ສູດເຂົ້າໜຽວໝາກມ່ວງ ແບບແຊບຊ້ອຍ!!!

0
27

ເຂົ້າໜຽວໝາກມ່ວງ” ທີ່ໄດ້ກິນຍາມໃດກໍຮູ້ສຶກສົດຊື່ນ ເສີມມາດ້ວຍຄວາມຫອມຫວານມັນ ຖ້າຢາກຮູ້ວ່າເຂົ້າໜຽວໝາກມ່ວງຄລີນເຮັດແນວໃດນັ້ນ ມາອ່ານ ແລະ ເຮັດໄປພ້ອມກັນເລີຍ!
ເຂົ້າທີ່ເຮົານຳມາເຮັດໃນມື້ນີ້ ແມ່ນເຂົ້າກ້ອງໄຣເບີລີ້ທີ່ປະຈຸບັນສາມາດຊື້ໄດ້ທົ່ວໄປຕາມທ້ອງຕະຫຼາດ
ສຳຫຼັບສ່ວນປະສົມຂອງເຂົ້າມູນມີຄື:


-ເຂົ້າຫຸງແລ້ວ 2 ຖ້ວຍ
-ຫົວກະທິ ½ ຖ້ວຍ
-ນໍ້າຕານ(ບໍ່ຂັດສີ) ¼ ຖ້ວຍ
-ເກືອ ¼ – ½ ບ່ວງຊາ (ຕາມຄວາມມັກ)
-ໃບເຕີຍ 1 ໃບ (ຖ້າບໍ່ມີ ບໍ່ໃສ່ກໍໄດ້)


ສາມາດຊິມລົດຊາດໃນຂະນະທີ່ເຮັດກິນໄປນຳ ເພື່ອໃຫ້ໄດ້ລົດຊາດທີ່ຖືກໃຈ


ວິທີເຮັດ:
ປະສົມກະທິ, ເກືອ, ນໍ້າຕານ, ໃບເຕຍ (ໂດຍໃຫ້ເຄັ້ນໃບເຕີຍໃຫ້ມີກິ່ນຫອມກະຈາຍທົ່ວ) ຄົນຈົນນໍ້າຕານລະລາຍ ແລ້ວພັກປະໄວ້
ນຳເອົາເຂົ້າທີ່ຫຸງສຸກໆນັ້ນມາເທໃສ່ໃນນໍ້າກະທິທີ່ກຽມເອົາໄວ້ (ຢ່າລືມເອົາໃບເຕີຍອອກເດີ້) ຄົນປະສົມໃຫ້ເຂົ້າກັນແລ້ວປິດຟາໄວ້ປະມານ 15 ນາທີ, ເປີດມາແລ້ວຄົນອີກຮອບ ແລ້ວປະໄວ້ອີກ 15-20 ນາທີ ເພື່ອໃຫ້ສ່ວນປະສົມເຂົ້າກັນ
ສຳຫຼັບສ່ວນຜະສົມຂອງກະທິທີ່ຈະໃຊ້

-ຫົວກະທິ 1/3 ຖ້ວຍ
-ເກືອ ¼ – ½ ບ່ວງຊາ (ຕາມມັກ)
-ແປ້ງເຂົ້າໄຣເບີລີ້ ຫຼື ແປ້ງໂຮວີດກໍໄດ້ 2 ບ່ວງຊາ
ວິທີເຮັດ

ນຳກະທິມາຕັ້ງໄຟໃສ່ເກືອ ແລະ ລົງໄປ, ໃຊ້ໄຟອ່ອນ ຄົນຄ່ອຍໆຈົນກວ່າກະທິຈະມີລັກສະນະໜືດໆ ເພື່ອໂຮຍໃສ່ເຂົ້າ

ວິທີຮັບປະທານ:

ຕັກເຂົ້າໜຽວມູນໂຮຍດ້ວຍນໍ້າກະທິທີ່ຕຽມໄວ້ ແລະ ໂຮຍງາຂາວ, ງາດຳ, ທັນຍາພືດ ແລະ ໝາກມ່ວງ

-ສາມາດໝູນໃຊ້ໄດ້ກັບເຂົ້າຂາວ

*1 ຖ້ວຍ = 250 ມິລລີລິດ

ພຽງເທົ່ານີ້ ເຮົາກໍສາມາດກິນເຂົ້າໜຽວໝາກມ່ວງອັນແຊບຊ້ອຍໄດ້ແບບບໍ່ຈຳກັດ ພ້ອມທັງຍັງໄດ້ຄຸນປະໂຫຍດຈາກເຂົ້າກ້ອງຕື່ມອີກດ້ວຍ! ຫວັງວ່າທຸກໆທ່ານຈະມີຄວາມສຸກກັບເມນູທີ່ສະປູນນຳມາຟາກມື້ນີ້ນໍ້ ແລ້ວເຈິກັນອີກເມນູໜ້າເດີ້!
ຂອບໃຈທີ່ມາ:www.sanook.com