ເມືອງນານ ໄດ້ຈັດພິທີສະເຫຼີມສະຫຼອງ ວັນຊາດທີ 2 ທັນວາ ຄົບຮອບ 43ປີ ແລະ ວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 98 ປີ

ໃນຕອນເຊົ້າຂອງວັນທີ 30/11/2018 ເມືອງນານແຂວງຫຼວງພະບາງ ໄດ້ຈັດພິທີສະເຫຼີມສະຫຼອງວັນຊາດທີ 2 ທັນວາ ຄົບຮອບ 43 ປີ(2/12/1975-2/12/2018) ແລະ ວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 98 ປີ( 13/12/1920- 13/12/2018) ຂື້ນຢູ່ທີ່ສະໂມສອນເມືອງນານ ໂດຍການເປັນປະທານຂອງທ່ານ ສີວອນ ວົງຄຳຈັນ ກຳມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງໆນານ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ສະມາຊີກພັກ, ພະນັກງານ, ທະຫານ, ຕຳຫຼວດ, ລັດວີສາຫະກິດ, ພະນັກງານອາວຸໂສບຳນານ ອາດິດຄະນະປະຈຳພັກເມືອງ, ຄູອາຈານ ແລະ ນັກຮຽນຊັ້ນມໍ 7 ມສ ເມືອງນານ ມີຜູ້ເຂົ້າຮ່ວມທັງໝົດ 239ທ່ານ, ຍີງ 97 ທ່ານ, ສະມາຊິກພັກ 183 ສະຫາຍ, ຍີງ 69 ສະຫາຍ.

ໃນພິທີສະເຫຼີມສະຫຼອງມີຄື: ໃນຕອນເຊົ້າເວລາ 7:30 ໂມງ ວາງກະຕ່ສດອກໄມ້ອານຸສາວະລີ ປະທານໄກສອນ ພົມວິຫານ, ເວລາ 8:00 ໂມງ ເຂົ້າຮ່ວມພິທີປະຖະກະຖາ ທ່ານ ບຸນທີ ມະນີວົງ ຮອງເລຂາພັກເມືອງ, ຮອງເຈົ້າເມືອງ-ເມືອງນານ ເລົ່າປະຫວັດການເຄື່ອນໄຫວ ຂອງປະທານ ໄກສອນ ພົມວິຫານ ຄົບຮອບ 98 ປີ, ທ່ານ ສີວອນ ວົງຄຳຈັນ ກຳມະການພັກແຂວງ ເລຂາພັກເມືອງ ເຈົ້າເມືອງ-ເມືອງນານ ໃຫ້ກຽດເລົ່າມູນເຊື້ອ ວັນຊາດທີ 2 ທັນວາ ຄົບຮອບ 43 ປີ,

ມອບໃບຍ້ອງຍໍໃຫ້ບຸກຄົນ ແລະ ກົມກອງທີ່ມີຜົນງານດີເດັ່ນໃນ 1 ປີ ຜ່ານມາ ຈຳນວນ 503 ໃບ, ຍີງ91 ໃບ, ກົມກອງ 41 ກົມກອງ, ຈາກນັ້ນໄປຢ້ຽມຢາມ ພະນັກງານອາວຸໂສບຳນານອາດິດການນຳເມືອງມີ 08 ທ່ານ ແລະ ຢ້ຽມຢາມຄົນເຈັບທີ່ໂຮງໝໍເມືອງນານ.