ຂໍສະແດງຄວາມຮູ້ບຸນຄຸນແລະຂອບອົກຂອບໃຈຕໍ່ການນຳພັກ_ລັດທຸກພາກສ່ວນທອດຖວາຍຜ້າປ່າມະຫາສາມັກຄີໃນຄັ້ງນີ້ວັດປ່າຜາໂອ

0
196

23 ທັນວາ 2018 ຂໍອະນຸໂມທະນາ ຂໍຈະເຣີນພອນ ຂໍສະແດງຄວາມຮູ້ບຸນຄຸນແລະຂອບອົກຂອບໃຈຕໍ່ການນໍາພັກ-ລັດທຸກພາກສ່ວນ ທີ່ໄດ້ສະຫຼະເວລາອັນມີຄ່າມາຮ່ວມເປັນສັທທາທອດຖວາຍຜ້າປ່າມະຫາສາມັກຄີໃນຄັ້ງນີ້ ດ້ວຍຄວາມນັບຖື ຮັກແພງ ຢ່າງສຸດອົກສຸດໃຈ.

23 ທັນວາ 2018 ຂໍລາຍງານຍອດບຸນຜ້າປ່າໃນວັນນີ້ ຕາມການລາຍງານຂອງຄະນະກຳມະການ ເຊິ່ງຫາກໍສະຫລຸບແລ້ວ ໄດ້ ໜຶ່ງຕື້ກັບສີ່ລ້ານກີບ (1,004,000,000 ) ທັງໝົດນີ້ຈະໄດ້ໂອນໃຫ້ເຈົ້າຂອງທີ່ດິນ (ລາຄາທີ່ດິນທີ່ໄດ້ຕົກລົງຈະຊື້ເພີ້ມຕື່ມເນື້ອທີ່ວັດ ມີ: ສາມເຮັກຕາ ລາຄາ ຕາແມັດລະ 400 ບາທ = ສາມຕື້ກ່ວາກີບ )

ດ້ວຍຄວາມເຄົາຣົບ ນັບຖື ແລະຮັກແພງ ທຸກອົງ ທຸກທ່ານ ທຸກຄົນ ທີ່ມີສ່ວນຮ່ວມ ສ້າງບຸນສີລກິນທານ ນໍາກັນໃນຄັ້ງນີ້.

ຫວັງວ່າໂອກາດຕໍ່ໆໄປ ພວກເຮົາທຸກໆອົງ ທຸກທ່ານ ທຸກຄົນ ຄົງຈະໄດ້ຮ່ວມກັນສ້າງບຸນ ສ້າງປາຣະມີ ຮ່ວມກັນອີກ ຈົນກ່ວາຈະບັນລຸຜົນສຳເລັດ ຕາມເປົ້າໝາຍ ທີ່ຕັ້ງເອົາໄວ້ ທັງນີ້ກໍເພື່ອປະໂຫຍດອັນສູງສຸດໃຫ້ແກ່ລູກຫຼານບັນດາເຜົ່າໃນທ້ອງຖິ່ນທີ່ໄດ້ເຂົ້າມາບວດຮຽນຂຽນອ່ານ

ຂໍສະແດງຄວາມຮູ້ບຸນຄຸນ ຂອບອົກຂອບໃຈນໍາພຣະອາຈາຣຍ໌ພຸດທະສອນ(ເບ) ອ່ອນວົງສາ ວັດນາໄຊ ນະຄອນຫຼວງວຽງຈັນ ທີ່ໄດ້ເປັນສັທທາເຄົ້າ ຂົນຂວາຍຍາດໂຍມສັທທາຈາກທົ່ວທິສານຸທິສ ມາທອດຖວາຍຜ້າປ່າມະຫາສາມັກຄີໃນຄັ້ງນີ້. ເຊິ່ງຍາມໃດພຣະອາຈາຣຍ໌ກໍໃຫ້ຄວາມເປັນຫ່ວງເປັນໃຍ ໃຫ້ຄວາມອຸປະຖັມວັດປ່າຜາໂອ ສະເໝີມາ. ອາຈາຣຍ໌ຄືຜູ້ປິດທອງຫຼັງພຣະທີ່ແທ້ຈິງ.

(ພຣະອາຈາຣຍ໌ເບ ວັດນາໄຊ, ພຣະອາຈາຣຍ໌ປານຂາວ ປະເທດຝຣັ່ງເສດ ແມ່ຂາວບົວຈັນ ຈັນທະວົງ ຄືຜູ້ອຸທິສສັທທາຢູ່ເບື້ອງຫຼັງໃຫ້ແກ່ວັດປ່າຜາໂອມາຕັ້ງແຕ່ເລີ່ມຕົ້ນສ້າງວັດເມື່ອປີ ຄສ 2008ເປັນຕົ້ນມາ)

ຂໍນ້ອມນະມັສກາຣສະແດງຄວາມຮູ້ບຸນຄຸນແລະຂອບພຣະຄຸນນໍາຍາທ່ານໃຫຍ່ທອງສະຫວັນ ຈັນທາທິຣາຊ ວັດຍອດແກ້ວ ປະເທດອົສຕາລີ ສະຖານທູດລາວປະຈໍາປະເທດອົສຕາລີ ຊາວພຸທລາວທີ່ປະເທດອົສຕາລີ ທີ່ໄດ້ສະຫຼະເວລາມາຮ່ວມເປັນສັທທາບຸນຜ້າປ່າສາມັກຄີ ໃນຄັ້ງນີ້ ດ້ວຍຄວາມເຄົາຣົພຢ່າງສູງ.

ຂໍນອມນະມັສກາຣແດ່ ພຣະເດຊ ພຣະຄຸນ ຫຼວງພໍ່ເຈົ້າຄຸນພຣະເທພສິທທິໂສພົນ ເຈົ້າຄະນະຈັງຫວັດສະກົນນະຄອນ ແຫ່ງຣາຊະອານາຈັກໄທຍ໌ ທີ່ໄດ້ສະຫຼະເວລາມາຮ່ວມງານຜ້າປ່າສາມັກຄີ ໃນຄັ້ງນີ້ ດ້ວຍຄວາມເຄົາຣົພຢ່າງສູງ.