັນເງິນລ້ານ ເພື່ອຂອບໃຈກັບແຟນໜັງເລື່ອງນີ້. ດຽວມື້ໃດເພິ່ນຈະແຈກ ຈະແຈ້ງໃຫ້ຊາບອີກ. ມີແຕ່ວ່າ ພາກັນຖ່າຍຮູບເກັບໄວ້ຄັກໆເດີ.

ພົບກັບດາລານັກສະແດງນຳຈາກຮູບເງົາ "ສຽງສຸດທ້າຍ"ຈະມີກິດຈະກຳແຈກຂອງລາງວັນ ແລະ ລາຍເຊັນນັກສະແດງ ຖ່າຍຮູບ ແບບ Exclusive 🎊🎬🎬🎁🎁🎁🎁 ຢ່າພາດ ທີ່ Major Platinum Cineplex ຊັ້ນ 4 ວຽງຈັນເຊັນເຕີ້

Posted by Major Platinum Cineplex on Thursday, November 22, 2018

ສຸດທ້າຍທາງທີມງານໂທລະໂຄ່ງກໍ່ຢາກຝາກໃຫ້ຄົນລາວຄົນໃດທີ່ຍັງບໍ່ໄດ້ເບິ່ງຮູບເງົາເລື່ອງນີ້ ແນະນໍາໃຫ້ຕ້ອງໄປເບິ່ງ ເພາະເປັນຫນັງທີ່ສ້າງໂດຍຄົນລາວ ແລະເປັນຫນັງລາວຂອງພວກເຮົາທຸກຄົນ. ພວກເຮົາຕິດຕາມຢ່າງໃກ້ຊິດວ່າ ໜັງລາວ ສຽງສຸດທ້າຍ ຈະສ້າງສະຖິຕິໃໝ່ ອອກມາຫຼາຍຊໍາໃດ!

 

ຕົວຢ່າງຮູບເງົາເລື່ອງ " ສຽງສຸດທ້າຍ "

ຕົວຢ່າງ ຮູບເງົາເລື່ອງ " ສຽງສຸດທ້າຍ " The Last Voice [ OFFICIAL TRAILER ] 🎬🎬🎬🎥🎥🎥“ ຮູບເງົາທີ່ໄດ້ເບິ່ງແລ້ວຈະຕ້ອງ ປະທັບໃຈ " ເຂົ້າສາຍວັນທີ 22 / 11 / 2018 ທີ່ໂຮງຮູບເງົາທົ່ວປະເທດ Major Vientiane Center, Itec Mall Savannakhet, Major Pakse ຜົນງານກໍາກັບໂດຍ : JoJo Miracle [ ຜູ້ສ້າງຮູບເງົາ " ວັນຄົບຮອບ " ] ນໍາສະແດງໂດຍ : ຊານົນ , ນຸ້ຍ ( Miss Universe Laos 2017 ) , ເບີ້ມ ເວສປ້າ , ສຸດາ , ນົກອ້ຽງ ຜະລິດໂດຍ : Miraclelao Production Full HD : https://www.youtube.com/watch?v=BfjZQgLx1hw&t=1sTitle Sponsor : Oishi Drink Station

Posted by JoJo Miracle on Wednesday, October 17, 2018