ງານແຂ່ງຂັນກິລາມິດຕະພາບ ສຶກສາທິການ ແລະ ກິລາ ຄັ້ງທີ 9

0
127

ວັນທີ 28 ທັນວາ 2018 ນີ້ ຢູ່ທີ່ ເດີນກິລາ ໂຮງຮຽນ ມສ ເມືອງເງິນ ແຂວງ ໄຊຍະບູລີ,ໄດ້ຈັດການແຂ່ງຂັນກິລາມິດຕະພາບ ລະຫວ່າງ ຫ້ອງການສຶກສາທິການ ແລະ ກິລາ ກັບ ຄູອາຈານໂຮງຮຽນມັດທະຍົມໃນທົ່ວເມືອງ ຄັ້ງທີ 9 ຂື້ນຢ່າງເປັນທາງການ, ພາຍໃຕ້ການເປັນປະທານຂອງ ທ່ານ ຄາມ ປັນຍາວົງ ອຳນວຍການ ໂຮງຮຽນ ມສ ເມືອງເງິນ , ເຂົ້າຮ່ວມເປັນກຽດມີ ທ່ານ ສອນສຸກ ພວງແກ້ວ ຮອງເລຂາພັກເມືອງຮອງເຈົ້າເມືອງ, ມີຫົວໜ້າຫ້ອງການສຶກສາທິການ ແລະ ກິລາເມືອງ, ອຳນວຍການໂຮງຮຽນມັດທະຍົມ 6 ແຫ່ງທົ່ວເມືອງ, ພະນັກງານຫ້ອງການສຶກສາ, ຄູອາຈານ, ນັກທຸລະກິດຜູ້ປະກອບການ ແລະ ປະທານສະມາຄົມກິລາເຂົ້າຮ່ວມ.

ງານແຂ່ງຂັນກິລາມິດຕະພາບ ສຶກສາທິການ ແລະ ກິລາ ຄັ້ງທີ 9

ການແຂ່ງຂັນກິລາຄັ້ງນີ້ ກໍ່ເພື່ອເປັນການພົບປະແລກປ່ຽນບົດຮຽນທາງດ້ານກິລາກາຍະກໍາ ລະຫວ່າງພະນັກງານຫ້ອງການສຶກສາທິການ ແລະ ກິລາ ກັບບັນດາຄູອາຈານ,ເປັນການເຕົ້າໂຮມ ຜູກແໜ້ນຄວາມສາມັກຄີ ທັງເປັນການສ້າງຂະບວນການຂໍ່ານັບຮັບຕ້ອນ ວັນສ້າງຕັ້ງກອງທັບ ປະຊາຊົນລາວ ຄົບຮອບ 70 ປີ ແລະ ປະກາດເມືອງເງິນເປັນເມືອງປະຕິບັດຂະບວນການສ້າງຄອບຄົວ,ບ້ານ, ເມືອງສາມັກຄີປອງດອງ ເປັນເມືອງທຳອິດຂອງປະເທດ ທີຈະໄດ້ຈັດຂື້ນໃນມໍ່ໆນີ້.

ງານແຂ່ງຂັນກິລາມິດຕະພາບ ສຶກສາທິການ ແລະ ກິລາ ຄັ້ງທີ 9

ກິລາທີ່ນຳມາແຂ່ງຂັນ ມີ 2 ປະເພດຄື: ບານສົ່ງຍິງ-ຊາຍ ແລະ ເປຕັງຍິງ-ຊາຍ ລວມມີ 26 ທີມ ໃນນີ້ປະກອບມີບານສົ່ງຊາຍ ມີ 7 ທີມ, ບານສົ່ງຍິງ 5 ທີມ, ເປຕັງຊາຍ 7 ທີມ ແລະ ເປຕັງຍິງ 7 ທີມ, ການແຂ່ງຂັນແມ່ນໃຊ້ເວລາ 1 ວັນເຕັມ.

ງານແຂ່ງຂັນກິລາມິດຕະພາບ ສຶກສາທິການ ແລະ ກິລາ ຄັ້ງທີ 9


ຜົນຂອງການແຂ່ງຂັນ ຊະນະເລີດ ເປຕັງຍິງ ມສ ເມືອງເງິນ, ເປຕັງຊາຍ ມໍຕົ້ນປາງບົງ, ຊະນະເລີດ ບານສົ່ງຍິງ ມສ ນ້ຳເງິນ, ຊະນະເລີດ ບານສົ່ງຊາຍ ມໍຕົ້ນປາງບົງ
ພາຍຫຼັງສຳເລັດ ການແຂ່ງຂັນ ທາງຄະນະປະທານກໍ່ໄດ້ມອບຂອງຂວັນລາງວັນໃຫ້ນັກກິລາແຕ່ລະປະເພດ ພ້ອມທັງມອບການແຂ່ງຂັນກິລາມິດຕະພາບ ລະຫວ່າງ ຫ້ອງການສຶກສາທິການ ແລະ ກິລາ ກັບ ຄູອາຈານໂຮງຮຽນມັດທະຍົມໃນທົ່ວເມືອງ ຄັ້ງທີ່ 10 ໃຫ້ໂຮງຮຽນ ມສ ນໍ້າເງິນ ເປັນເຈົ້າພາບໃນສົກຮຽນ 2019-2020.
ໂດຍ: ອິນແປງ ແຫວນຄຳ

ງານແຂ່ງຂັນກິລາມິດຕະພາບ ສຶກສາທິການ ແລະ ກິລາ ຄັ້ງທີ 9
ງານແຂ່ງຂັນກິລາມິດຕະພາບ ສຶກສາທິການ ແລະ ກິລາ ຄັ້ງທີ 9