ເມືອງຊຽງຮ່ອນ ແຂວງໄຊຍະບູລີຫວນຄືນມູນເຊື້ອ 3 ວັນປະຫວັດສາດ

ຕອນເຊົ້າເວລາ 6 ໂມງ ຂອງວັນທີ່ 30 ພະຈິກ 2018 ນີ້ຢູ່ທີ່ອານຸສາວະລີ-ນັກຮົບນິລະນາມ ແລະ ອານຸສອນສະຖານ ທ່ານ ໄກສອນ ພົມວິຫານ ທາງຄະນະອົງການປົກຄອງເມືອງຊຽງຮ່ອນໄດ້ສົບທົບກັບບັດດາກົມກອງ, ສໍານັກງານ,ຫ້ອງການພາຍໃນເມືອງ ໄດ້ພ້ອມກັນໄດ້ວາງພວງມາລາ ແລະ ກະຕ່າດອກໄມ້ ເນື່ອງໃນໂອກາດ, ວັນຊາດທີ 2 ທັນວາ ຄົບຮອບ 43 ປີ , ວັນຄ້າຍວັນເກີດຂອງທ່ານ ໄກສອນ ພົມວິຫານ ຄົບຮອບ 98 ປີ ແລະ ວັນສ້າງຕັ້ງເມືອງວຽງໄຊ ແຂວງຫົວພັນ ຖານທີໝັ້ນຂອງການປະຕິວັດຄົບຮອບ 50 ປີ. ທີ່ໝູນວຍນມາບັນຈົບຄົບຮອບອີກວາລະໜື່ງ ແລະ ກໍ່ໄດ້ຈັດພິທີປາຖະກະຖາມູນເຊື້ອ 3 ວັນປະຫວັດສາດຂື້ນ ຢູ່ທີ່ສະໂມສອນຂອງເມືອງໂດຍມີຄະນະບໍລິຫານງານພັກເມືອງ, ພະນັກງານຫຼັກແຫຼງ, ຫົວໜ້າຫ້ອງການ, ພະນັກງານປະຕິວັດອາວຸໂສບໍານານ, ຄູອາຈານ, ພະນັກງານລັດຖະກອນເຂົ້າຮ່ວມຮັບຟັງ.


ທ່ານ ສໍາລານ ແປງສະຫວ່າງ ເລຂາພັກເມືອງເຈົ້າເມືອງໆຊຽງຮ່ອນໄດ້ໃຫ້ກຽດເລົ່າຄືນມູນເຊື້ອປະຫວັດສາດຂອງຊາດລາວເຮົາທີ່ໄດ້ໝູນວຽນມາບັນຈົບຄົບຮອບ 43 ປີ ເຊິ່ງເປັນວັນໄຊຊະນະອັນຍິ່ງໃຫ່ຍທີ່ປະຊາຊົນລາວບັນດາເຜົ່າໄດ້ເອກກ້າງທະນົງໃຈຕໍ່ມູນເຊື້ອເອກະລາດ, ອິດສະຫຼະພາບ ແລະ ເປັນເຈົ້າຂອງປະເທດຊາດຢ່າງແທ້ຈິງໄດ້ສະຖາປະນາເປັນປະເທດສາທາລະນະລັດ ປະຊາທິປະໄຕ ປະຊາຊົນລາວ ຢ່າງສະຫງ່າຜ່າເຜີຍ ໃນວັນທີ 2 ທັນວາ 1975 ໂດຍຕິດພັນກັບການເລົ່າຄືນ ວັນສ້າງຕັ້ງເມືອງວຽງໄຊ ແຂວງຫົວພັນ ຖານທີ່ໝັ້ນຂອງການປະຕິວັດຄົບຮອບ 50 ປີ ພ້ອມທັງເລົ່າຄືນຊິວິດ ແລະ ການເຄື່ອນໄຫວຂອງປະທານ ໄກສອນ ພົມວິຫານ ຄົບຮອບ 98 ປີ ຜູ້ນໍາທີ່ແສນຮັກເຄົາລົບຮັກ ນັບແຕ່ຊິວິດເຍົາໄວ ຈົນກ້າວຂື້ນເປັນຜູ້ນໍາທີ່ຍິ່ງໃຫ່ຍ, ເປັນຜູ້ນໍາທີ່ສະຫລາດສ່ອງໃສ ໃນການນໍາພາປວງຊົນລາວທັງຊາດຕໍ່ສູ້ຕ້ານການຮຸກຮານຂອງຈັກກະພັດຕ່າງດ້າວ ຈົນສາມາດຍາດໄດ້ເອກະລາດ


ຈຸດປະສົງການປາຖະກະຖາມູນເຊື້ອ 3 ວັນສໍາຄັນຄັ້ງນີ້ກໍເພື່ອເປັນການສຶກສາອົບຮົມພະນັກງານ, ທະຫານ. ຕໍາຫລວດ , ພະນັກງານຫລັກແຫຼງຕະຫລອດຮອດປະຊາຊົນບັນດາເຜົ່າໃຫ້ພ້ອມກັນຈົດຈໍາລໍາລຶກມູນເຊື້ອດັ່ງກ່າວ ໃຫ້ພ້ອມກັນສຶບຕໍ່ປົກປັກຮັກສາ ແລະ ພັດທະນາປະເທດຊາດ. ຂ່າວ: ດິ່ງ ໄທແກ່ນ