ປະທານປະເທດ ແຫ່ງ ສປປ ລາວ ເດີນທາງໄປຢ້ຽມຢາມທາງລັດຖະກິດ ທີ່ ສ ສິງກະໂປ

ຂປລ: ປະທານປະເທດ ແຫ່ງ ສປປ ລາວ ເດີນທາງໄປຢ້ຽມຢາມທາງລັດຖະກິດ ທີ່ ສ ສິງກະໂປ

ໂດຍຕອບສະໜອງຕາມຄຳເຊີນ ຂອງທ່ານ ນາງ ຮາລິມາ ຢາໂຄບ, ປະທານາທິບໍດີ ແຫ່ງ ສາທາລະນະລັດ ສິງກະໂປ. ໃນຕອນເຊົ້າຂອງວັນທີ 9 ພຶດສະພາ 2018; ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຈາກສະໜາມບິນສາກົນວັດໄຕ ນະຄອນຫລວງວຽງຈັນ ໄປຍັງສະໜາມບິນສາກົນຊາງງີ ດໍາເນີນການຢ້ຽມຢາມ ທາງລັດຖະກິດ ທີ່ສາທາລະນະລັດ ສິງກະໂປ ໃນລະຫວ່າງວັນທີ 9-10 ພຶດສະພາ 2018 ເພື່ອເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງສອງປະເທດ ລາວ ແລະ ສິງກະໂປ ທີ່ມີມາແຕ່ດົນນານ ໃຫ້ນັບມື້ນັບແໜ້ນແຟ້ນຍິ່ງຂຶ້ນ.

ໃນໂອກາດຢ້ຽມຢາມຄັ້ງນີ້, ພິທີຕ້ອນຮັບທ່ານປະທານປະເທດ ບຸນຍັງ ວໍລະຈິດ ຢ່າງເປັນທາງການຈະຈັດຂຶ້ນຢ່າງສົມກຽດຢູ່ທີ່ສໍານັກງານປະທານາທິບໍດີ (ISTANA) ໂດຍທ່ານນາງ ຮາລິມາ ຢາໂຄບ ປະທານາທິບໍດີແຫ່ງ ສາທາລະນະລັດ ສິງກະໂປ; ພາຍຫລັງສໍາເລັດພິທີຕ້ອນຮັບທາງການ ຈະມີການພົບປະສອງຝ່າຍ. ນອກຈາກນັ້ນ, ທ່ານປະທານປະເທດ ບຸນຍັງວໍລະຈິດ ຍັງຈະໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ລີ ຊຽນ ລຸງ ນາຍົກລັດຖະມົນຕີ ແຫ່ງ ສາທາລະນະລັດ ສິງກະໂປ ແລະ ຢ້ຽມຢາມສຳນັກງານການພັດທະນາຕົວເມືອງຂອງ ສິງກະໂປ ຕື່ມອີກ.

ໂດຍ: ຂປລ

ກົດອ່ານລາຍລະອຽດໂປຣພິເສດຂອງ KIA

ກົດອ່ານລາຍລະອຽດໂປຣພິເສດຂອງ Hyundai

——–

ແນະນຳຄລິບຊີວິດຈິງ ຈາກນັກປັ່ນແຂນດຽວ ທີ່ຈະຊ່ວຍປຸກແຮງບັນດານໃຈແກ່ທ່ານ

——————————————ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາLINE ID: @tholakhong | Twitter ID: @tholakhongtholakhong@gmail.com | www.tholakhong.com