ລົດໃຫ່ຍເສຍຫລັກປີ້ນຫງາຍທ້ອງ ເຈັບໜັກ 2 ທີ່ນະຄອນໄກສອນ 5/1/2019

ແຂວງ ສະຫວັນນະເຂດ: ລາຍງານຈາກກູ້ໄພ ສະຫວັນນະເຂດໃຫ້ຮູ້ວ່າ ວັນທີ 5/1/2019 ເວລາ 23:15 ນາທີ ຫນ່ວຍກູ້ໄພໄດ້ຮັບແຈ້ງເຫດລົດໃຫ່ຍເສຍຫລັກປີ້ນເອງ
ເຂດບ້ານໂພນສະຫວ່າງໃຕ້ ທາງເຂົ້າວັດອົບມາ ນະຄອນໄກສອນພົມວິຫານ ແຂວງ ສະຫວັນນະເຂດ

ກວດສອບທີ່ເກີດເຫດ ແມ່ນເປັນເຂດກໍ່ສ້າງ. ລົດເກຍປີ້ນຫງາຍທ້ອງ ມີຜູ້ບາດເຈັບ 2 ຄົນເພດຊາຍ 1 ຄົນ ຍິງ 1 ຄົນ

ອາການຂອງຄົນເຈັບມີດັ່ງນີ້: ຜູ້ທີ່ 1 ເປັນເພດຊາຍ ຊື່ທ້າວ ຫມີ ອາຍຸ 33ປີ ຍູ່ບ້ານຫນອງຜື, ມີອາການ ບາດແຜຖະຫລອກຕາມຕົນໂຕ ຄິ້ວແຕກ (ມີສະຕິດີ)

ຜູ້ທີ່ 2ເປັນເພດຍິງ ຊື່ນາງຕິກ ອາຍຸ 32ປີ ຍູ່ບ້ານຫນອງຜື, ມີອາການຫົວແຕກ ຄາງແຕກ ແໝ້ນຫນ້າເອິກແລະມິບາດແຜຖະຫລອກຕາມຕົນໂຕ(ມີສະຕິດີ)

ດັ່ງນັ້ນທາງທີມງານຈື່ງໄດ້ປະຖົມພະຍາບານຂັ້ນຕົ້ນ ແລ້ວນໍາສົ່ງໂຮງຫມໍ ແຂວງ ສະຫວັນນະເຂດ


ອຸປະຕິເຫດ, ເຈັບປ່ວຍແຈ້ງເຫດສຸກເສິນໂທ
020 2828-5454
020 9898-5454 ຕະຫຼອດ 24 ຊ່ວໂມງ
ໜ່ວຍກູ້ໄພ ສະຫວັນນະເຂດ