ກອງປະຊຸມ ຜ່ານຂໍ້ຕົກລົງຂອງທ່ານເຈົ້າແຂວງ ວ່າດ້ວຍການຄຸ້ມຄອງວຽກງານ ວັດທະນະທຳ ແລະ ການທ່ອງທ່ຽວ

0
41

ວັນທີ 5 ທັນວາ 2018 ນີ້ ຢູ່ທີຫໍປະຊຸມໃຫຍ່ເມືອງເງິນ ແຂວງ ໄຊຍະບູລີ ໄດ້ຈັດກອງປະຊຸມ ຜ່ານຂໍ້ຕົກລົງຂອງທ່ານເຈົ້າແຂວງ ວ່າດ້ວຍການຄຸ້ມຄອງ,ວຽກງານວັດທະນະທຳ ແລະ ການທ່ອງທ່ຽວ ເຊີ່ງມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ກົມກອງ, ອຳນວຍການໂຮງຮຽນ, ໂຮງໝໍ, ພະນັກງານວິຊາການ, ເລຂາໜ່ວຍພັກນາຍບ້ານ ແລະ ປະທານແນວລາວສ້າງຊາດບ້ານເທດສະບານເມືອງເຂົ້າຮ່ວມ 116 ທ່ານ, ຍິງ 31 ທ່ານ.

ທ່ານ ສອນສຸກ ພວງແກ້ວ ຮອງເລຂາພັກເມືອງ ຮອງເຈົ້າເມືອງ ກໍ່ໄດ້ໃຫ້ກຽດຂື້ນຜ່ານຂໍ້ຕົກລົງຂອງທ່ານເຈົ້າແຂວງ ສະບັບ ເລກທີ 756/ຈຂ ຊຍ ລົງວັນທີ 24 ກໍລະກົດ 2018 ວ່າດ້ວຍການຄຸ້ມຄອງວຽກງານວັດທະນະທຳ ແລະ ທຸລະກິດການທ່ອງທ່ຽວ ເຊີ່ງຂໍ້ຕົກລົງສະບັບນີ້ ໄດ້ກຳນົດເອົາບັນດາຫຼັກການ, ລະບຽບການ, ມາດຕະການ ແລະ ການຄຸ້ມຄອງບັນດາຫົວໜ່ວຍທຸລະກິດ ພາຍໃນແຂວງໄຊຍະບູລີ ໃຫ້ເຄື່ອນໄຫວຖືກຕ້ອງຕາມມາດຕະຖານ, ເພື່ອຊຸກຍູ້ສົ່ງເສີມວຽກງານວັດທະນະທຳ,ພ້ອມກັນ ອານຸລັກ, ປົກປັກຮັກສາ ເສີມຂະຫຍາຍມູນເຊື້ອ ສິລະປະວັດທະນະທໍາ ອັນດີງາມຂອງຊາດ, ຂອງເຜົ່າ ແນ່ໃສ່ຮັບປະກັນຄວາມເປັນລະບຽບຮຽບຮ້ອຍ, ພ້ອມທັງສ້າງເງື່ອນໄຂອັນສະດວກໃຫ້ແກ່ການດຳເນີນທຸລະກິດການທ່ອງທ່ຽວ ເຮັດໃຫ້ຜູ້ມາຊົມໃຊ້ບໍລິການ ໄດ້ມີຄວາມປະທັບໃຈຫຼາຍຂື້ນ.
ໂດຍ: ສຸລິຍາ ແສງເດືອນ