ການນຳເມືອງລະມາມລົງມອບເຄື່ອງອຸປະໂພກ-ບໍລິໂພກໃຫ້ປະຊາຊົນບ້ານປາໄລ

ຕອນເຊົ້າວັນທີ 27 ພະຈິກ 2018ນີ້ ທ່ານ ຂັນຕີ ສີລະວົງສາ #ເຈົ້າເມືອງໆລະມາມພ້ອມຄະນະໄດ້ນໍາເອົາເຄື່ອງອຸປະໂພກ-ບໍລິໂພກໄປມອບປະຊາຊົນ ບ້ານ ປາໄລ ກຸ່ມ 6 ຕອກອົງແກ້ວ ເຊິ່ງປະກອບມີເຄື່ອງນຸ່ງຫົ່ມ ຈຳນວນ 10 ສອບ, ເຂົ້າສານ 2 ສອບ, ມີ່ 3 ແກັດ, ເກືອ-ແປ້ງນົວ 27 ຖົງ, ຖ້ວຍ 12 ໃບ, ໝໍ້ແກງ 1 ໜ່ວຍ, ໝໍ້ໜຶ້ງ 2 ໜ່ວຍ, ຫວດໜຶ້ງເຂົ້າ 2 ໜ່ວຍ, ກະຕາດ 3 ໃບ, ນ້ຳດື່ມ 7 ແຟັກ ແລະເງິນສົດຈຳນວນ 200,000ກີບ.

ໂອກາດດັ່ງກ່າວນີ້ ທ່ານ ຂັນຕີ ສີລະວົງສາ ເຈົ້າເມືອງໆລະມາມ ໄດ້ໂອ້ລົມປະຊາຊົນບ້ານປາໄລ ຈົ່ງກຳ ແໜ້ນແນວທາງນະໂຍບາຍຂອງພັກລັດທີ່ວາງອອກ, ຈົ່ງເປັນຈິດໜຶ່ງໃຈດຽວໃນການເຕົ້າໂຮມຄວາມສາມັກຄີ ແລະ ພ້ອມກັນຈັດຕັ້ງປະຕິບັດ ຍ້າຍຖິ່ນຖານເຮືອນຊານບ້ານຊ່ອງ ຈາກເຂດທີ່ຫ່າງໄກສອກຫຼີກ ມາຕັ້ງຖິ່ນຖານໃນຂອບເຂດທີ່ອຳນາດການປົກຄອງເມືອງລະມາມຈັດສັນໄວ້ ເຊິ່ງເຕັມປ່ຽມໄປດ້ວຍຄວາມສະດວກສະບາຍໃນການໄປມາຫາຊູ່, ຕິດຕໍ່ພົວພັນຂອງຄົນໃນສັງຄົມ, ການສຶກສາ ແລະດ້ານອື່ນໆ.

ໂດຍ: ໜູໄຊ ສັກພາສິດ