ກອງບັນຊາການທະຫານເມືອງເງິນສ້າງຂະບວນການຂໍ່ານັບຮັບຕ້ອນວັນສ້າງຕັ້ງກອງທັບ ປະຊາຊົນລາວ ຄົບຮອບ 70 ປີ

0
190

ອິງຕາມການລາຍງານຂອງທ່ານ ພັນໂທ ຖະແຫຼງ ຄຳອ້າຍ ຫົວໜ້າການທະຫານ ກອງບັນຊາການທະຫານເມືອງເງິນ ແຂວງໄຊຍະບູລີ ໄດ້ລາຍງານຕໍ່ນັກຂ່າວເຮົາ ໃນຄັ້ງວັນທີ 22 ທັນວາ 2018 ນີ້ວ່າ:

ກອງບັນຊາການທະຫານເມືອງເງິນສ້າງຂະບວນການຂໍ່ານັບຮັບຕ້ອນວັນສ້າງຕັ້ງກອງທັບ ປະຊາຊົນລາວ ຄົບຮອບ 70 ປີ

ການສ້າງຂະບວນການ ເພື່ອຂໍ່ານັບຮັບຕ້ອນ ວັນສ້າງຕັ້ງກອງທັບ ປະຊາຊົນລາວ ຄົບຮອບ 70 ປີທີ່ຈະໜູນວຽນມາບັນຈົບຮອບອີກວາລະໜຶ່ງ. ທາງກອງບັນຊາການທະຫານເມືອງເງິນ ແມ່ນໄດ້ເອົາໃຈໃສ່ສ້າງຂະບວນການຮອບດ້ານ ເຊີ່ງເລີ້ມແຕ່ເດືອນຕຸລາປີ 2018, ເປັນຕົ້ນມາ ແມ່ນໄດ້ສຸມໃສ່ ສ້າງຂະບວນການແຂ່ງຂັນກິລາ ມິຕະພາບ ລະຫວ່າງກົມກອງ ແລະ ຫ້ອງການອ້ອມຂ້າງເມືອງ,ໂດຍພັນກັບການປະດັບປະດາຫ້ອງການ ກົມກອງ ອະນາໄມສະຖານທີຄ້າຍຄູ ເພື່ອໃຫ້ມີຄວາມສວຍສົດງົດງາມ ຮັບປະກັນຄວາມເປັນລະບຽບຮຽບຮ້ອຍ,

ກອງບັນຊາການທະຫານເມືອງເງິນສ້າງຂະບວນການຂໍ່ານັບຮັບຕ້ອນວັນສ້າງຕັ້ງກອງທັບ ປະຊາຊົນລາວ ຄົບຮອບ 70 ປີ

ນອກຈາກນັ້ນຍັງໄດ້ສ້າງປ້າຍ 4 ບຸກຂອງຊາວໜຸ່ມເມືອງ ໄດ້ 1 ຫຼັງ, ສ້າງເຮືອນຮັບສັນຍານ ວິທະຍຸ ເອບເອມ(FM) ກະຈາຍສຽງຂອງກອງທັບປະຊາຊົນລາວສຳເລັດ 100%, ແລະ ໄດ້ສ້າງເດີນກິລາກະຕໍ້, ເດີນບານສົ່ງ ສຳເລັດ 90% ລວມມູນຄ່າການກໍ່ສ້າງ 50 ລ້ານກວ່າກີບ ທືນທັງໝົດ ແມ່ນໄດ້ມາຈາກການປະກອບສ່ວນຂອງນັກທຸລະກິດ, ບໍລິສັດຫ້າງຮ້ານ, ພໍ່ແມ່ປະຊາຊົນ ຕະຫຼອດຮອດນາຍ ແລະ ພົນທະຫານ. ທັງໝົດນີ້ກໍ່ເພື່ອເປັນການຂໍ່ານັບຊົມເຊີຍ ວັນສ້າງຕັ້ງກອງທັບ ປະຊາຊົນລາວ ຄົບຮອບ 70 ປີທີ່ຈະມາເຖິງໃນຕໍ່ໜ້ານີ້ ເພື່ອໃຫ້ມີຜົນງານປະດັບເອ້ ໃນການກະກຽມສະເຫຼີມສະຫຼອງວັນດັ່ງກ່າວ
ໂດຍ: ອິນແປງ ແຫວນຄຳ

ກອງບັນຊາການທະຫານເມືອງເງິນສ້າງຂະບວນການຂໍ່ານັບຮັບຕ້ອນວັນສ້າງຕັ້ງກອງທັບ ປະຊາຊົນລາວ ຄົບຮອບ 70 ປີ