ກິນໝາກກ້ວຍນໍ້າ ເປັນປະຈໍາດີຕໍ່ສຸຂະພາບ

0
112

ປະໂຫຍດຂອງໝາກກ້ວຍນໍ້າ
ໝາກກ້ວຍນໍ້າ: ມີສັບພະຄຸນບໍາລຸງຮ່າງກາຍ ແລະ ເບິ່່ງແຍງສຸຂະພາບ ກ້ວຍນໍ້າ ເປັນໝາກໄມ້ທີ່ມີມາແຕ່ບູຮານ ທີ່ມີປະໂຫຍດຫຼາກຫຼາຍຢ່າງທີ່ເຮົາຮູ້.

ກ້ວຍນໍ້າ ເຖີງຈະເປັນໝາກໄມ້ ທີ່ບໍ່ໜ້າຈະໃຫ້ພະລັງງານໄດ້ຫຼາຍ ແຕ່ເຊື່ອຫຼືບໍ່ວ່າ ກ້ວຍເປັນພະລັງງານສໍາຮອງຊັ້ນດີ, ສາມາດໃຫ້ພະລັງງານໄດ້ 100 ແຄຣລໍລີ ມີນໍ້າຕານທໍາມະຊາດຢູ່ 3 ຊະນິດ ທັງ ຊູໂຄສ, ຟຸຣດໂຫສ, ກູຣໂຄສ ລວມໄປເຖີງເສັ້ນໄຍອາຫານ ແລະ ອຸດົມໄປດ້ວຍ ວິຕາມິນບີ6 ທີ່ຊ່ວຍກະຕຸ້ນລະບົບພູມຕ້ານທານ ແລະ ແຮ່ທາດທີ່ມີແມັກນີຊຽມ ແລະ ໂພແທັກຊຽມ ທີ່ຊ່ວຍຍປ້ອງກັນໂລກຄວາມດັນອີກ.

ໃນບັນດາກ້ວຍທັງໝົດ, ກ້ວຍນໍ້າໃຫ້ແຄວຊ່ຽມສູງກວ່າກ້ວຍຊະນິດອື່ນ, ນອກຈາກນັ້ນຍັງມີວິຕາມິນບີ1 ,ບີ2 ແລະ ບີ6 ໃນປະລິມານທີ່ເທົ່າກັນ ແຕ່ທີ່ເຮັດໃຫ້ກ້ວຍນໍ້າມີຄຸນຄ່າສານອາຫານທີ່ພິເສດກ່ວາກ້ວຍຊະນິດອື່ນໆນັ້ນກໍ່ຄື: ໂປຣຕີນ ທີ່ຢູ່ໃນກ້ວຍນໍ້າມີກົດອະມິໂນອາຈິນິນ ແລະ ຮີສຕິດິນ ເຊິ່ງມີຄວາມຈໍາເປັນຕໍ່ການຈະເລີນເຕີບໃຫຍ່ຂອງເດັກນ້ອຍ, ເຖີງເປັນເຫດຜົນທີ່ວ່າເປັນຫຍັງຕອນເດັກນ້ອຍ ຜູ້ໃຫຍ່ເຖີງໃຫ້ເຮົາກິນກ້ວຍບົດ, ເພາະອຸດົມດ້ວຍສານອາຫານ ແລະ ວິຕາມິນທີ່ຈໍາເປັນຕໍ່ຮ່າງກາຍເຮົານັ້ນເອງ.
ສັບພະຄຸນຂອງກ້ວຍນໍ້າຊ່ວຍປ້ອງກັນພະຍາດ

1. ກ້ວຍນໍ້າຊ່ວຍບັນເທົາອາການເຈັບຄໍ ກິນມື້ລະ 5-6 ໝາກ, ຈະຊ່ວຍໃຫ້ອາການລະຄາຍເຄືອງຫຼຸດໜ້ອຍລົງ.
2. ກ້ວຍນໍ້າຍັງຊ່ວຍລະງັບກິ່ນປາກໄດ້, ວິທີການກໍ່ຄື: ກິນກ້ວຍນໍ້າຫຼັງຕື່ນນອນທັນທີ ແລ້ວຄ່ອຍຖູແຂ້ວ ຈະຊ່ວຍຫຼຸດກິ່ນປາກໄດ້ຫຼາຍ.
3. ກ້ວຍນໍ້າສາມາດຮັກສາກະເພາະ, ເພາະໃນກ້ວຍນໍ້າມີສານແທນນິນຢູ່ຫຼາຍ ຈຶ່ງສາມາດຊ່ວຍຮັກສາອາການເຈັບທ້ອງແບບຮຸນແຮງໄດ້.

4. ກ້ວຍນໍ້າແກ້ທ້ອງຜູກ ແລະ ສາມາດແກ້ທ້ອງເສຍໄດ້ ຈະເຫັນໄດ້ວ່າກ້ວຍນໍ້າມີປະໂຫຍດຫຼາກຫຼາຍ ກ້ວຍນໍ້າຫາກິນໄດ້ບໍ່ຍາກ, ລາຄາບໍ່ແພງ ເມື່ອທຽບກັບໝາກໄມ້ຊະນິດອື່ນໆ ຫາກໄດ້ກິນກ້ວຍນໍ້າພຽງມື້ລະໝາກກໍ່ຈະເຮັດເຮົາຫ່າງໄກໝໍໄດ້ພໍສົມຄວນ
ເຄັດຄວາມຮູ້ນອກຈາກນີ້ ກ້ວຍນໍ້າ ຍັງມີແຄວຊ່ຽມ ແລະ ດູດຊືມໄດ້ໄວ 5-6 ເທົ່າ ເມື່ອຖືກຄວາມຮ້ອນໂດນສະເພາະ ກ້ວຍປີ້ງ.

 

ອ່ານແລ້ວກໍ່ຈົ່ງພາກັນຊື້ມາໄວ້ເຮືອນ ຈັກສອງສາມເຄືອເດີ ໝາກກ້ວຍນໍ້າ. ກິນເຊົ້າ ສວາຍ ແລງ ຄັ້ງລະໜ່ວຍ ດີຕໍ່ສຸຂະພາບເດີ ພີ່ນ້ອງເດີ.