ຫລັກການກິນອາຫານຊ່ວຍຕ້ານພູມແພ້…

0
173

ໄລຍະອາກາດປ່ຽນແປງແບບນີ້ ຫລາຍໆຄົນທີ່ເປັນພະຍາດພູມແພ້ຄົງຈະເມື່ອຍເປັນພິເສດກັບອາການທີ່ຮຸນແຮງຂຶ້ນ ມື້ນີ້ແອດຈຶ່ງນຳເອົາເຄັດລັບການກິນອາຫານທີ່ມີປະໂຫຍດຕໍ່ການຊ່ວຍຕ້ານອາການພູມແພ້ມາແນະນຳ ເຊີ່ງຈະມີຫຍັງແນ່ເຮົາມາເບີ່ງນໍາກັນເລີຍ.

-ວິຕາມິນຊີ: ຊ່ວຍປ້ອງກັນການລັ່ງຮີສຕາມີນ ເຊິ່ງເຮັດໃຫ້ເກີດພູມແພ້ອາກາດ ແລະ ການແພ້ຕ່າງໆໄດ້, ພົບໄດ້ໃນຜັກໃບຂຽວ ເຊັ່ນ: ຜັກຕຳນິນ, ຜັກຫົມ, ຜັກກາດດອກ, ຜັກກະລໍ່າ ແລະ ໝາກໄມ້ທີ່ມີລົດຊາດສົ້ມ ເຊັ່ນ: ໝາກນັດ, ໝາກກ້ຽງ, ໝາກສະຕໍເບີຣີ, ໝາກສີດາ ແລະ ໝາກນາວ.

-ວິຕາມິນເອ: ຊ່ວຍໃນການສ້າງເນື້ອເຍື່ອ ແລະ ເສີມສ້າງເນື້ອເຍື່ອຕ່າງໆຂອງຮ່າງກາຍ ລວມທັງຊ່ວຍຫລຸດອາການເມື່ອໄດ້ຮັບສານກະຕຸ້ນພູມແພ້ໄດ້, ພົບຫລາຍໃນຜັກ ແລະ ໝາກໄມ້ທີ່ມີສີຂຽວເຂັ້ມ, ສີສົ້ມ ຫລື ສີເຫລືອງ ເຊັ່ນ: ໝາກອຶ, ຫົວກະຫລົດ, ໝາກຫຸ່ງສຸກ, ໝາກມ່ວງສຸກ, ໝາກແຕງແຄນຕາລູບ ແລະ ໝາກເລັ່ນໃຫຍ່.

-ໂປຣຕິນ: ຊ່ວຍໃນການສ້າງພູມຕ້ານທານຮ່າງກາຍ ເພາະມີກົດອະມິໂນ ເຊິ່ງເປັນໜ່ວຍຍ່ອຍນ້ອຍທີ່ສຸດຂອງໂປຣຕິນ ອັນເປັນສານສຳຄັນໃນການສ້າງພູມຕ້ານທານຕ່າງໆ, ພົບຫລາຍໃນຊີ້ນສັດທີ່ເປັນຊີ້ນລ້ວນໆ ເຊັ່ນ: ຊີ້ນເອິກໄກ່, ຊີ້ນໝູ, ໄຂ່ໄກ່ ແລະ ຖົ່ວຊະນິດຕ່າງໆ.

-ໂອເມກ້າ 3: ຊ່ວຍຫລຸດການອັກເສບ, ເພີ່ມພູມຕ້ານທານໃຫ້ຮ່າງກາຍ ລວມທັງສາມາດຕໍ່ສູ້ກັບກຸ່ມເຊື້ອພະຍາດ ຫລື ສານແປກປອມທີ່ເຂົ້າສູ່ຮ່າງກາຍໄດ້, ພົບຫລາຍໃນປາທະເລນ້ຳເລິກໆ ເຊັ່ນ: ປາທູ, ປາທູນ່າ, ປາແຊວມັອນ ເຊິ່ງອາຫານກຸ່ມນີ້ອາດມີ ສ່ວນໄປກະຕຸ້ນອາການພູມແພ້ ຈຶ່ງຕ້ອງລະວັງເປັນພິເສດວ່າແພ້ອາຫານທະເລຫລືບໍ່, ຄວນເລີ່ມກິນເມື່ອອາຍຸ 3 ປີຂຶ້ນໄປ. ສ່ວນກົດໄຂມັນໂອເມກ້າ 3 ສາມາດພົບໄດ້ຫລາຍໃນແກ່ນດອກຕາເວັນ, ແກ່ນໝາກອຶ, ຖົ່ວເຫລືອງ ແລະ ຜັກໃບຂຽວເຂັ້ມຕ່າງໆ.

-ຊິລິນຽມ: ຊ່ວຍກະຕຸ້ນລະບົບພູມຕ້ານທານໃນຮ່າງກາຍໃຫ້ຕໍ່ສູ້ກັບສິ່ງແປກປອມ ຫລື ສານກະຕຸ້ນພູມແພ້ໄດ້ ພົບຫລາຍໃນພືດຕະກູນຫົວຜັກບົ່ວ ເຊັ່ນ: ຫົວຜັກບົ່ວໃຫຍ່ ແລະ ຫົວຜັກບົ່ວແດງ.

-ກຸ່ມຟລາໂວນອຍເຄີເຊທີນ: ເປັນສານຕ້ານອາການແພ້ ແລະ ຫລຸດການອັກເສບ, ຊ່ວຍຂັດຂວາງການປ່ອຍສານຮີສຕາມີນ ເຊິ່ງເປັນໂຕກະຕຸ້ນອາການພູມແພ້ໄດ້, ພົບຫລາຍໃນຜັກທຽມ ແລະ ພືດຕະກູນຫົວຜັກບົ່ວ ດັ່ງຫົວຜັກບົ່ວໃຫຍ່, ຫົວຜັກບົ່ວແດງ, ຫົວກະຫລົດ, ຜັກສະຫລັດ ແລະ ໝາກແອັບເປິ້ນ ເປັນຕົ້ນ.


ຂອບໃຈທີ່ມາ: www.kidteung.com