ລົດໃຫຍ່ຕໍາລົດຈັກສອງຄັນ ກາງເດິກ ແລ້ວໜີ! ເຂດບ້ານຂຸນຕາ

ນະຄອນຫຼວງວຽງຈັນ: ລາຍງານຈາກ 1623​ ໃຫ້ຮູ້ ໃນວັນທີ 3 ທັນວາ 2018 ເວລາ 03:01 ທາງໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກ ແຫ່ງ ສ.ປ.ປ ລາວ ໄດ້ຮັບແຈ້ງຈາກປະຊາຊົນຜ່ານເບີໂທສຸກເສີນ1623 ວ່າມີອຸບັດຕິເຫດ ລົດໃຫຍ່ຕຳກັບລົດຈັກ 2 ຄັນ, ເຊິ່ງລົດໃຫຍ່ແມ່ນຕໍາແລ້ວລົບໜີ. ຈຸດເກີດເຫດແມ່ນເຂດ ບ້ານຂຸນຕາ ເມືອງສີໂຄດຕະບອງ, ນະຄອນຫຼວງວຽງຈັນ.

ຢູ່ທີ່ເກີດເຫດພົບເຫັນ ມີລົດຈັກສອງຄັນທີ່ມີສະພາບເພເສຍຫາຍສົມຄວນ, ແລະ ມີຜູ່ບາດເຈັບໜັກສົມຄວນ ເປັນເພດຍິງ ອາຍຸ 24 ປີ ບ້ານຕາດທອງ ເມືອງສີໂຄດຕະບອງ ແຂວງນະຄອນຫລວງ. ເຊິ່ງຄົນເຈັບແມ່ນມີບາດແຜເປີດໃຫຍ່ຢູ່ຫົວເຂົາຂ້າງຊ້າຍ ແລະມີບາດແຜຕາມຕົນຕົວ. ທາງໜ່ວຍກູ້ໄພໄດ້ປະຖົມພະຍາບານຂັ້ນຕົ້ນແລ້ວນຳສົ່ງຜູ້ບາດເຈັບໄປທີ່ ໂຮງໝໍມິດຕະພາບ.

ສ່ວນຄົນເຈັບເລັກນ້ອຍອີກສອງຄົນເປັນເພດຊາດ. ຄູ່ກໍລະນີລົດໃຫຍ່ ທີ່ຕໍາແລ້ວໜີ ທາງເຈົ້າໜ້າທີ່ແມ່ນເລັ່ງຊອກຫາ ເພື່ອມາດຳເນີນໄປຕາມກົດໝາຍບ້ານເມືອງ.

ພາບແລະຂ່າວ: 1623