ລາວໂທລະຄົມ ນໍາເງິນ ຜ່ານໂຄງການບໍລິຈາກຜ່ານຂໍ້ຄວາມ ຊ່ວຍບ້ານສັນແຟນ ແລ້ວ 29 ລ້ານກວ່າກີບ

0
72

ລາວ ໂທລະຄົມ ໄດ້ຕາງຫນ້າໃຫ້ ລູກຄ້າ ລາວ ໂທລະຄົມ ຜູ້ໃຈບຸນທີ່ໄດ້ຮ່ວມບໍລິຈາກມອບເງີນ ແລະ ວັດຖຸ ຊ່ວຍເຫຼືອປະຊາຊົນຜູ້ປະສົບອັກຄີໄພ ບ້ານສັນແຟນ ເມືອງຄຳ ແຂວງຊຽງຂວາງ ເຊິ່ງ ລາວ ໂທລະຄົມ ຮ່ວມກັບ ໂທລະໂຄ່ງ ໄດ້ເປີດໃຫ້ລູກຄ້າ ລາວ ໂທລະຄົມ ໄດ້ບໍລິຈາກຜ່ານເຄືອຂ່າຍຂອງ ລາວ ໂທລະຄົມ ນັບແຕ່ວັນທີ 9-15/05/2018 ໄດ້ຮັບເງີນບໍລິຈາກ 8,756,050 ກີບ

ພ້ອມກັນນັ້ນ ລາວ ໂທລະຄົມ ຄະນະຜູ້ບໍລິຫານ ແລະ ພະນັກງານ ກໍ່ໄດ້ບໍລິຈາກສົມທົບທຶນຊ່ວຍເຫລືອ 20,700,000 ກີບ ລວມຈຳນວນເງິນທັງຫມົດທີ່ມອບໃນຄັ້ງນີ້ ແມ່ນ 29,456,050 ກີບ ເຊິ່ງໄດ້ຈັດພິທີມອບ ໃນວັນທີ 19/05/2018 ຢູ່ທີ່ຫ້ອງວ່າການປົກຄອງແຂວງ ໃຫ້ກຽດຮັບໂດຍ ທ່ານ ບູນຕົ້ນ ຈັນທະພອນ ເຈົ້າແຂວງຊຽງຂວາງ ພ້ອມຄະນະ

ເງິນບໍລິຈາກ ແລະ ວັດຖຸປັດໃຈ ດັ່ງກ່າວນີ້ຄະນະຜູ້ຮັບຜິດຊອບຈະສົມທົບກັບເງິນບໍລະຈາກຈາກພາກສ່ວນອື່ນ ເພື່ອປະກອບໃນການປຸກສ້າງທີ່ພັກອາໄສ ແລະ ຈັດສັນສິ່ງທີ່ຈໍາເປັນໃຫ້ແກ່ຜູ້ປະສົບໄພຄັ້ງນີ້.