ປະໂຫຍດຂອງແກ່ນໝາກຂາມ!!!

0
238

ແກ່ນໝາກຂາມເສີມພູມຕ້ານທານ ຂັດຂວາງມະເຮັງ ແລະ ປ້ອງກັນເບົາຫວານ

-ເສີມພູມຕ້ານທານຕ້ານເຊື້ອພະຍາດ: ໃນວຽກງານວິໄຈຂອງຕ່າງປະເທດທ່ີ່ໄດ້ວິໄຈກ່ຽວກັບແກ່ນໝາກຂາມພົບວ່າ: ໃນແກ່ນໝາກຂາມມີໄຂມັນ ແລະ ໂພລີແຊກຄາໄລ ເຊິ່ງມີລິດເສີມພູມຕ້ານທານໃນຮ່າງກາຍ ໂດຍມັນຈະໄປກະຕຸ້ນໃຫ້ພູມຕ້ານທານໃນຮ່າງກາຍສູງຂຶ້ນ ເພື່ອຕໍ່ສູ້ກັບເຊື້ອພະຍາດ ແລະ ສິ່ງແປກປອມຕ່າງໆທີ່ເຂົ້າສູ່ຮ່າງກາຍ ໂດຍສະເພາະເຊື້ອໄວຣັສ.

-ປ້ອງກັນພະຍາດເບົາຫວານ: ສານໂພລີແຊກຄາໄຣໃນແກ່ນໝາກຂາມຍັງເປັນນຳ້ຕານໂມເລກຸນດ່ຽວ ບໍ່ກໍ່ໃຫ້ເກີດພະຍາດເບົາຫວານຄືກັບນຳ້ຕານໂມເລກຸນຄູ່ດັ່ງກລູໂກສ ໂດຍຈາກການທົດລອງພົບວ່າແກ່ນໝາກຂາມສາມາດປິ່ນປົວພະຍາດເບົາຫວານຂອງໜູທົດລອງໄດ້, ສ່ວນເປືອກຂອງແກ່ນໝາກຂາມທີ່ມີສີນຳ້ຕານມີສານແທນນິນທີ່ບໍ່ລະລາຍນຳ້ເປັນສ່ວນປະກອບເຖິງ 35% ສາມາດເອົາມາພັດທະນາເປັນຢາປິ່ນປົວພະຍາດໄດ້.

-ມີສານຕ້ານອະນຸມູນອິດສະລະ: ມີການສຶກສາພົບວ່າມີສານຕ້ານອະນຸມູນອິດສະລະ ແລະ ສານປະກອບຟີນອນລິກຢູ່ໃນປະລິມານສູງ ເຊິ່ງເປັນອົງປະກອບທີ່ດີຕໍ່ສຸຂະພາບ ເພາະສານຕ້ານອະນຸມູນອິດສະລະຫລຸດຄວາມສ່ຽງຕໍ່ພະຍາດ ເຊັ່ນ: ມະເຮັງ, ເບົາຫວານ ເປັນຕົ້ນ ລວມທັງຊ່ວຍຂັດຂວາງຂະບວນການບາງຂັ້ນຕອນທ່ີ່ເຮັດໃຫ້ເຖົ້າໄວ ເຊິ່ງປົກກະຕິຮ່າງກາຍສາມາດກຳຈັດອະນຸມູນ ອິດສະລະໄດ້ເອງ ແຕ່ຫາກຮ່າງກາຍໄດ້ຮັບສານອະນຸມູນອິດສະລະຫລາຍເກີນໄປ ຈະກຳຈັດບໍ່ທັນກໍ່ອາດສ້າງຄວາມເສຍຫາຍໃຫ້ແຊນ ແລະ ເນື້ອເຍື່ອໄດ້.

-ມີລິດຕ້ານອອກຊິເດຊັ່ນ: ມີການສຶກສາພົບວ່າສານສະກັດເປືອກຫຸ້ມແກ່ນໝາກຂາມມີລິດຕ້ານອອກຊິເດຊັ່ນທີ່ດີກ່ວາວິຕາມິນອີ 3,14 ເທົ່າ, ຂັດຂວາງອະນຸມູນອິດສະລະໄດ້ 50 ເປີເຊັນ ເທົ່າກັບ 53,42 ໄມໂຄຣກຣາມຕໍ່ມິນລີລິດ ສະແດງໃຫ້ເຫັນວ່າສານຕ້ານອະນຸມູນອິດສະລະໃນເປືືອກຫຸ້ມແກ່ນໝາກຂາມມີປະລິມານສູງຫລາຍ ໃກ້ຄຽງກັບສານສະກັດຈາກແກ່ນໝາກລະແຊັງ.

-ບໍ່ເປັນພິດຕໍ່ຮ່າງກາຍ: ໃນວຽກງານວິໄຈຂອງຕ່າງປະເທດ ເຄີຍທົດລອງເພື່ອຊອກວ່າແກ່ນໝາກຂາມມີພິດຕໍ່ຮ່າງກາຍຫລືບໍ່ ເຊິ່ງໄດ້ທົດລອງທັງພິດແບບກະທັນຫັນ ແລະ ພິດໃນໄລຍະຍາວ 3 – 4 ເດືອນ ແຕ່ກໍ່ບໍ່ພົບວ່າແກ່ນໝາກຂາມເຮັດໃຫ້ເກີດພິດໃນຮ່າງກາຍ ດັ່ງນັ້ນ ຈຶ່ງສາມາດກິນແກ່ນໝາກຂາມໄດ້ຄືກັບຢາຊະນິດໜຶ່ງ.


ຂອບໃຈທີ່ມາ:www.kidteung.com