ຮອງປະທານປະເທດ ຕ້ອນຮັບປະທານສະມາຄົມ ມິດຕະພາບ ຍີ່ປຸ່ນ-ລາວ ຝ່າຍລັດຖະສະພາ

ຂປລ. ໃນວັນທີ 27 ທັນວາ 2018, ທ່ານ ພັນຄຳ ວິພາວັນ ຮອງປະທານປະເທດ ແຫ່ງ ສປປ ລາວ ໄດ້ໃຫ້ກຽດຕ້ອນຮັບ ທ່ານ ຕາເກໂອະ ຄາວາມຸຣະ ປະທານສະມາຄົມມິດຕະພາບ ຍີ່ປຸ່ນ-ລາວ ຝ່າຍລັດຖະສະພາ, ປະທານກຳມາທິການງົບປະມານ ສະພາຜູ້ແທນລາຊະດອນ (ສະພາຕ່ຳ) ຍີ່ ປຸ່ນ ພ້ອມດ້ວຍຄະນະ ໃນໂອກາດເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ ໃນລະ ຫວ່າງ ວັນທີ 26-28 ທັນວາ 2018.

(ຂວາ) ທ່ານ ພັນຄຳ ວິພາວັນ ຮອງປະທານປະເທດ ສປປລາວ ແລະ
(ຊ້າຍ) ທ່ານ ຕາເກໂອະ ຄາວາມຸຣະ ປະທານສະມາຄົມ ມິດຕະພາບ ຍີ່ປຸ່ນ-ລາວ


ໃນໂອກາດດັ່ງກ່າວ, ທ່ານ ພັນຄຳ ວິພາວັນ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງ ຕໍ່ ທ່ານ ຕາເກໂອະ ຄາວາມຸຣະ ທີ່ໄດ້ນຳພາຄະນະ ເດີນທາງມາຢ້ຽມຢາມສປປ ລາວ ໃນຄັ້ງນີ້, ເຊິ່ງເປັນການປະກອບສ່ວນອັນສຳຄັນ ເຂົ້າໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມື ລະຫວ່າງ ສອງລັດຖະບານ ລາວ-ຍີ່ປຸ່ນ ໃຫ້ໄດ້ຮັບການພັດທະນາ ແລະ ສືບຕໍ່ໃຫ້ການສະໜັບສະໜູນຊ່ວຍເຫລືອເຊິ່ງກັນ ແລະ ກັນ ໃນທຸກຂົງເຂດວຽກງານ ໃນອະນາຄົດ ແລະ ຍາວນານ.