ກອງປະຊຸມຄົບຄະນະຂອງກໍາມະການເສດຖະກິດ,ແຜນການ ແລະ ການເງິນຂອງສະພາປະຊາຊົນແຂວງຫລວງພະບາງປະຈໍາ 2017

0
373

ໃນວັນທີ່ 10 ພືດສະພາ 2018 ສະພາປະຊາຊົນແຂວງ ໄດ້ຈັດກອງປະຊຸມຄົບຄະນະກໍາມະການ ເສດຖະກິດ,ແຜນການ ແລະ ການເງິນ ປະຈໍາປີ 2017 ຂື້ນ ໂດຍການເປັນປະທານຂອງທ່ານ ສິງຕັນ ໄຊລື່ຊົ່ງ ຄະນະປະຈໍາພັກແຂວງ,ຮອງປະທານສະພາປະຊາຊົນແຂວງຫລວງພະບາງ,ມີບັນດາສະມາຊິກສະພາປະຊາຊົນແຂວງ,ບັນດາຫົວຫນ້າ,ຮອງຫົວຫນ້າພະແນກການອ້ອມຂ້າງເຂົ້າຮ່ວມ.

ທ່ານ ສິງຕັນ ໄຊລື່ຊົ່ງ ໄດ້ຂື້ນກ່າວເປີດ ກອງປະຊຸມຄົບຄະນະກໍາມະການ ເສດຖະກິດ,ແຜນການ ແລະ ການເງິນ ປະຈໍາປີ 2017 ຄັ້ງນີ້ ແມ່ນເພື່ອສະຫລຸບຕີລາຄາການເຄື່ອນໄຫວວຽກງານປີ 2017 ຜ່ານມາ ແລະ ກໍານົດທິດທາງເຄື່ອນໄຫວວຽກງານປີ 2018 ຂອງ ຄະນະກໍາມະການ ເສດຖະກິດ,ແຜນການ ແລະ ການເງິນ (ຄສຜງ) ຂອງສະພາປະຊາຊົນແຂວງຫລວງພະບາງ ໃນນາມເປັນຕົວແທນແຫ່ງສິດຜົນປະໂຫຍດ ໃຫ້ແກ່ປະຊາຊົນ,ການຕິດຕາມກວດກາ,ການເຄົາລົບປະຕິບັດລັດຖະທໍາມະນູນ ແລະ ກົດຫມາຍ,ກໍ່ຄືການເຄື່ອນໄຫວວຽກງານຂອງຄະນະກໍາມະການເສິດຖະກິດ,ແຜນການ ແລະ ການເງິນ ຈາກບັນດາພະແນກການ,ເມືອງ ແລະ ໂຄງການລົງທຶນຕ່າງໆ ພາຍໃນແຂວງ ຢ່າງເປັນປົກກະຕິ ແລະ ມີຜົນສໍາເລັດຕາມລະດັບຄາດຫມາຍທີ່ວາງໄວ້ ໂດຍສອດຄ່ອງກັບແປນພັດທະນາເສດຖະກິດ-ສັງຄົມ,ແຜນງົບປະມານ ແລະ ບັນຫາສໍ່າຄັນຕ່າງໆຂອງແຂວງ ໄດ້ຮັບການພິຈາລະນາ ແລະ ຮັບຮອງຖຶກຕ້ອງຕາມລະບຽບກົດຫມາຍ ແລະ ບັນລຸແຜນການທີ່ວາງໄວ້.

ກົດອ່ານລາຍລະອຽດໂປຣພິເສດຂອງ KIA

ປີຜ່ານມາ ຄະນະກໍາມະການ ເສດຖະກິດ,ແຜນການ ແລະ ການເງິນຂອງສະພາປະຊາຊົນແຂວງຫຼວງພະບາງ ໄດ້ເຄື່ອນໄຫວຕິດຕາມກວດກາ ແລະ ອານຸມັດ ໂຄງການລົງທຶນ,ການດໍາເນິນທຸລະກິດຢູ່ພາຍໃນ ແລະ ຕ່າງປະເທດ ໄດ້ມີການເຄື່ອນໄຫວເປັນປົກກະຕິ,ໃນນັ້ນໄດ້ອານຸມັດໂຄງການລົງທຶນຂອງລັດ ຈໍານວນ 218 ໂຄງການ,ມູນຄ່າ 75.468,26 ລ້ານກີບ,ປະຕິບັດໄດ້ 100%,ສາມາດດຶງດູດການລົງທຶນຈາກພາຍໃນ ແລະ ຕ່າງປະເທດ ໄດ້ທັງໝົດ 251 ໂຄງການ,ມູນຄ່າ 529.365,89 ລ້ານກີບ,ໄດ້ຮ່ວມການຕິດຕາມກວດກາ ແລະ ຊຸກຍູ້ພາກສ່ວນກ່ຽວຂ້ອງ ໃນການສົ່ງເສີມຜະລິດເປັນສິນຄ້າ ໂດຍອິງໃສ່ທ່າແຮງ ແລະ ມູນເຊື້ອຂອງແຕ່ລະບ້ານ,ໃນການສຸມໃສ່ລ້ຽງສັດໃຫຍ່,ໄດ້ສໍາຫຼວດຂື້ນບັນຊີຫົວໜ່ວຍທຸລະກິດ ຂະໜາດກາງ,ຂະໜາດນ້ອຍ ເພື່ອມີແຜນຊຸກຍູ້ສົ່ງເສີມນອກນັ້ນກໍໄດ້ປັບປຸງຂະແໜງການເງິນນໍາໃຊ້ບາໂຄດເຂົ້າໃນການເກັບລາຍຮັບຢູ່ແຫຼ່ງທ່ອງທ່ຽວ,ເພື່ອແກ້ໄຂການຮົ່ວໄຫຼດ້ານລາຍຮັບ-ຈ່າຍງົບປະມານ,ສາມາດສໍາຫຼວດລາຍຮັບເຂົ້າງົບປະມານຂອງແຂວງໄດ້ 278.306,88ລ້ານກີບ,ເທົ່າກັບ 104,28%ຂອງແຜນການປີ,ລາຍຈ່າຍປະຕິບັດໄດ້ 640.249,70ລ້ານກີບ,ເທົ່າກັບ 95,24% ຂອງແຜນປີ ແລະ ສູນກາງດູນໃຫ້405.343,04ລ້ານກີບ,ການເບິກຈ່າຍເງິນເດືອນໃຫ້ພະນັກງານກໍ່ເປັນປົກກະຕິ.

ກອງປະຊຸມໄດ້ຮັບຟັງມະຕິຂອງຄະນະປະຈໍາສະພາປະຊາຊົນແຂວງຫລວງພະບາງ,ສະບັບເລກທີ່ 57/ຄປຈ.ຫລ,ລົງວັນທີ່ 16 ກັນຍາ 2016 ວ່າດ້ວຍການຈັດຕັ້ງ ແລະ ເຄື່ອນໄຫວວຽກງານຂອງ ຄສຜງ.ຮັບຟັງບົດສະຫລຸບການຈັດຕັ້ງປຕິບັດວຽກງານຂອງ ຄສຜງ ສະພາປະຊາຊົນແຂວງປະຈໍາປີ2017 ແລະ ທິດທາງແຜນການປີ2018,ການປະກອບຄວາມເຫັນແລະ ລາຍງານກ່ຽວກັບການຕິດຕາມກວດກາ ແລະ ການຄຸ້ມຄອງ ກ່ຽວກັບຜົນຮ້າຍຂອງການນໍາໃຊ້ສານເຄມີກະສິກໍາ,ຢາປາບສັດຕູພືດ ແລະ ຢາຂ້າຫຍ້າ,ການປະກອບຄວາມເຫັນ ແລະ ລາຍງານກ່ຽວກັບມາດຕະການຄຸ້ມຄອງວຽກງານກໍ່ສ້າງ,ສ້ອມແປງຂົວທາງ ແລະ ເຄຫະສະຖານໃຫ້ມີຄຸນນະພາບ.ນອກນີ້ບັນດາຜູ້ແທນກອງປະຊຸມກໍໄດ້ສຸມໃສ່ ຄົ້ນຄົ້ວພິຈາລະນາແລກປ່ຽນຄວາມຄິດເຫັນ ແລະ ຖອດຖອນບົດຮຽນເຊິ່ງກັນ ແລະ ກັນ ໃນການເຄື່ອນໄຫວຈັດຕັ້ງປະຕິບັດພາລະບົດບາດ ແລະ ຫນ້າທີ່ຂອງຕົນຢ່າງເລິກເຊິ່ງ.

ຂ່າວ: ເພັດສາຄອນ ສິມມະວົງ

ກົດອ່ານລາຍລະອຽດໂປຣພິເສດຂອງ Hyundai

——–

ແນະນຳຄລິບຊີວິດຈິງ ຈາກນັກປັ່ນແຂນດຽວ ທີ່ຈະຊ່ວຍປຸກແຮງບັນດານໃຈແກ່ທ່ານ

ລາຍການ ດິບ EP:1 ວິລະພອນ ພຸດທະວົງໄຊ ,ນັກກິລາປັ່ນລົດຖີບທີມຊາດລາວ

ສາລະຄະດີ ຊີວິດ ເຕັມຮູບແບບ ລາຍການທຳອິດຂອງ ທີມງານໂທລະໂຄ່ງ ທີ່ ດິບ ບໍ່ຕ້ອງປຸງແຕ່ງ ເຊິ່ງທ່ານຈະຮູ້ຈັກບົດຮຽນຊີວິດຂອງຄົນທຳມະດາ ແຕ່ຟັງດີໆ ເຂົາເຫລົ່ານັ້ນມີບົດຮຽນອັນມີຄ່າ ທີ່ເຮົາເອົາໄປໃຊໄດ້ໃນການດຳລົງຊີວິດEP:1 ນີ້ ນຳສະເຫນີເລື່ອງຊີວີດ ດິບໆຂອງວິລະພອນ ພຸດທະວົງໄຊ ນັກກິລາປັ່ນລົດຖີບ ພິການແຂນ ທີມຊາດລາວຄົນທີ່ເກີດມາດ້ວຍຄວາມພິການກໍເປັນສິ່ງທີ່ບັນທອນໃຈໃນການດຳລົງຊີວິດພໍສົມຄວນ ແຕ່ຫາກເກີດມາຄົບສົມບູນຮ່າງກາຍແຂງແຮງເປັນນັກກິລາ ແລ້ວຊໍ້າພັດມາພົບຊະຕາພາໃຫ້ເສຍສ່ວນສຳຄັນໄປ ທ່ານລອງຄິດເບິ່ງວ່າຈະຕ້ອງໃຊ້ແຮງໃຈສໍ່າໃດເພື່ອລຸກຂຶ້ນມາໃຊ້ຊິວິດຢ່າງມີຄວາມສຸກຄັດດິບໆຈາກການສົນທະນາ2ຊົ່ວໂມງກັບບຸກຄົນທີ່ມີຄວາມສຸກຢູ່ກັບປັນຫາຢ່າງເຂົ້າໃຈ ແລະບໍ່ຍອມແພ້ໃນອຸປະສັກທີ່ເກີດຂຶ້ນກັບຕົນເອງສະໜັບສະໜູນ ແຮງບັນດານໃຈໂດຍ: ຕະຫລາດໄຮ່ຄຳ ຕະຫລາດສິນຄ້າກະສິກຳລາຄາຖືກ#ແຊລ໌ສູ່ສັງຄົມເພື່ອແບ່ງປັນບົດຮຽນ #ປັ່ນລີດຖີບ#ດິບ #ລູກຫລານຜູ້ຂີ່ລົດໄວຄວນເບິ່ງ #ເດັກຕິດເກມ #ບານບ້ວງ #ໂທລະໂຄ່ງ #ຕັດສຸດຍາກ #ຢາກໃຫ້ເບິ່ງ #ສົ່ງເສີມສັງຄົມ#ແຮງບັນດານໃຈ #ສາລະຄະດີຊີວິດຂອງຄົນລາວ#ຕະຫລາດໄຮ່ຄຳ

Posted by ດິບ on Tuesday, May 1, 2018

——————————————

ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ

LINE ID: @tholakhong | Twitter ID: @tholakhong

tholakhong@gmail.com | www.tholakhong.com