ບໍ່ແກ້ວ ຢຶດສັດປ່າ -ຊີ້ນສ່ວນສັດປ່າ ແລະ ເຄື່ອງປ່າຂອງດົງເກືອບ 2 ພັນກິໂລ

ຂປລ. ເມື່ອບໍ່ດົນມານີ້, ກົມກວດກາປ່າໄມ້ ສົມທົບກັບກອງກວດກາປ່າໄມ້ ແຂວງບໍ່ແກ້ວ ທີມ ງານຈາກອົງການກອງທຶນອະນຸຮັກທຳມະຊາດໂລກ ປະຈຳ ສປປ ລາວ ໄດ້ຫາລືກັນ ເພື່ອລົງກວດກາ ການລັກລອບຊື້-ຂາຍ ເຄື່ອນຍ້າຍຜະລິດຕະພັນສັດປ່າ ແລະ ເຄື່ອງປ່າຂອງດົງ ຢູ່ເຂດດ່ານຖິ່ນ ເມືອງຫ້ວຍຊາຍ, ຕົ້ນເຜິ້ງ ແລະ ເຂດເສດຖະກິດພິເສດສາມຫລ່ຽມຄຳ ແຂວງບໍ່ແກ້ວ ໃນ 5 ຮ້ານເປົ້າໝາຍ, ເຊິ່ງສາມາຢຶດສັດປ່າ, ຊີ້ນສ່ວນສັດປ່າ ທັງໝົດເກືອບ 87 ກິໂລກຣາມ ແລະ ເຄື່ອງປ່າຂອງດົງ 1.850 ກິໂລກຣາມ.


ຄາດວ່າກໍາລັງຂົນສົ່ງອອກໄປຍັງປະເທດເພື່ອນບ້ານ ຈາກຜູ້ປະກອບການໃນທ້ອງຖິ່ນ, ສ່ວນຜູ້ກະທໍາຜິດແມ່ນໄດ້ເຮັດບົດບັນທຶກ ແລະ ຈະຖືກດໍາເນີນຄະດີຕາມລະບຽບກົດໝາຍ.