ພິທີມອບ-ຮັບ ແລະ ເປີດການນໍາໃຊ້ອາຄານຕຶກປີ່ນປົວພຣະສົງ ໂຮງໝໍແຂວງຄຳມ່ວນ

0
117

ຄະນະ ອພສ ແຂວງຄຳມ່ວນ ອົງການຈັດຕັ້ງຂັ້ນແຂວງທຸກພາກສ່ວນຮ່ວມກັບຄະນະອຸປະຖຳໃດ້ທຳພີທີມອບຮັບອາຄານປິ່ນປົວພະສົງ (ຕຶກສົງ)

ຖ່າຍຮູບຮ່ວມ

ທ່ານເຈົ້າແຂວງຄໍາມ່ວນ ມອບໃບກຽດຕິຄຸນ

ຂໍຊົມເຊີຍໃນຜົນງານອັນໂດດເດັ່ນ ແລະ ໃນຄວາມເມຕາຂອງຄະນະສົງໂດຍສະເພາະແມ່ນ ພຣະອາຈານ ພຸດທະສອນ ອ່ອນວົງສາ (ເບ) ທີ່ຫ້າວຫັ່ນປະຕິບັດຕໍ່ໜ້າທີ່ວຽກງານໂດຍສະເພາະໃນດ້ານການຊ່ວຍເຫຼືອສັງຄົມ.

ວັນທທີ່ 28 / 12 / 2018 ພຣະອາຈານ ພຸດທະສອນ ອ່ອນວົງສາ (ເບ) ຫົວຫນ້າໜ່ວຍງານສາສະນະພິທີ ກຳມາທິການສາທາຣະນູປະການ ສູນກາງ ອພສ ພ້ອມດ້ວຍຄະນະໄດ້ນຳພາຄະນະສັດທາຜູ້ອຸປະຖຳເຊີ່ງມີຜູ້ຕ່າງໜ້າທ່ານເອກອັກຄະລັດສະທູດລາວ ປະຈຳປະເທດອົສຕາລີ ຮ່ວມກັບ ຄະນະສົງວັດພະຍອດແກ້ວປະເທດອົສຕາລີ ນຳໂດຍ: ຍາທ່ານໃຫຍ່ ທອງສະຫວັນ ຈັນທາທິລາດ

ພ້ອມດ້ວຍຊາວພຸດທີ່ມາຈາກປະເທດອົສະຕາລີ, ຄະນະສົງວັດນາໄຊ, ຮ້ານໄຊຮຸ່ງເຮືອງອາລູມີນຽມ ນຳໂດຍ: ທ່ານ ນາງ ວິພາພັນ ໄຊຮຸ່ງເຮືອງ ຮ່ວມພິທີມອບ ອຸປະກອນການແພດ ແລະ ມອບ ອາຄານປິ່ນປົວພຣະສົງ ( ຕຶກສົງຄ໌ ) ທີ່ໂຮງຫມໍ ແຂວງຄຳມ່ວນ. ທ່າມກາງຄວາມປິຕິຍິນດີຂອງປະຊາຊົນຊາວ ແຂວງຄຳມ່ວນ ໂດຍພາຍໃຕ້ການເປັນປະທານຂອງທ່ານເຈົ້າແຂວງໆຄຳມ່ວນ

ນອກຈາກນັ້ນຍັງມີ ຮອງເຈົ້າຄະນະຈັງຫວັດນະຄອນພະນົມເຈົ້າອາວາດ ວັດສະຫວ່າງ, ຮອງເຈົ້າຄະນະຈັງຫວັດສະກົນນະຄອນເຈົ້າອາວາດ ວັດທຸງອຳເພີອາກາດອຳນວຍ, ຄະນະສົງນະຄອນພະນົມນຳໂດຍ: ພຣະຣາດສິລິວັດຮອງເຈົ້າຄະນະຈັງຫວັນນະຄອນພະນົມ, ຄະນະສົງສະກົນນະຄອນນຳໂດຍພຣະລັດຕະນາກອນວິສຸດ ຮອງເຈົ້າຄະນະຈັງຫວັດສະກົນນະຄອນ.
………….
ຂຽນໂດຍ: ຫົວໜ້າສາສະນະພິທີ.
ເດັ່ນ ວິລະຊົນ