ແມ່ຍິງລະວັງ ພະຍາດມາກັບສິ່ງມຶນເມົາ…

0
280

ຍິ່ງໄວເຮັດວຽກເມື່ອຕ້ອງປະເຊີນກັບຄວາມກົດດັນ, ຄວາມຄຽດຈາກການເຮັດວຽກງານ ຫລັງເລີກວຽກກໍ່ຕ້ອງຫາທາງຜ່ອນຄາຍດ້ວຍການໄປທ່ຽວ, ໄປງານລ້ຽງສ້າງສັນ ຊຶ່ງແມ່ນຈະເປັນເລື່ອງມ່ວນຊື່ນ ແຕ່ບາງເທື່ອກໍ່ອາດສົ່ງຜົນເສຍຕໍ່ສຸຂະພາບໄດ້ ຫາກບໍ່ລະວັງເລື່ອງການດື່ມສິ່ງມຶນເມົາ.

ເພາະແມ່ຍິງສ່ວນໃຫຍ່ ອາດຈະຍັງບໍ່ຮູ້ວ່າ ການອອກລິດຂອງສິ່ງມຶນເມົາໃນຜູ້ຍິງຈະແຕກຕ່າງຈາກຜູ້ຊາຍ ຈຶ່ງເຮັດໃຫ້ຜູ້ຍິງເມົາໄວກວ່າຜູ້ຊາຍ ເຖິງວ່ານ້ຳໜັກໂຕຈະເທົ່າກັນ ທັງນີ້ເນື່ອງຈາກຮ່າງກາຍຂອງຜູ້ຍິງມີນ້ຳ (ຊຶ່ງເປັນຕົວທີ່ຊ່ວຍເຈືອຈາງແອວກໍຮໍໃນຮ່າງກາຍ) ນ້ອຍກວ່າ ນອກຈາກນີ້ແອວກໍຮໍ ຍັງສົ່ງຜົນເສຍຕໍ່ຮ່າງກາຍຜູ້ຍິງອີກຫລາຍປະການ ເຮົາລອງມາເບິ່ງຕົວຢ່າງນໍາກັນ.

– ຜິວເສຍ+ຮອຍຕີກາ: ນ້ຳທີ່ເຮົາດື່ມເປັນມອຍເຈີໄລເຊີຈາກພາຍໃນທີ່ໃຫ້ຄວາມຊຸ່ມຊື່ນຕໍ່ຜິວ ດັ່ງນັ້ນ ຈຶ່ງມີຄຳແນະນຳໃຫ້ດື່ມນ້ຳມື້ລະ 8 ຈອກ ສ່ວນແອວກໍຮໍ ນັ້ນກົງກັນຂ້າມ ເພາະແມ່ນຈະມີລັກສະນະເປັນນ້ຳ ແຕ່ກັບເຮັດໃຫ້ຮ່າງກາຍສູນເສຍນ້ຳຫລາຍ ເພາະການດື່ມແອນກໍຮໍ ເຮັດໃຫ້ຖ່າຍເບົາເລື້ອຍຈຶ່ງສົ່ງຜົນໃຫ້ຜິວແຫ້ງ ຊຶ່ງເຮັດໃຫ້ຜິວເກີດຮອຍຕີນກາ ຫລື ເຮັດໃຫ້ຜິວທີ່ມີຮອຍຢູ່ແລ້ວເກີດຮອຍເລິກຂຶ້ນ ນອກຈາກນີ້ແອວກໍຮໍ ຍັງເຮັດໃຫ້ຮ່າງກາຍຂາດວິຕາມິນ ແລະ ສານອາຫານທີ່ໄປບຳລຸງຜິວ ໂດຍສະເພາະຢ່າງຍິ່ງ ວິຕາມິນບີ ຊຶ່ງການຂາດວິຕາມິນບີ ຈະເຮັດໃຫ້ຜິວໜັງແຫ້ງ, ຫ່ຽວ ແລະ ເປັນສິວ ອີກສາເຫດໜຶ່ງທີ່ເຮັດໃຫ້ແອວກໍຮໍເປັນອັນຕະລາຍຕໍ່ຜິວກໍ່ຄື ແອວກໍຮໍຈະເຂົ້າໄປທຳລາຍຕັບ, ເຮັດໃຫ້ຕັບບໍ່ສາມາດຜະລິດສານເຄມີ ເຊັ່ນ: ວິຕາມິນ ເຮັດໃຫ້ຜິວເກີດຄວາມໝອງຄ້ຳ.

– ມີຄວາມສ່ຽງເປັນມະເຮັງເຕົ້ານົມ: ມີງານວິໄຈອອກມາຢ່າງຕໍ່ເນື່ອງວ່າ ການດື່ມແອວກໍຮໍ ກະຕຸ້ນການເປັນມະເຮັງເຕົ້ານົມ ທັງນີ້ກໍ່ເພາະແອວກໍຮໍຊ່ວຍເພີ່ມລະດັບຮໍໂມນເອດໂຕເຈນ ຊຶ່ງເປັນຮໍໂມນທີ່ຊ່ວຍໃຫ້ເຊວມະເຮັງຊະນິດຕອບສະຫນອງຕໍ່ຮໍໂມນຈະເລີນເຕີບໂຕ ໂດຍມະຫາວິທະຍາໄລ ອອກຟອດ ໄດ້ເປີດເຜີຍຜົນການວິໄຈວ່າ ແອວກໍຮໍ ເປັນປັດໄຈທີ່ກໍ່ໃຫ້ເກີດມະເຮັງເຖິງຮ້ອຍລະ 11 ໂດຍການວິໄຈເທື່ອນີ້ໄດ້ນຳອາສາສະໝັກທີ່ຢູ່ໃນໄວກາງຄົນຫລາຍກວ່າ 1.2 ລ້ານຄົນ ມາສຶກສາເຖິງປັດໄຈທີ່ກໍ່ໃຫ້ເກີດມະເຮັງເປັນເວລາປະມານ 7 ປີ ແລະ ພົບວ່າຜູ້ທີ່ດື່ມແອວກໍຮໍ ມື້ລະຈອກເປັນປະຈຳ ເຮັດໃຫ້ສ່ຽງຕໍ່ການເປັນມະເຮັງເຕົ້ານົມ

– ສາເຫດຂອງຄວາມຕຸ້ຍ: ການດື່ມແອວກໍຮໍ ນອກຈາກຈະເຮັດໃຫ້ເມົາແລ້ວ ຍັງເຮັດໃຫ້ມີນ້ຳໜັກເພີ່ມຂຶ້ນ ນຳໄປສູ່ພະຍາດຕຸ້ຍ ໂດຍສະເພາະຄົນຕຸ້ຍມີໜ້າທ້ອງ ເພາະແອວກໍຮໍໃຫ້ພະລັງງານສູງຫລາຍເກືອບເທົ່າໄຂມັນ ຈຶ່ງເລັ່ງໃຫ້ຮ່າງກາຍສະສົມໄຂມັນໃນບໍລິເວນທ້ອງຫລາຍຂຶ້ນ, ຍິ່ງຜູ້ຍິງສ່ວນໃຫຍ່ນິຍົມດື່ມແອວກໍຮໍ ປະສົມກັບນ້ຳຫມາກໄມ້ ຫລື ນໍ້າອັດລົມທີ່ມີນ້ຳຕານຫລາຍ ກໍ່ຍິ່ງເພີ່ມພະລັງງານໃຫ້ສູງຂຶ້ນໄປອີກ.