ພິທີມອບ-ຮັບຫົວໜ້າຫ້ອງການສືກສາທິການ ແລະ ກິລາເມືອງນານ

ຫ້ອງການສືກສາທິການ ແລະ ກິລາເມືອງນານ ແຂວງຫຼວງພະບາງ ໄດ້ຈັດພິທີມອບ-ຮັບຫົວໜ້າຫ້ອງການສຶກສາທິການ ແລະ ກິລາເມືອງນານ ລະຫ່ວາງຜູ້ເກົ້າ ແລະ ຜູ້ໃໝ່ຂື້ນໃນຕອນເຊົ້າຂອງວັນທີ 03/01/2019 ຢູ່ທີ່ສະໂມສອນຂອງຫ້ອງການສຶກສາທິການ ແລະ ກິລາເມືອງ

ໂດຍການເປັນປະທານຮ່ວມຂອງທ່ານ ສີວອນ ວົງຄຳຈັນ ກຳມະການພັກແຂວງ ເລຂາພັກເມືອງ ເຈົ້າເມືອງໆນານ, ທ່ານ ເອີງ ລໍສະຫວັນ ກຳມະການພັກແຂວງ ຫົວໜ້າພະແນກສຶກສາທິການ ແລະ ກິລາແຂວງ, ທ່ານ ນາງຫົງຄຳ ເພັງສະຫວັດ ກຳມະການປະຈຳພັກເມືອງ ຮອງເຈົ້າເມືອງ ຫົວໜ້າຫ້ອງການສຶກສາທິການ ແລະ ກິລາເມືອງ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ອຳນວຍການໂຮງຮຽນອ້ອມຂ້າງເມືອງ, ຕະຫຼອດຮອດພະນັກງານຫ້ອງການສຶກສາທິການ ແລະ ກິລາເມືອງເຂົ້າຮ່ວມຢ່າງພ້ອມພຽງ.

ໃນພິທີດັ່ງກ່າວໄດ້ຜ່ານຂໍ້ຕົກລົງຂອງທ່ານເຈົ້າແຂວງຫຼວງພະບາງວ່າດ້ວຍການແຕ່ງຕັ້ງຮອງເຈົ້າເມືອງໆນານ, ຜ່ານຈໍ້ຕົກລົງຂອງທ່ານເຈົ້າເມືອງໆນານ ວ່າດ້ວຍການແຕ່ງຕັ້ງວ່າການຫົວໜ້າຫ້ອງການສຶກສທິການແລະ ກິລາເມືອງນານ, ຜ່ານຂໍ້ຕົກລົງຂອງທ່ານເຈົ້າເມືອງໆນານວ່າດ້ວຍການແຕ່ງຕັ້ງຮອງກົວໜ້າຫ້ອງການສຶກສາທິການແລະ ກິລາເມືອງ ຈາກນັ້ນທ່ານ ນາງ ຫົງຄຳ ເພັງສະຫວັດຮອງເຈົ້າເມືອງໆນານ ຫົວໜ້າຫ້ອງການສຶກສາທິການ ແລະ ກິລາເມືອງຜູ້ເກົ່າໄດ້ຜ່ານບົດສະຫຼູບການຈັດຕັ້ງປະຕິບັດວຽກງານໄລຍະຜ່ານມາ ແລະ ມອບໜ້າທີ່ໃຫ້ ທ່ານ ບຸນທອນ ສຸດທິພອນ ເປັນຜູ້ວ່າການຫົວໜ້າຫ້ອງການສຶກສາທິການ ແລະ ກິລາເມືອງນານຂື້ນກ່າວຮັບໜ້າທີ່ພ້ອມທັງເຊັນມອບ-ຮັບຜູ້ເກົ່າ-ຜູ້ໃໝ່, ມອບຂອງຂວັນໃຫ້ຫົວໜ້າຜູ້ເກົ່າ,

ຜ່ານມະຕີຕົກລົງຂອງທ່ານເຈົ້າເມືອງ ວ່າດ້ວຍການຍົກຍ້າຍພະນັກງານຫ້ອງການສຶກສາທິການ ແລະ ກິລາເມືອງໄປຮັບໜ້າທີ່ໃໝ່ຢູ່ປົກຄອງ 03ທ່ານ,ຍິງ01ທ່ານ, ຜ່ານຂໍ້ຕົກລົງລັດຖະມົນຕີກະຊວງສຶກສາທິການ ແລະ ກິລາ ວ່າດ້ວຍການອານຸມັດອອກການເພື່ອຮັບອຸດໜຸນເທື່ອດຽວ 06 ທ່ານ,ຍີງ 02ທ່ານ, ຜ່ານຂໍ້ຕົກລົງຂອງລັດຖະມົນຕີກະຊວງສຶກສາທິການ ແລະ ກິລາວ່າດ້ວຍອະນຸມັດອອກພັກການເພື່ອຮັບເບ້ຍບຳນານ 05 ທ່ານ,ຍີງ02ທ່ານ,ຜ່ານຂໍ້ຕົກລົງຂອງຫົວໜ້າຫ້ອງການສຶກສາທິການ ແລະ ກິລາເມືອງວ່າດ້ວຍບັນຈຸສັບຊ້ອນຄູອາຈານປະຈຳການບ່ອນໃໝ່ ເພື່ອປ່ຽນແທນ ພະນັກງານອອກບຳເນັດ, ບຳນານ,

ຫົວໜ້າພະແນກສຶກສາທິການ ແລະກິລາແຂວງຫຼວງພະບາງ ມີຄຳເຫັນຊີ້ນຳຕໍ່ພະນັກງານທີ່ຮັບໜ້າທີ່ໃໝ່ ແລະ ຜູ້ບຳເນັດ, ບຳນານ ຈາກນັ້ນທ່ານ ສີວອນ ວົງຄຳຈັນ ກຳມະການພັກແຂວງ ເລຂາພັກເມືອງ ເຈົ້າເມືອງໆນານມີຄຳເຫັນໂອ້ລົມຕໍ່ພິທີເພື່ອໃຫ້ບັນດາຜູ້ທີ່ຖືກແຕ່ງຕັ້ງ, ຍົກຍ້າຍ, ພັກຜ່ອນບຳເນັດ,ບຳນານ ຮູ້ໄດ້ພາລະບົດບາດໜ້າທີ່ຄວາມຮັບຜິດຊອບ ແລະ ຮູ້ໄດ້ແນວທາງນະໂຍບາຍຂອງພັກ ລະບຽບກົດໝາຍຂອງລັດ ໃນຕອນທ້າຍທ່ານ ບຸນທອນ ສຸດທິພອນ ວ່າການຫົວໜ້າຫ້ອງການສຶກສາທິການ ແລະ ກິລາເມືອງນານ ຂື້ນຮັບຄຳໂອວາດຈາກຂັ້ນເທີງ.